హిమబిందువులు

ఈ పాటవింటే ప్రపంచాన్నేమరచిపోవచ్చు

2012-01-07T21:35:00.003+05:30

సంతృప్తి

2011-11-16T00:58:00.002+05:30

నాపై పెట్టిన భాద్యత సంతృప్తిగా నెరవేర్చగలిగాను .ఇచ్చిన పనిని చాలెంజ్ గా తీసుకుని అనుకున్నదానికన్నా బాగాచేసాను (అంటున్నారు ) ఏమైనాగుర్తుంచుకోదగ్గ రోజు.

నన్ను వెదుక్కుంటూ వచ్చావా

2011-11-06T23:47:00.003+05:30

అలసట నీ జాడ తెలీదు అనుకున్నానే ;ఇన్నాళ్ళు మచ్చుకయి కాన రాలేదే !ఇంత హడావిడిగా నన్ను వెదుక్కుంటూ వచ్చావెందుకమ్మ!ఇంకొన్నాళ్ళు నన్ను వదిలేయరాదా;ఎంత కాలమో కాదు పదునైదు సంవత్సరాలు చాలు చిటికలో అన్ని చక్కబెట్టుకుని నీతో కూర్చుంటాను !

మరో జన్మ

2011-10-14T00:03:00.003+05:30

మరో జన్మ !
దేవుడా నా చిన్ని గూడు నిలబెట్టాడు .తను మమ్మల్ని గుర్తు పట్టేవరకు నేను నేనే కాదు .మా ఇద్దరి ప్రపంచం తన తోనే అని అప్పుడు ఇప్పుడు అని స్పష్టం అయ్యింది .ఇప్పడు చుట్టూ ప్రపంచం అందం గా కనబడుతుంది .తనకోసం ఈ వారం రోజులు నిద్రాహారాలు మాని నాతో కష్టం పంచుకున్న నా మిత్రులకు బంధువులకు ఏమిచ్చిన ఋణం తీరదు .దేవుడు మా అందరి మొర ఆలకించి తిరిగి ఆయనకీ మరో జన్మ ప్రసాదించాడు

చిన్ని చిన్ని ఆనందాలు

2011-09-28T21:56:00.005+05:30

రెండురోజులనుంచి కాస్త సాంత్వన .ముఖ్యంగా కొలువు కి రిలీఫ్ మనస్సుకి విశ్రాంతి .కాలం తో పాటు పరుగు వెనక్కి తిరిగి చూసుకుంటే వెలితి .హ్మం నేను మెచ్చేవి నాకు నచ్చేవి నా ఇష్టాలు ఆనందాలు కోల్పోతూ వేరోకదానిలో సరిపెట్టుకుంటూ కాలం గడిచిపోతుంది .చిన్ని చిన్ని ఆనందాలే మిస్ అయ్యిపోతున్నాను :-(
ఇంట్లో మధ్యాహ్నం సమయంలో హాల్లో నేల మీద పడి పుస్తకాలు చదవడం ఇష్టం కాని ఇప్పుడదేదో అపురూపంగా దొరికే సమయం అయ్యింది .
అలానే ఉత్తరం అంటే చాల ఇష్టం .(ఉత్తరాలు ఇష్టమే )..ఉత్తరం అంటే ఉత్తర దిక్కు అన్నమాట ,అక్కడ తలుపు మెట్టుపైన కుర్చుని ప్రపంచాన్ని చుసేయ్యవచ్చు .ముఖ్యంగా మధ్యాహ్న సమయంలో అరటిచెట్ల నీడలో రంగుల పిట్టలు గోరింకలు ఉడుతలు చేసే కిచకిచ ధ్వనులతో గాలికి అటుఇటు కదిలే కొమ్మల తో పాటు సిరిమువ్వల్ని తలపించే ఫెంగ్శ్యు గంటల రాగాలతో ...అదో అధ్బుత ప్రపంచంలా అనిపిస్తుంది .ఇది అరుదయింది .
సాయంత్రాలు అలా ఇంటి మేడ పైకెక్కి కొండల్లో క్రుంగి పోతున్నసూరీడ్ని చూడటం ఇష్టం,కన్యాకుమారిలోచూసిన దృశ్యం కంటే అధ్బుతంగా వుంటుంది .కాని చంద్రుడ్ని చుక్కల్ని చూసుకుంటూ ఇల్లు చేరవలసివస్తుంది .ఇదీ నాకు అపురూపం అయ్యిందే !నిత్య జీవితంలోని ఆనందాలే స్వల్పమైనవి కోల్పోతున్నాను .వినడానికి విచిత్రంగా అనిపించినా ఇవి నాకు అపురూపం!
జీవితానికి ఉగాదులు లేవు ఉషస్సులు లేవు అంటే ఇదేనేమో :-)

సంస్కృతి

2011-09-21T23:23:00.001+05:30

సంస్కృతి అంటే ? ఎంత ఆలోచించిన అర్ధం కావడం లేదు ...మనం అసలే అన్నిట్లోనూ వీక్ :-):)

An invitation.....

2011-09-06T23:22:00.002+05:30

to acqire good dharma........

we invite you to participate in our endeavour to work for the upliftment of the poor and disabled. let us work together to serve our less fortune brothers and sisters by improving our hospitals ,hostels,veternary dispensaries and to give support to the disabled in WEST GODAVARI DISTRICT.

lord Buddha says- "we receive only what we give " Hence ,donate liberally and acqire dharma.............

we can't help everyone........but everyone can help someone.......

peace of mind is rooted in affection n compassion.......

don't think small good deeds don't help.....it is drops of water that makes an ocean....
హమ్మయ్య చాలా రాసేసాను.అన్నట్లు ఇవన్ని నా సొంతమాటలు కాదు .మా జిల్లా కలెక్టర్ గారు జిల్లా అభివృద్ధి సంక్షేమంలో భాగంగా ప్రభుత్వంతో పాటు సంక్షేమ పధకంలో పాలుపంచుకోమని ప్రజలకి ముఖ్యంగా జిల్లవాసులకి ఉద్యోగులకు ,పారిశ్రామిక వేత్తలకి పిలుపునిచ్చారు .పశ్చిమ గోదావరికి చెందిన ఎన్నారైలు కూడా తమ వితరణలు ఇస్తే మరింత అభివృద్ధి సాధించవచ్చని నా భావన :)
please contact our tollfree no.1800-425-8848 or 98499 09082.

ప్రమోషన్ వచ్చినట్లే

2011-08-31T23:02:00.002+05:30

హమ్మయ్య !ఇన్నాళ్ళకి నేను ఎదురుచూసిన ప్రమోషన్ వస్తుంది .ఏప్రిల్ నుండి మొదలు పెడితే ఇప్పటికి అయ్యింది .నేను మరీ తొందర పడుతున్నట్లు మా చిన్నారి అభిప్రాయం కాని ఎప్పుడు జరగవలసినవి అప్పుడు జరిగితేనే అందం అర్ధం కూడా అని మా ఆలోచన వెరసి అమ్మనాన్న ల అభిప్రాయం అదే.
కెరీర్ ని తీర్చి దిద్దుకోవడం మన చేతిలోనే వుంది ఒకదానితో ఒకటి ముడి పెట్టుకుంటే మనం వెళ్ళవలసిన రైలు దాటిపోవచ్చేమో అని నచ్చచెప్పడానికి చాలా కష్టపడవలసి వచ్చింది .దాదాపు అత్తగారి హోదా వచ్చేసినట్లే ..నాలుగు నెలలు ఆగితే పూర్తిగా అత్తగార్నే :)

చిన్నిబొమ్మ

2011-08-22T23:08:00.003+05:30

మాకు ఆడుకోవడనికో "బొమ్మ"

నా ఒడిలో చైనీస్ చింకి ..నాటి పాత మధురాలు

అవినీతిరహిత సమాజం కావాలా!

2011-08-18T23:56:00.003+05:30

అన్నాహజారే అంటే తెలియని వారుండరేమో అని అనిపించేంత విధంగా ప్రజలలోకి వచ్చారు .అవినీతిని వ్యతిరేకించే వారంతా వారికి మద్దతు పలుకుతున్నారు మంచి పరిణామం .
నీతి మార్గమం అవినీతి రహిత సమాజం కావాలనుకోవడం తప్పులేదు కాని అసలు విలువలు పాటించకపోవడం ఎక్కడినుండి మొదలవుతుందోనని మనలోకి మనం తొంగి చూసుకుంటే దానికి సమాధానం తప్పకుండా మనవద్ద దొరుకుతుంది .మనల్ని మనం బాగు చేసుకుని తరువాత మన పరిసరాల ఉద్దరణకు పాటుపడితే బాగుంటుంది .
ఇప్పటి యువతను చుస్తే ముచ్చటగా అనిపిస్తుంది.అవినీతిని అరికట్టాలి అనే నినాదం లో వారే ముందుంటారు .అటువంటి రాజకీయ పార్టీలకు తమ మద్దతు వుందని తేల్చి చెబుతారు.అవినీతి రహిత సమాజం కావాలని కోరుకుంటారు ....కాని ఆచరణలో ఇదంతా జరుగుతుందా? ఇటీవల ఎన్నికల్లో ఇటువంటి నినాదం తో వచ్చిన పార్టీ ఎన్ని స్థానాలు గెలుచుకుంది ?మాటల్లో ప్రతి ఒక్కరు ముఖ్యంగా యువత సమర్ధించిన వారే కాని ఫలితాలు అందుకు భిన్నం గా వచ్చాయి .
ఇంత అన్యాయాల్ని అక్రమాల్ని వ్యతిరేకించే యువత సమయం వచ్చినప్పుడు తమకి ఇష్టం అయిన నటుడు సినిమా వచ్చినపుడు బ్లాక్ లో టికెట్స్ కొని సినిమా చూడటానికి ఏమాత్రం వెరవరు పరోక్షంగా అక్రమర్గాన్ని ప్రోత్సహిస్తున్నట్లు వారికి తోచదా? అత్యవసరంగా కులధృవీకరణ పత్రమో ,జనన పత్రమో మొదలైన అవసరం అయినపుడు నిర్ణీత సమయం వరకు వేచివుండలేక అక్రమార్గాల్లో వాటిని తెప్పించుకోవడం పని పూర్తిచేసుకునేప్పుడు వారికి అవినీతిని పరోక్షంగా ప్రోస్త్సహిస్తున్నట్లు అనిపించదా?ఇలా ఉదాహరణలు చెప్పుకుంటే ఎన్నో ఎన్నెన్నో పాత తరం విలువలు ఇప్పుడుబలహీన పడుతున్నాయి .
అవినీతికి వ్యతిరేక పోరాటం చేయాలి కాని అది మన ఇంటి నుంచే మొదలు కావాలి .పిల్లలికి బాల్యం నుంచే విలువలు తల్లిదండ్రులు నేర్పించాలి తరువాత వాళ్ళు చదువుకునే స్కూలు భాద్యత వహించాలి .....అప్పుడే అందరు కోరుకునే అవినీతిరహిత సమాజం చూడగలం
(ఇది ఎవర్ని ఉద్దేశించి రాసింది కాదు..ఇంట్లో పిల్లలి తో వచ్చిన డిస్కషన్ ) కావాలా!

పచ్చని గులాబి

2011-08-16T20:41:00.005+05:30

నిన్న నా దగ్గరికి అందమైన ఎర్రగులాబీ పూల గుత్తి వచ్చింది వాటి మద్యలో పిస్తా గ్రీన్ కలర్లో ఒక చక్కని గులాబి కళ్ళు విచ్చుకు చూస్తుంది .ఈ రంగులో ఇలాటి పువ్వుని చూడటం ఇదే మొదటిసారి .

ఫ్రెష్ ఫ్రూట్స్

2011-08-11T23:44:00.003+05:30

ఈరోజు పని మీద తణుకు వెళ్ళడం జరిగింది .టౌన్ లోకి వెళ్ళగానే రోడ్ కి ఇరువైపులా పెట్టిన పళ్ళ దుకాణం లను చుస్తే కళ్ళు కుట్టాయి కనబడినవల్లా కోనేయలన్పించాయి ఎందుకంటే ఇంత ఫ్రెష్ ఫ్రూట్స్ ఎక్కడ దొరకవు తణుకు కి దగ్గరలో రావులపాలెం పరిసర ప్రాంతాల్లో పండిస్తారనుకుంటాను .రేపు వరలక్ష్మి వ్రతం కోసం కాబోలు పళ్ళు పూల దుకాణాలు కళకళ లాడ్తున్నాయి.బత్తాయిలు మరీను ఆకులు కాడలతో అమ్ముతున్నారు ...రుచి కూడా అద్భుతం 1

Malayalam Movie urumi songs Chimmi Chimmi HD

2011-08-05T08:16:00.001+05:30

చీకటి అంటే భయం పోయింది

2011-08-03T22:03:00.004+05:30

"అమ్మ మమతా!నా గది లో టేబిల్ మీద పెన్ను వుంది తీసుకురామ్మా" ఇంగ్లీషు మాస్టారు

"అక్కడ చీకటి గా వుంది నాకు భయం నేను వెళ్ళను "మమత

"చీకటా..భయమా! అయితే ఏమైంది ?"ఇంగ్లీష్ మాష్టారు

"ఉహు ...నాకు భయం నేను వెళ్ళను "మమత .

"పిచ్చితల్లీ !డర్క్నెస్స్ ఇస్ నథింగ్బట్ అబ్సేన్సు అఫ్ లైట్ ..సన్ లైట్ లేకపోబట్టేగా ఈ చీకటి సన్ వచ్చిన వెంటనే వెలుతురు అంతా మన ఊహలోనే భయం వుంటుంది వూ ...మరి వెళ్లి తీసుకురా పో "... ఆ తండ్రీ కూతుళ్ళ

సంభాషణ అంతా గుడ్లప్పగించి వింటున్న నాకు చీకటి పట్ల భయం పోయింది నిజంగా ఆ వయస్సులో జ్ఞానోదయం అయింది.

ఇదంతా ఒక పాతికేళ్ళ క్రితం జరిగిన కథ .మేము విజయవాడ వచ్చిన క్రొత్తలో సిద్దార్థ కాలేజి ప్రక్క వీధిలో వుండేవాళ్ళం అక్క ఇంగ్లీష్ లిట్ కి మా ఎదురింట్లో వున్నా సిద్దార్థ కాలేజి ఇంగ్లీష్ లెక్చరర్ వద్ద సాయంత్రం ట్యూషన్ తీసుకునేది తనతోపాటు పి. జి చేసే నలుగురైదుగురు వుండేవారు . అమ్మ పిలవమని చెప్పిన లేక తోచకపోయిన వాళ్ళతో పాటు కుర్చుని వాళ్ళ మమత తో కబుర్లు చెప్పేదాన్ని .ప్రతీ రోజు క్లాస్స్ అయ్యాక ఆయన రాసిన కవితలు చదవడానికి ఇచ్చేవారు అప్పట్లో టెన్స్ టైమ్స్ కూడా ప్రచురణ అయినట్లుంది .అక్క కూడా కథలు కవితలు రాసే అలవాటు వుండటం తో మాస్టారు రాసినవి ఇస్తుండేవారు .అప్పట్లో అయన మా ఎదురింటి అంకుల్ లేక ఇంగ్లీష్ లెక్చరర్ గానే తెలుసు .

ట్యూషన్ లేనప్పుడు కాలేజి లేనప్పుడు కాని చేతిలో సిగరెట్టూ తో దీర్గాలోచనలో వాళ్ళ వరండా లోని కుర్చీలో కనబడేవారు దాదాపు ఎనిమిది సంవత్సరాలు ఎదురెదురు ఇళ్ళలో ఉన్నాము .తరువాత నాన్న వాళ్ళు స్వంత ఇల్లు కట్టుకుని వచ్చేయడం వాళ్ళు ఇల్లు ఖాళి చేసి జర్నలిస్ట్ కాలనీ కి వెళ్ళిపోవడం ..అప్పుడప్పుడు ఏ బుక్ ఎక్జిబిషన్ లోనో షాపింగ్ లోనో కనబడటం దాదాపు టచ్లో లేరనే చెప్పొచ్చు .

ఎప్పుడు చీకటి గదిలోకి వెళ్లి లైట్ వేయబోతున్న లేక భయమనిపించే చీకటిని చుసిన నాకు "వేగుంట మోహనప్రసాద్ గారు" గుర్తొస్తారు .నిశబ్దంగా చీకటిలో కలిసిపోయిన ఆ మహానుభావుని ఆత్మకి శాంతి కలగాలని కోరుకుంటూ

చరిత్ర ఇష్టం

2011-07-31T00:01:00.004+05:30

బ్రిటిషు పాలకులు తమకోసం నిర్మించు కున్న ఆ భవనం హుందాగా చరిత్రకు ప్రత్యక్ష సాక్ష్యంగా నిలబడి వుంటుంది .రైలింగ్ పట్టుకుని టకటక మని చప్పుడు చేసుకుంటూ ఆ మెట్లు ఎక్కి దిగుతున్న ప్రతిసారి నా మనస్సు చరిత్రలోకి పరిగెడుతుంది .ఎప్పుడో బ్రిటీషువారు కట్టిన ఆ భవనంలో జిల్లా ముఖ్యాధికారి కొలువు వుంటుంది ,కొండరాళ్ళ తో చెక్క మెట్ల తో చాలా పటిష్టంగా వుంటుంది .పనిమీద ఎప్పుడు వెళ్ళిన నా మనస్సు వెళ్ళిన పని నుండి మరలి చరిత్రలోకి పరిగెడుతుంది .

చరిత్ర అంటే నాకు చాలా ఇష్టం .నేటి కథేగా రేపటి చరిత్ర!చరిత్ర ఎందుకు చదవాలి అదేమైన కూడు పెడుతుందా ఈ రాజు ఎప్పుడు పుడితే ఏమి చస్తే ఏమి ఆ తేదీలు సంవత్సరాలు బాబోయ్ అంటారు చాలా అమాయకంగా :-)
నేను చరిత్ర చదవబట్టే అది నాకు కూడు పెడుతుంది ఆ సబ్జెక్టు మీద ఇష్టం ప్రేమ ఇంకా వగైరా వగైరా ఉండబట్టే కదా ఒక ఆప్షన్గా తీసుకుని మాక్సిమం స్కోరు తో వరుసగా రెండు మూడు ఉజ్జోగాలు సంపాదించాను :-)
సమావేశ మందిరంలో కూర్చున్న నా కళ్ళు నిశితంగా కూడ్యాలు దర్వాజాల వైపు చక్కర్లు కొడుతుంటాయి .అప్పుడెప్పుడో పందొమ్మిదివందల ఇరవయ్యో లో భాధ్యతలు నిర్వహించిన నోరు తిరగని అధికారుల పేర్లనుంచి ఇప్పటివరకు నిర్వహిస్తున్నవారివి చెక్క ఫ్రేం లో రాసి వున్నాయి చదుకుంటూ అప్పటిలో అక్కడ కొలువు చేసిన గతించిన అధికార్లను ఊహ రూపం లో చూస్తూ రేపటి మనల్ని చూస్తుంటాను .
పాలకులుగామౌర్యుల్ని గుప్తులని అల్లాఉద్దిన్ ఖిల్జీ ని అక్బర్నిషేర్ష సూరిని ఔరంగాజేబుని తుగ్లక్ ని శివాజీ ని కృష్ణదేవరాయని ఇంకా ముఖ్యంగా మనకి పాలన వ్యవస్థని అంచెలంచెలుగా అందించిన "బ్రిటిషు "వారిని ఇష్టపడతాను .బ్రిటిషువారి జ్ఞాపకాలుగా మిగిలిపోయిన (వదిలివెళ్ళిన )ఆ పూరాతన కట్టడాలు నాకెంతో ఇష్టం .

నెమలికన్నుకి జేజేలు

2011-07-28T23:09:00.004+05:30

గలగలా "గోదారిలా "నవ్వుతు అందర్నీ నవ్విస్తూ ఒక జ్ఞాని లా భోధిస్తూ వివేకంతో ఆలోచింప చేస్తూ తన చుట్టూ వున్నా పరిసరాలకు జీవకళ తెప్పించే మిత్రుడు "నెమలికన్ను " మురళి కి "జన్మదిన శుభాకాంక్షలు .

నాలోనే పొంగెను నర్మదా

2011-07-25T22:56:00.002+05:30

ఎన్ని సార్లు విన్నా విసుగనిపించదు ...అలా ప్రయాణంలో అలసటలో వింటుంటే నా అలసటంతా చిటుక్కున మాయం అవుతుంది .....

నేను-చిన్ని

2011-07-25T20:23:00.001+05:30

ఇలా వుంటుంది మా ఇద్దరి కథ :-)
-చిన్ని నేను

ఊహించని బహుమతి

2011-07-14T16:31:00.002+05:30

నీకోసం పార్సిల్ వచ్చింది అంటున్న శ్రీవారి మాట పూర్తికాకుండానే వంటగదిలో నుండి ఒక లాంగ్ జంప్ చేసి తడి చేతుల్ని చీరకు తుడిచేస్తూఎవరు పంపారా అని ఆత్రంగా ఫ్రం అడ్రెస్స్ చూసి నవ్వుకున్నాను పంపిన వస్తువేమిటోఊహించేసాను .
ఫటాఫట ఓపెన్ చేస్తూ నాచేతికి పిన్ను కూడా గుచ్చించేసుకున్నాను.నొప్పిని కూడా లెక్కచేయకుండా ఆ వస్తువుని తీస్తే అందమైన
బాపు బొమ్మలతో 'వంశీ 'గారి "మా దిగువగోదారి కథలు"పుస్తకం దర్శనం ఇచ్చింది .
పుస్తకం లో పేజి తెరవగానే అందంగా తన చేత్తో రంగులద్దిన లతలురాసిన అయిదు పంక్తులైన ఆత్మీయత కలబోసి ...'పుస్తకమేమో దాచుకోవల్సినదీ .....
కథలేమో మళ్ళి మళ్ళి చదివించేవి ..అంటూ .ఎన్ని ఈ మెయిల్స్ రాసుకున్న ఇంత ఆనందం వుండదేమో ..ఇలా ఉత్తరాలు అందుకోవడం పుస్తకాలు
గిఫ్ట్లుగా పొందడం లో వున్నా ఆనందమే వేరు .
హ్మం ఈ గోదారి వాళ్లకి గోదారి అంటే ఎంత ప్రేమో !
ఏవిటో మా కృష్ణా నదీ అందమైనదే శైవ క్షేత్రాలతో ,బౌద్దారమాలతో త్రుళ్ళి పడుతున్న దానితో ఎవ్వరు ప్రేమలో పడరు.గోదారోల్లు
మాత్రం అప్పుడే కళ్ళు తెరిచినా బుడతడు నుంచి తొంబయ్యి ఏళ్ళ కురు వృద్దుడి తో సహా గోదారి అందాల వెంటపడే వారే .అందులోనే
అమ్మని ,ఆడపడుచుని నేస్తాన్ని ప్రియురాల్నిచూస్తారట ..బహుశా ఆ నీటి మహత్యం కావొచ్చు.సంవత్సరం పైనుండి గోదారి ప్రజలతో
కూడి పనిచేస్తున్న వీళ్ళకి జీవితాన్ని ఆస్వాదించడం తెలిసినట్లో మరొకరికి తెలియదేమో అని అప్పుడప్పుడు అనిపిస్తుంది .ప్రతిపనిలోను
నవ్యత్వం కనిపిస్తుంది.. ఇలా ఊహించని రీతిలో బహుమతులు పంపేస్తారు :-)

అతను యేమయ్యాడో

2011-07-01T17:26:00.002+05:30

అతను యేమయ్యాడోఒకటే ఆలోచన .ఇప్పుడా అప్పుడా దాదాపు మేము ఈ ఇంట్లో కి వచ్చినప్పటి నుండి పరిచయమంటే సుమారు ఎనిమిది ఏళ్ళు అనుకోవచ్చు .ప్రతి సోమవారం గురువారం వచ్చేవాళ్ళు .పోయిన ఏడాది ఇలానే టెన్షన్ పడ్డాను నెలరోజులు కనబడపోయేసరికి..అప్పట్లో ఎండలకి అనారోగ్యం వలన ఇల్లు కదలలేక పోయారట .ఇప్పుడు అలానే అనుకుని మనస్సుకి సరిపెట్టుకున్న ఏదో కీడు శంకిస్తుంది .నాకు చాలా ఇష్టం అయిన వ్యక్తి .ఈ వయస్సులో కూడా తన పాత సైకిల్ వేసుకుని ఓపిక కూడగట్టుకుని సైకిల్ హండిల్ కి ఇరువైపులా బరువైన పుస్తకాల సంచులు తగిలించుకుని నెమ్మదిగా బరువు మోసుకుంటూ..అమ్మా .పాపా అంటూ అతి కష్టం మీద నూతిలోంచి మాట్లాడినట్టు పిలుస్తాడు .నేను పలకపోతే అక్కడే వున్నా ఉయ్యాలలో నాకు కావలసిన పత్రికలూ పెట్టేసి వెళ్ళిపోతాడు . నెలవారి డబ్బులు ఇస్తే తప్ప ఏ రోజు నోరు తెరిచి అడగలేదు .రాకపోయినా తను ఎక్కడున్నా ఆరోగ్యంగా వుండాలని రోజు దేవునికి మొరపెడ్తున్నాను.ఈనాడు లో పత్రిక ప్రమోటర్ గా చేరి ఇప్పుడు ఒంట్లో ఓపిక సన్నగిల్లి గడవక అప్పటి వాసనలతో అక్కడక్కడ ఆదరిస్తున్న సాహిత్యభిమానుల ఆదరణ తో కదిలే గ్రంధాలయం లా బ్రతుకు బండి లాగిస్తున్నాడు ....ఈ రోజుల్లో ఇలాటి వ్యక్తులు చాలా అరుదుగా తారసపడ్తుంటారురోజు ఉదయం వస్తాడేమో అని ఎదురు చూపులు నాతో పాటు పాప మావారు ఏమయి ఉంటాడని రోజుకోసారయిన తలుస్తారు .తన అడ్రెస్స్ కాని నంబర్ కాని తెలీదు ఎన్నిసార్లడిగిన మీకు తెలీదమ్మా రాలేరమ్మ అనేవాళ్ళు నంబర్ తనకి లేదని ప్రక్కవాల్లది ఎప్పుడు వాడుకోలేదని చెప్పేవాడు ....నాకైతే వీధి వీధి వెదకాలని వుంది :-(

సివిల్స్ ప్రిలిమినరీ పేపర్ బాగుంది

2011-06-14T16:51:00.003+05:30

మారిన సివిల్ సర్విస్ ప్రిలిమినరీ పేపర్ చాల బాగుంది .మరీ ముఖ్యంగా మద్యాహ్నం ఇచ్చిన పేపర్ టూఇంకా బాగుంది .దీనివలన పూర్తి స్థాయిలో ఫిల్టర్ అవ్వొచ్చు .ఎప్పుడు కోలాహలంగా వుండేపరీక్ష కేంద్రాలు ఎందుకో బోసిపోయినట్లు అనిపించాయి .మారిన సిలబస్ తెలియని మోడల్ పేపర్ అంటుకోవడానికి చాల మంది సాహసించలేదు.మెయిన్ పేపర్లో కూడా ఇదేవిదమైన మార్పులు వుంటే బాగుండును అంటే అస్సలు ఆప్షన్ పేపర్ అనేదే లేకుండా.

మేఘమా స్వాగతం

2011-06-01T16:46:00.003+05:30

నిన్నటి నుంచి నాలో నూతనోత్సాహం అంబరాన్ని చుంబిస్తుంది..కారణం ఏవిటా అని తరచి చూసుకుంటే హప్పుడు అర్ధం అయ్యింది .నిన్న లేచి లేవగానే చుట్టుముట్టిన నీలిమేఘాలు తాకగానే చిన్ని చిన్ని బిందువులై తనువెల్ల తడిపాయి ..కానుగ చెట్టు గొడుగు క్రింద కూర్చుని నీలగిరి తేనేరు వేడి వేడిగా సేవిస్తుంటే నాలో తెలీని ఉత్సాహం పురులు విప్పి నాట్యం చేసింది ....ఆ అందమైన అనుభవం ఎన్ని మైళ్ళు ప్రయాణం చేస్తున్న వదలక వెన్నంటే వుంది నీలం పచ్చదనం నీటి బిందువులు పోటిపడి కనువిందు చేస్తున్నాయి .....ఇంత అధ్బుతమైన ఆనందాన్ని కలిగిస్తున్న "వర్ష ఋతువా"నీకుస్వాగతం.

వెళ్ళనా లేకఉండిపోనా

2011-05-12T16:15:00.000+05:30

నిర్ణయం తీసుకోలేక మైండ్ పనిచేయడం లేదు .నెల రోజులనుండి ఇదే పరిస్థితి .నేను ఎవరి అభ్యర్ధనతో వచ్చానో వారే లేరు .ఇక్కడ వుండటం అవసరమా అనిపిస్తుంది ఎవ్వరు శాశ్వతం కాదని తెలిసినా తెలియకుండానే బంధం పెంచేసుకోవడం మన బలహీనత ఆమె నుండి నేను చాలా చాలా నేర్చుకున్నాను కనీసం సంవత్సరం గడవకుండానే వెళ్ళిపోవడం అయ్యింది .పని చేయడం అస్సలు కష్టం కాదు నిజం చెప్పాలి అంటే పని చేయడాన్ని పూర్తి స్థాయిలో ఎంజాయ్ చేస్తాను తిరిగి చూస్తే నాకోసం అవకాశం ఎదురు చూస్తూనే వుంది ......కాని వెళ్ళనా ఉండనా ..హ్మం తేల్చుకోలేకుండా వున్నాను .

2011-04-25T17:45:00.002+05:30

చిన్నపనులను నిర్లక్ష్యంతో చేసేవారు గొప్ప విజయాలను సాధించలేరు .

అప్పుడే వండిన వంటలు

2011-04-06T13:48:00.004+05:30

హేవిటో ఎంత వద్దని అనుకున్న అప్పటికప్పుడు వండిన వంటకాలన్నీ నా వద్దకి చేరిపోతాయి మనం తిన్నాక అందరితో పంచుకోవాలి అనిపిస్తుంది హ్మం ...అలా పంచుకోపోతే మనకి నిద్రపట్టదాయే....

మొన్నకి మొన్న అంటే పది రోజుల క్రిందట కౌన్సిల్ సమావేశం లో ముఖ్యమైన చర్చలో వుండగా వేడి వేడి వంటకం నా టేబిల్ మీద చేరింది వచ్చాక దానివంక చూడకుండా ఉండలేము కాదాయె ...ఎక్స్జ్యుమి ఒక్క నిమిషం అని సదరు పాత్ర లోకి తొంగి చూడగా ఒక్కసారే గుండె జారిపోయింది ..కెవ్వు మన్న నా కేక విని నా ఎదురుగు ఆసినులయ్యి వున్నాసదరు అధికార్లు "ఏమయ్యింది మాం ?''అంటూ ఒక్క ఉదుటన కుర్చిల్లోనుండిలేచి ఆతృతగాఅడిగారు .మనం తేరుకుని అప్పుడే వండిన వార్తని మోసుకొచ్చిన మా "బుజ్జితల్లి "(నా మొబైల్ ముద్దు పేరు )ని చూస్తూ అందరకి పంచేసాను ...విషయం ఏవిటంటే ..."sad news for all indians ...our ex-president dead in kovai military hospital due to heart attack...pls forwd to all indians ...అని పైకి చదివాను .ఇంకేం వుంది అందరి ముఖాల్లో విషాదం ..అయన రాసిన వింగ్స్ ఆఫ్ ఫైర్ చదివి ఒకరు అయన గొప్పతనం గురించి ఒకరు మానవత్వం సింప్లిసిటీ గురించి ఒహరు జ్ఞాపకం చేసుకుని ఆ సమావేశాన్ని సంతాపసభ గా ముగించాము.ఒక అధికారి ఏకంగా "రేపు సెలవు కాబట్టి ఆ మర్నాడు ఫైల్ చూద్దాము "అనేసుకున్నాడు :-) ఇక మేమంతా సదరు వంటకాన్ని కావలసిన బంధు మిత్రులందరికీ పంచేసి భాధతీర్చేసుకున్నాం .ఇంటికి వెళ్ళాక టివి లో స్మృతి గీతాలు లాటివి ఏమైనా ప్రసారం జరుగుతుందేమోనని చూద్దును గదా ..హబ్బే ... ఆ జాడలె లేవు ....ఎందుకు ఇలాటి వార్తలు ప్రయాణం చేస్తాయో అర్ధం కాదు మనం ఫూల్ అవ్వడమే కాకుండా ఇతరులని ఫూల్ చేసే పరిస్థితి .....ఆనక నాకు సారీ చెప్పిన నేను ఎందరికి చెప్పాలో కదా ! రెండు రోజుల క్రితం వార్త కూడా మనసును కలిచి వేసింది .చూద్దాం ఇది అబద్దం అవుతుందేమో !

అయ్యవార్ని చేయబోతే కోతి అయ్యిందట

2011-03-18T16:47:00.003+05:30

అయ్యవార్ని చేయబోతే కోతి అయ్యిన చందాన ఏదో కాస్త తిన్నది తగ్గించి కాస్త అందం గా తయారవ్వుదామని(నా కూతురికి తోడు ) నెల రోజులనుండి జిమ్ కి వెళ్లి రెండుగంటలు గడిపి వస్తుంటే రెండు చేతులు కాస్త ఉక్కు కడ్డీల్ల తయారయ్యాయి :-(
పది రోజుల క్రిందట బ్లౌజ్ లో తేడా అనిపించి కోచ్ ని అడిగాను ..."యెం నాయన నీవు చెప్పేవి చేస్తే నీలా తయారయ్యేట్లున్నాను ఇవి చేయొచ్చా నాకెందుకో అనుమానంగా వుంది" అని .అస్సలుకి ప్రాబ్లం లేదు మాం నిక్షేపంగా చేయొచ్చు మీ చేతులు వారం లో తగ్గిపోతాయి నేను చెబుతున్నాగా అని మరిన్నివర్కవుట్స్ చేయించాడు..నేనేమో కార్డియో ఓ గంట చేసి రావచ్చు అనుకుంటే వాటికంటే వీటిమీదే దృష్టి పెట్టించాడు ఎంత చిన్న పిల్లాడయిన మాకు పెర్సనల్ కోచ్ కదా వినక తప్పుతుందా !సరిగ్గా నిన్నటికి నెల మనం బుద్ధిగా ఉదయాన్నే అక్కడికి వెళ్ళడం మొదలుపెట్టి ..వెయిట్ చూసుకుంటే ఎక్కడవేసిన గొంగళి అక్కడే ..హ్మం .కొరకొర చూస్తున్న నా చూపుల్ని తప్పించుకుంటూ "మీరు సరిగ్గా డైట్ ఫాల్లో కావడం లేదనుకుంటా" అని డిఫెన్స్ లో పడ్డాడు..
వెయిట్ తగ్గకపోయినా నా భుజాలు వెయిట్ లిఫ్టర్ లా తయారయినేం నా కూతుర్ని మాత్రం డేసిప్లిన్ లో పెట్టగలిగాను చీకటితో లేచి చకచక తయారయ్యి జిమ్మ్కి వస్తుంది తనలో మాత్రం చాల మార్పు వచ్చింది అన్ని రకాలుగా ..నా కోచ్ కంటే తన కోచ్ బెటర్ గా గైడ్ చేస్తున్నాడు ..నా చేతులు తగ్గించు కోవటానికైన రెండు గంటలు కేటాయించక తప్పదు ..కోచ్ ని మార్చేసాను:)

తమరి రాక మాకెంతో సంతోషం

2011-03-12T15:40:00.003+05:30

కొన్ని స్నేహాలు ఎలా మొదలవుతాయో అర్ధం కాదు చాల మాములుగా అయిన పరిచయాలు మంచి స్నేహితులుగా మారవచ్చు .బ్లాగు ద్వారా నాకు ముగ్గురు మిత్రులు ఏర్పడ్డారు .మొట్టమొదట నాకునేను పరిచయం చేసుకుని చాట్ ఆ తరువాత ఫోన్ లో మాట్లాడుతున్న మిత్రులొకరు మిగిలిన ఇద్దరు కామెంట్స్ ద్వారా ఆ తరువాత చాట్ లో మాట్లాడతూ పరిచయం అయినవారు ,వీరెవ్వర్ని ఇంతవరకి ముఖాముఖి చూడలేదు కలవలేదు ...కాని ఈ రోజు బ్లాగ్ ద్వారా ఇటీవల పరిచయం (స్నేహం )అయిన మిత్రుడు మా ఇంటికి రావడం జరిగింది మా పొరుగు జిల్లాలో ఆఫీసు పనిమీద వచ్చి ప్రత్యేకంగా ఈ రోజు సమయం కేటాయించుకుని మా ఫ్యామిలీ అందరితో మద్యాహ్నం వరకు గడిపి వెళ్ళారుచాలా సంతోషంగా అనిపించింది .బ్లాగులు మంచి స్నేహితుల్ని ఇస్తాయి :-)

లిటిల్ ఏంజెల్స్

2011-03-09T23:28:00.003+05:30

ఏంజెల్స్ గురించి వినడమే కాని ఎప్పుడు కళ్ళార చూడలేదు .ఈ రోజు సాయంత్రం వారందర్నీ కలవడం వారి కాండిల్ లైటింగ్ సెరిమోనీ లో పాల్గొనడం జరిగింది .వారంతా ఫ్లారెన్సు నైట్ ఇంగెల్ బాటలో నడిచే చిన్నారులు .పదవతరగతి చదివి పద్దెనిమిది నెలల శిక్షణ తీసుకుంటారు ఈ లిటిల్ ఏంజెల్స్.వృత్తివిద్య శిక్షణ అనంతరం వీరు ప్రభుత్వ ప్రవేటు హాస్పిటల్ లో పనిచేయడానికి అవకాశం వుంటుంది . ఈ సెరేమోనీ లో వారికి కాప్స్ ఇవ్వడం వారితో ప్లేడ్జ్ తీసుకోవడం దీపాలతో ఫ్లోరేన్స్ అడుగుజాడల్లో నడుస్తామని ప్రమాణాలు చేయడం మరిచిపోలేని అనుభవం .ఎప్పుడు ఇటువంటి కార్యక్రమానికి వెళ్లకపోవడం తో ఉన్నంతసేపు చాల ఎంజాయ్ చేసాను .

భవిష్యత్తు

2011-03-06T14:29:00.000+05:30

ఈ పదిహేనురోజుల్లో ఎన్నో ఆలోచనలు నిర్ణయాలు మార్పులు చేర్పులు .చాలా మారాను అనుకునేకంటే మార్పులు అనుగుణంగా చేసుకున్నాను ఉద్యోగం పూర్తిగానో తాత్కాలికంగానో వదిలేయన్న ఆలోచనకి శివరాత్రి రోజున తేలిపోయింది కొన్నాళ్ళు చూడాలని వాయిదావేసుకున్నాను ఈయనతో తీరికగా చర్చించాక.లాస్ట్ సండే మేమంతా సత్తెనపల్లి వెళ్ళివచ్చాక మరికాస్త క్లారిటీ వచ్చింది నిజానికి అంతక్రితం గుంటూరు వెళ్ళిన రోజే నా దిశ గమనం మార్చుకోవాలని దృడంగానిశ్చయించుకొన్నాను..కొంత నన్ను మరింత ఆలోచించి నిర్ణయం తీసుకోమన్నాశ్రీవారి ముందు చూపు నన్ను కొంత వెనక్కి లాగింది అయిన మనసులో రేగిన అలజడి ఇంకా సద్దుమణగలేదు..వేచిచూడాలి.

నా ఫేవరేట్ సాంగ్

2011-03-02T22:26:00.000+05:30

ఫనా లో ఇష్టం అయిన పాట

2011-02-23T19:32:00.000+05:30

ఎంత ఇష్టం అయిన సినిమా అయిన పదేపదే చూసేవి వేళ్ళలో లెక్కపెట్టవచ్చు .పాటలు మాత్రం వందల్లో వింటాను .అలా లెక్క పెట్ట దగిన సినిమా లో ''ఫనా ''చేరుతుంది .ఎందుకో ఎన్ని సార్లు చూసిన అప్పుడే చూసిన అనుభూతి కలుగుతుంది.ఈ పాట వినేకొద్ది వినాలి అనిపిస్తుంది .

ప్రవాహంలోప్రయాణం

2011-02-19T23:14:00.001+05:30

ప్రవాహంలో లో నా ప్రయాణం నిన్నటినుండి మొదలయ్యింది .చాలాకాలం తరువాత తీరికగా ధియేటర్ కి వెళ్లి "అప్పల్రాజు"సినిమా చూసివచ్చాను.ఎటువంటి ఎక్స్పెక్టేషన్స్ లేకుండా వెళ్లాను కాబట్టి నాకు చాల నచ్చింది .సినిమా కామెడి కాదని ప్రారంభంలోనే ప్రేక్షకులకి తెలియజేసినప్పటికి సినిమా సగం నుంచి వేణుమాధవ్ బృందం హాస్యం పండించింది.సినిమాయలోకం,ఔత్సాహిక కళాకారుల కష్టాలు ఇలా తెరమరుగున వుండే విషయాలు విశేషాలతో ఆద్యంతం ఆసక్తికరంగా నడిచింది.సరదాగా చూడతగిన సినిమా .

ఇదే జీవితమా!

2011-02-18T00:23:00.001+05:30

ఎందుకో నా ఆలోచన ధోరణిలో రాను రాను మార్పు కనిపిస్తుంది.ఒకప్పుడు వున్నపోటీ తత్వం ఇప్పుడు ఉండటంలేదు ప్రతిపనికి ఇప్పుడు చేయకపోతే నష్టం ఏవిటి నేనే ఎందుకు చేయాలి చేయకపోతే వచ్చే పరిణామాలు ఏవిటి ఇలా సాగిపోతుంది ....నావరకు ఫరవాలేదు కాని నాకున్న ఒక్కగానొక్క బిడ్డ మీద కూడా నా ప్రతికూల ఆలోచనలు ప్రసరిస్తున్నాను.ఒకప్పుడు విపరీతంగా ప్రోత్సహించిన నా నోటి తోనే అంత కష్టపడకు సర్వీసులు తెచ్చుకోవడమే జీవితం కాదువేరే వైపు కూడా జీవితం వుంది ఇంకా నచ్చినట్లు జీవించవచ్చు అని హితవులు పలుకుతున్నాను .నాకులా తను ఎందుకు ఇబ్బంది పడాలి అంత అవసరమాఅని నా మనస్సు ఎదురు తిరుగుతుందికొన్ని సౌఖర్యాలు అధికారాల తోపాటు ఎన్నో అసౌఖర్యాలు మనస్సుకి నచ్చనివి కూడా భరించాలి. తినడానికి నిద్రపోవడానికి సమయం లేని పని ఒత్తిడితో కొన్నాళ్ళకి ఆరోగ్యాన్ని కోల్పోయి చివరికి వెనక్కి తిరిగి చూసుకుంటే ఏమి మిగుల్చుకుంటామో అర్ధం కావడం లేదు..దీనికి ఎక్కడో చోట ఆనకట్ట వేయవలసిందే అనుకుంటాను .గతంలో ఎంతోమంది మిత్రులు ఇంతా కష్టపడాలా అని అంటుంటే వారు ఇలా నిరుత్సాహ పరుస్తున్నారు ఇదేమి ధోరణి అనిపించేది.మనకోసం మనం బ్రతుకుతూ సాధ్యమైనంత మనకున్న పరిధిలోనే సాటి మనుష్యులకు సాయపడలేమా..దానికిప్రభుత్వుద్యోగమే తోడ్పాటు కావాలా స్వచ్చంద సంస్థ ద్వారాకూడా మన అభీష్టం మేర తోడ్పాటును అందించవచ్చును కదా అనిపిస్తుంది.బహుశా అక్క కూడా ఇలానే ఆలోచించి కొన్ని నెలలుబ్రేక్ తీసుకుందేమో..హ్మం ...ప్రతిది తెలియకుండానే అక్క అడుగుల్లో అడుగులు వేస్తూ నడుస్తున్న నేను తనలానే మార్పు కోరుకున్టున్నానేమో చూడాలి.నాన్న మాకు ఇచ్చిన స్ఫూర్తి మా పిల్లలకి ఇవ్వలేకపోతున్నాం ప్చ్... ..

అమ్మమ్మ ఊర్లో వాలంటైన్స్ డే సెలెబ్రేషన్స్

2011-02-14T19:33:00.005+05:30

ఈ రోజు ''ప్రేమికులరోజు "అందరము అమ్మమ్మ వాళ్ళ ఊర్లో జరుపుకోవాలని అంతా నిశ్చయించుకున్నాము:-) .మా ఊరు చాల అందంగా వుంటుంది ఇల్లు ని ఆనుకుని పొలము తోటలు వుంటాయి.అమ్మమ్మ వాళ్ళ ఊర్లో తాతయ్య పెద్దమామయ్య ఫ్యామిలీ వుంటారు. అమ్మమ్మ కొంతకాలం క్రితం గతించాక అక్కడికి వెళ్ళడం తగ్గిపోయింది .మా అమ్మావాళ్ళు మొత్తం ఆరుగురు వాళ్ళపిల్లలం అలానే మా పిల్లలు ఇంకా మా తాతగారి తమ్ముళ్ళ పిల్లలు వాళ్ళ పిల్లలు మొత్తానికి కలిపి ఒక వెయ్యిమందిమి ఉదయం ఎనిమిదికల్లా చేరిపోయాము.

అంతా ప్రేమికులరోజు శుభాకాంక్షలు ఒకరికొకరం తెలుపుకున్నాం (ఫలహారాలు ఆరగిస్తూ ).పదకొండు గంటల సమయంలో మాపెద్దమామయ్యా కొడుకు కి తను మూడు సంవత్సరముల నుంచి ఇష్టపడుతున్న అమ్మాయికి మా తాతయ్య అద్వర్యంలో వివాహం జరిపించారు.వైవిధ్యంగా చేయాలనీ ప్రేమికులరోజుని నిర్ణయించారు

ఆ అమ్మాయి వాళ్ళ తరుపు కొంతమంది (ఫ్యామిలీ )మాత్రమె వచ్చారు .తాతయ్య మనవాడి మనస్సు అర్ధం చేసుకుని అన్నీ తానయి నిర్వహించారు.చాలా కాలం తరువాత అమ్మమ్మ ఊర్లో చిన్నపిల్లలం అయిపోయాం .మా భాల్యమిత్రులు కూడా చాలామందిని కలిసే అవకాశం కలిగింది .థాంక్స్ టూ98 years తాతయ్య.

రోజులు ఎలా మారిపోయ్యాయో ...హ్మం .

బుజ్జులు

2011-02-12T17:02:00.006+05:30

మా ఇంట్లో ముగ్గురికి 'బుజ్జులుగాడ్ని'చూడకుండా వుండనిదే తోచడం లేదు .ఇదివరకు అటుఇటు తిరిగి వచ్చిన తొట్టెలో చేపపిల్లలు ఏమి చేస్తున్నాయో వాటికి ఫుడ్ వేశార లేదా అని అరా తీసి వేయకపోతే వేసి కాసేపు వాటితో కబుర్లు చెప్పేదాన్ని .ఇప్పుడు బుజ్జులు మా జీవితం లో అడుగు పెట్టాక బంగారు చేపల్ని నిర్లక్ష్యం చేసాము వాటిని శ్రద్ద తీసుకోవడం తగ్గిపోయి నిన్న గాక మొన్న వచ్చిన ఈ బోడి బుజ్జులు ఆక్రమించింది .ఈ బుజ్జులు ఏమి చేసిన మాకు అధ్బుతమే ఇది చాలా తెలివైనది అదేకాక చాలా క్రమశిక్షణ తో ప్రవర్తిస్తుంది ఒక్క విషయం లో తప్పించి .అదేమిటంటే కొత్తవాళ్ళు ఇంటికి వస్తే వాళ్ళను నిలవనీయకుండా ఆనందం తో ఒక్క వుదుటున వాళ్ళ ఒడిలో చేరి గారాలు పోతుందీ మేం ఎంత చెప్పిన అస్సలు లెక్క చేయదు పైగా మీతో నాకేమి పని అన్నట్లు ఒక లుక్ వేసి వచ్చిన వాళ్ళ బుజాల మీదో చేతి మీదో తల వాల్చేసి వాలుగా మా వైపు చూస్తాది.వచ్చిన వాళ్ళు కుక్కలంటే భయం లేని వాళ్ళయితే పర్లేదు ఇబ్బంది పడేవాళ్ళతోటే మాకు ఇబ్బంది అప్పుడు వీడ్నికంట్రోల్ చేయడానికి బోల్డు కష్టపడాలి ..కట్టేసామా ఇక మమ్మల్ని మాట్లాడనీయకుండా గోల గోల దాని బాషలో గొణుగుతూ వుంటాది ఇవన్ని పడేకంటే ఇంటికి వచ్చిన వాళ్ళు సహనం తో కాసేపు బుజ్జులు ని వాళ్ళ ఒడిలో కూర్చోబెట్టుకుంటే బాగుండును అనిపిస్తుంది .పగలంతా మా పాపకి ఎదురుగా కూర్చుని చదివిస్తూ మద్య మద్యలో దానికి బోర్ కొట్టినపుడు మేడపైకి లేక ఇంటి చుట్టూషికారుకి తీసుకుని వెళ్తే సంతృప్తి పడుతూ రాత్రయ్యేసరికి సింహద్వారం ఎదురుగా కూర్చుని మారాక కోసం పడిగాపులు పడ్తువుంటుంది మాఇద్దరిలో ఎవరు ముందు వచ్చిన రెండు నిమిషాలు ఆడిరెండోవారు వచ్చే వరకు గుమ్మం వద్దనే ఎదురుచూస్తుంటది వచ్చాక ఇక ఆటలు మొదలుపెడ్తది.బుజ్జులుకి నిద్ర వచ్చిన నిద్రపోకుండా ఎవరు మెలకువగావుంటారోవాళ్ళ ప్రక్కనే కునికిపాట్లు పడుతూ చివరి లైటుతీసేవరకు వుండి ఆనక నిద్రపోతుంది .

ఉదయాన్నే మాకంటే ముందు లేచిన అల్లరి చేయకుండా మేము లేచాక ఒక్కొక్కర్నీ పలకరించి వెళ్తుంది ..బుజ్జులుకి ఆరుబయట షికార్లంటే ప్రాణం ప్రకృతిని పరవశంగా ఆరాధిస్తుంది. గాలి వీచే దిశగా ముఖం పైకెత్తి కళ్ళు మూసుకుని ఆస్వాదిస్తుంది చెట్టుకొమ్మలు గాలికి కదులుతుంటే చెవులు రిక్కించి వింటూ మనకి ఏదో చెప్పాలని తాపత్రయపడ్తుంటది .చెట్టు మీద చిన్ని చిన్ని పిట్టల్నిఅటు ఇటు పరుగులు తీసే ఉడుతల్నిపూలపై వాలుతున్న తెనేటిగలను మురిపెంగా కళ్ళు ఇంతేసుకుని చూస్తాది.కాకుల్ని మాత్రం అస్సలు సహించదు అవి వెళ్ళేవరకు విసిగిస్తూనే వుంటది.బుజ్జు చీకట్లో దోమల్ని అతి సునాయాసంగా పట్టేస్తుందిపట్టినవి పట్టినట్లు గుటుక్కుమని మింగేస్తుంది.ఆల్ అవుట్ ఎందుకు దండగ బుజ్జులు చెంత వుండగా అని మా అమ్మాయి గర్వంగా అందరికి చెబుతాది.

బుజ్జు నాకు మరీ మరీ ఎందుకు ఇష్టం అంటే శ్రీవారిని అస్సలు టి.వి చూడనీయదు తను తీరికగా టివి ముందు కనిపిస్తే చాలు పద బయటికి షికారు పోదాం అంటూ సతాయిన్చేస్తాది ,బుజ్జులు కోరిక ఈయన అస్సలు కాదనరు స్పోర్ట్స్ చానల్ కట్టేసి మరీ అమ్మగారు ఎటు తీసుకుపోమ్మంటే అటు తీసుకొని వెళ్తారు ఆ రకంగా మా ఇంట్లో వెధవక్రికెట్ గోల కొంత తగ్గింది .బుజ్జులు అలిగిందంటే మాత్రం చచ్చామే ఎంత బ్రతిమాలిన దిగి రాదూ తినదు తాగదూ.చిన్న చిన్న విషయాలకే అలుగుతాది..కొంచెం పని ఒత్తిడిలో వుండి పలకరించకపోయిన సోఫా క్రిందో మంచం క్రిందో దూరి ఎంత బ్రతిమాలిన రాదూ అది తిరిగి మామూలు అయ్యే దాక దిగులు ...అసలు ఇంత అనుబంధం పెంచుకోవద్దు ఏ కారణం అయిన దూరం అయితే తట్టుకోలెం అని అనుకున్న అనుకునే కొద్ది మరింత దగ్గర అయిపోతుంది హ్మం ..

నా తుంటరి పని

2011-02-08T21:53:00.000+05:30

ఇంట్లో అల్లరికి చిరునామా నాదే .అమ్మమ్మ ఊరు వెళ్తే ఇక నాకు హద్దు వుండేది కాదు.ఒక వేసవి సాయంత్రం స్నేహితుల తో ఆటల్లో మునిగి మద్యలో దాహం వేస్తె ఇంట్లోకి పరుగున వచ్చి(పెరటి దారి ) పెద్ద మట్టికుండ లోని చల్లటి నీళ్ళను అక్కడే బోర్లించి వున్నఇత్తడి చెంబు తో తీసుకుని గటగట కొన్ని తాగి మిగిలిన నీళ్ళను ఏంచేయాలో తెలియక తిరిగి కుండలో పోసేద్దామా అని ఒక క్షణం ఆలోచించి మనసొప్పక అటు ఇటు చుస్తే బియ్యపు డ్రమ్ము మూత తీసి కనబడింది ,అమ్మమ్మ బెడ్డలు వడ్డుగింజలు ఏరే కార్యక్రమం పెట్టుకుని బియ్యం తీసుకొని మూత పెట్టలేదు,ఇకనేం మిగిలిన చెంబులోని నీళ్ళు డ్రమ్ములో పోసేసాను..నీళ్ళు క్షణం లో మాయం అయ్యిపోయాయి అది నాకు ఆశ్చర్యం కలిగించి మరో చెంబుడు పోసాను నీరు మరల మాయం అయ్యేసరికి ఇక వరుసబెట్టి చెంబుల మీద చెంబులు పోస్తుంటే ముందు వసారాలో వున్న అమ్మమ్మ వాళ్ళు చప్పుడుకి హుష్ అంటూ పిల్లి కాని వచ్చిందేమో అని లేచి వస్తుంటే చప్పున మూత పెట్టేసి ఎంచేక్కగా బయటికి వురికేసాను ఆటల్లో పడిపోయి నేను చేసిన పని మరిచిపోయాను .

ఆ మరునాడు మా అందరకి టిఫిన్లు తినిపిస్తూ అమ్మ పిన్ని వాళ్ళు హడావిడిగా వుండగా అమ్మమ్మ "హవ్వ హవ్వ ..ఇదేమి పనమ్మా అజ్జో ఇలా అయ్యింది ..ఎవరి పని ఇది "అని మొత్తుకుంటూ పాలేరు పిల్లాడ్ని డ్రమ్ము పట్టించి వాకిట్లో బోర్లించేరు అందరం ఎమైందా అని వాకిట్లోకి వెళ్లి చుస్తే బియ్యం ఉండలు ముద్దలు ....ఒక్కసారే నేను చేసినపని గుర్తొచ్చింది.కాని నోరు మెదపలేదు .అమ్మమ్మ పని వాళ్ళనే తిట్టింది .ఎవరికేం మాయరోగం వచ్చింది తూముడు బియ్యం నాశనం చేసారు అంటూ ...నేనే అని చెబితే అమ్మమ్మ తిట్టదు కాని అమ్మ చేతిలో మాత్రం తప్పదని గుడ్లప్పచెప్పిఅలా నిలబడిపోయానుఒక ప్రక్క చెప్పేయాలని (అసలే మన నోట్లో నువ్వు గింజ నానదాయే )కష్టపడి ఆపుకున్నాను .ఆ తరువాత కొన్నాళ్ళకి అమ్మమ్మకి చెప్పేసాను సరదాగా నేనే ఆ పని చేసానని.ఇప్పటికి ఆ జ్ఞాపకానికి తడి ఆరలేదు .బియ్యం కడుగుతున్నప్పుడు అమ్మమ్మ గుర్తుకు వస్తది .

Kuch na Kaho-1942 love story

2011-01-31T23:24:00.000+05:30

SILSILA

2011-01-31T23:21:00.000+05:30

Tu Mera Jaanu Hai - Jackie Shroff & Meenakshi Seshadri - Hero

2011-01-31T23:18:00.000+05:30

NIKAAH MOVIE SONG

2011-01-31T23:16:00.000+05:30

సూరీడు పారిపోయే

2011-01-27T23:24:00.012+05:30

చీకటితో మంచుముసుగులో ఉన్న నగరాన్ని విడిచి రచ్చబండ లో రాచకార్యములు ముగించి అలసటతో వెనుతిరుగుతున్ననాకు బలమైన కిరణం నామేను తాకింది పట్టుకుందామని ప్రయత్నిస్తే హమ్మో చెట్టులలో పుట్టల్లో వాగుల్లో దాగి దాగి పారిపోయే ...నన్ను చూసి జడిసిందా:-):-)

అందంగావుందట

2011-01-26T16:50:00.001+05:30

ఈరోజు నేను కట్టిన చీర చాల చాలా బాగుందట .బ్లౌసే కూడా చక్కగా అమరినట్లుందట .ఈ చీర ఇంత బాగుంటుంది అనుకోలేదు .సాధారణంగా పట్టుచీరలు కట్టాలి అంటే సంకోచిస్తాను బరువు గా ఉంటాయని .తప్పనిసరి అయిన దగ్గరి బంధువుల పెళ్ళికి తప్పించి ఆ చీరల జోలికి పోను కాని ఈ రోజు ఎందుకో జాతీయపండుగ కదా పట్టుచీర కట్టుకుని వెళ్తే బాగుంటుంది అనిపించి అసలు ఇంతవరకి కట్టని ఈ పట్టుచీరని కట్టుకున్నాను ఇంటా బయట ప్రశంసలే:-)

చీర సెలెక్షన్ చేసినవారికే ఈ క్రెడిట్ వెళ్తుంది .కొన్నాళ్ళ క్రితం నా ఫ్రెండ్ పెళ్లి కోసం వాళ్ళ ఇంట్లోవాళ్ళ తోపాటు నాకోసం కూడా కొని ఇచ్చిన చీర ...నెమలికంఠం రంగులో మిల మిల మెరిసిపోతుంది......

ఇష్టం అయిన పాట

2011-01-21T23:48:00.001+05:30

ఇష్టం అయిన పాట

2011-01-21T23:03:00.002+05:30

నాగమల్లి పూలు

2011-01-21T21:19:00.007+05:30

నా పని అలసటని ప్రయాణం లో ఇలా ప్రకృతి అందాలని వీక్షిస్తూ మురిసిపోతూ మరచిపోతుంటాను ......నా ఫ్రెండ్ నాగు తమ్ముడు గిరి ఈ మద్య ఇండియా వచ్చినపుడు వాళ్ళ ఇంటికి తీసుకుని వెళ్లారు వాళ్ళఊరు భలే నచ్చింది .వాళ్ళ పోలాలలోనే చెరుకు ఆడటం ,బెల్లం తయారు చేయడం ఇలాటి దృశ్యాలు అబ్బురపరిచాయి .సంక్రాంతి కి ఇక్కడినుండి తీసుకుని వెళ్ళిన బెల్లం తోనే అరిసెలు చేసారు మా ఇంట్లో .అతిధి మర్యాదలలో ఈ జిల్లాల వాళ్ళని మించినవారు ఎవరు ఉండరంటే అతిశయోక్తి కాదేమో .ఇది వాళ్ళ ఇంటికి వెళ్ళే దారి .ఈ పూలు వాళ్ళ ఇంటి ముందున్న చెట్టువి.నాగమల్లి పూలు అంటాము .పాము పడగ శివలింగము కలిగిన వీటిని శివాలయాల్లో పూజకి పెడ్తుంటారు ,వీటి పరిమళం అద్భుతం .మా లొయోల కాలేజిలో ఆఫీసు రూం కి దగ్గరలో రెండు చెట్లు వుంటాయి అక్కడ మాలిని బ్రతిమాలో కళ్ళుకప్పోవాటిని కైవసం చేసుకునేదాన్ని.ఇప్పుడు ఎప్పుడైనా వాకింగ్కి కాలేజిలోకి వెళ్తే మాఇంట్లో రోజల్లానాగమల్లి సువాసనలు వేదజల్లాల్సిందే :-)

ఇక వదిలేస్తే పోలా

2011-01-21T16:42:00.000+05:30

ఎవరి ఆనందం వారిది .ఎవరి బలహీనతలు వారివి .ఇలాగే వుండాలి అంటే కుదరవేమో.ఇది మిధ్య ప్రపంచం అని తెలిసే కూడా అందమైన తేనే గూడు వదల్లేకపోతున్నాము.నిజంగా చెప్పాలి అంటే ఎండమావుల వెంట పరుగులు తీస్తున్నాం.బాధ జాలి అన్నీ ఫీలింగ్స్ ఒక్కసారే ..హ్మం .ఇక వదిలేస్తే మంచిదేమో. చెత్త రాతలు రాసిన వాళ్ళని కూడా ఇంతమంది ప్రశ్నించలేదేమో....ఒక్కడు ఒకే ఒక్కడు ...హ్మం పాపం !

కమ్మని ఈ ప్రేమ లేఖనే రాసింది హృదయమే

2011-01-12T23:44:00.003+05:30

హాయ్ లాండ్ లో హాయ్ హాయ్

2011-01-09T11:06:00.006+05:30

నిన్న సాయంత్రం మా ఊర్లో వున్నా కృష్ణానది దాటి గుంటూరు జిల్లాలో వున్నా హాయ్ ల్యాండ్ కి వెళ్ళాము .చాలా బాగుంది .పిల్లలు బాగా ఎంజాయ్ చేయవచ్చు .వాటర్ వరల్డ్ మంచి అట్రాక్షన్ .అక్కడ ఆర్కిటెక్చర్ పురాతన బౌద్ద కట్టడాలకి నమూనా గ కనిపిస్తున్నాయి .గుంటూరు కృష్ణా జిల్లా వాసులకు మంచి రిలాక్షేషన్ పాయింట్.అక్కడ వున్నా వింతలు విశేషాలు చూద్దాం అని మేము వెళ్తే అక్కడకి వచ్చిన ప్రతి ఒక్కరు మా గుంపు వంక ఒక విచిత్రమైన లుక్ వేసి వెళ్ళేవారు అధికం .మొదట మాకు అర్ధం కాలేదు .తరువాత మా తమ్ముడు కొడుకు కోవిద్ 'పప్పా ఏమి మనల్ని ఇలా చూస్తున్నారు ఆగి నిన్ను చూపిస్తున్నారు 'అని అనడం తో అప్పుడు మాకు లైట్స్ వెలిగాయి:-)తమ్ముడి హెయిర్ స్టైల్ చూసి అని అర్ధం అయ్యింది .మా మీద మేము జోక్స్ వేసుకుంటూ హాయ్ లాండ్ లో హాయ్ హాయ్ గ ఎంజాయ్ చేసి వచ్చాము .

దేవుడు వరమిస్తే !

2011-01-08T23:32:00.003+05:30

ఎప్పుడోగాని మేము అంతా కలవడం ఒక్కసారె కలవడం అవ్వదు అదేమిటో ప్రతీసారి ఒక్కరు మిస్ అవుతారు ఈసారి చిన్న చెల్లి మిస్సింగ్ .నాలుగు రోజులనుంచి అంతా కలిసి అమ్మ దగ్గర చిన్నపిల్లలం అయ్యాం.చిన్నతనం లో మేము ఆరుగురం అమ్మ ఎక్కడ వుంటే అక్కడ చేరేవాళ్ళం,అమ్మ ఒడిలో ఒకరు వీపు మీద ఒకరు చాపిన కాళ్ళ మీద తలోకరం పడుకుని అమ్మ చెప్పే కథలు కల్పనలు వూ కొడుతూ ఊహల్లో ఊహించుకుంటూ వినేవాళ్ళం .కొంచెం పెద్దయ్యాక వంట గదిలో వుంటే తన వెనుకే చేరి వింతలో విశేషాలో స్కూలు కబుర్లో చెప్పేవాళ్ళం,అమ్మ పెరట్లో మొక్కలతో వుంటే ఆ వెనుకే గడ్డిపీకుతోనో ,గొప్పులు త్రవ్వుతునో అమ్మ ఆనందం లో పాలుపంచుకునేవాళ్ళం.రాత్రి పూట మా అందరకి అన్నం కలిపి తినిపించి వరండాలో నాన్న కోసం ఎదురుచూస్తున్న అమ్మ చుట్టూ చేరి అమ్మ చిన్నతనం ముచ్చట్లు అమ్మమ్మ వాళ్ళ విశేషాలు అడిగి అడిగి చెప్పించుకుని వినేవాళ్ళం.పెద్ద అయ్యాక ఏమైనా మారామాఅంటే ఉహు ..ఇప్పటికి అదే సీను కాకపొతే మా ఆరుగురికి తోడు మా జూనియర్లు తోడయ్యారు.ప్రపంచంలోని వింతలు విశేషాలుగురించి అమ్మ చుట్టూ చేరి చెబుతాము..మా కథలు వ్యధలు కంటే అమ్మ "ఆనంద పడే "కథలు గుర్తు చేసుకుని మరీ చెబుతాం..ఇంత పెద్దవాళ్ళం అయిన అంతా ఇరుక్కుని ఇరుక్కుని ఒక చోట చేరి ముచ్చట్లుచెప్పుకోవాల్సిందే ...

దేవుడు ప్రత్యక్షం అయ్యి మీకేం వరం కావాలి అని అడిగితె మా అందరిది ఒకటే సమాధానం మా భాల్యం మాకు తిరిగి ఇచ్చేయమని మా అందర్నీ చిన్నపిల్లల్ని చేసేసి మా అమ్మానాన్నలతో మేమంతా కలిసి ఉండేట్లు చేయమని కోరుకుంటాము.......ఇలా వుంటుంది అందరం కలిస్తే .........

ఇపుడేవిరిసిన మా పిల్లలు

2011-01-01T22:40:00.008+05:30

నివాళి

2011-01-01T17:46:00.003+05:30

పెదవే పలికే తియ్యని మాటే అమ్మ...నిజమే కదా !అమ్మ ప్రేమకి మించి ప్రపంచంలోఅధ్బుతమైన ప్రేమ లేదనే అంటాను ,స్వచ్చమైన ప్రతిఫలాపేక్ష లేని 'ప్రేమ'.మనకోసం నిరంతరం తపిస్తూ మన పిలుపుకే పరవశిస్తూ ఆరాటపడే అమ్మ శాశ్వతంగాదూరం అయితే ......తట్టుకోగాలమా :-(

బ్లాగ్ మిత్రులు భా.రా.రె "అమ్మ ప్రేమ " ని తన అనుభవం లో చాల చక్కగా వర్ణించారు

http://chiruspandana.blogspot.com/2009/07/blog-post.html

స్వర్గాస్తురాలయిన రామిరెడ్డి మాతృమూర్తి కి ఆత్మ శాంతి చేకూరాలని వారు త్వరగా ఈ దుఖం నుండి తేరుకోవాలని కోరుకుందాం.

నేర్చుకోవాల్సింది చాలా వుంది

2011-01-01T12:16:00.004+05:30

"ప్రార్ధన చేసే పెదవులకన్న సాయం చేసే చేతులు మిన్న"అన్నది అక్షరాల ఆచరిస్తున్నమహోన్నతమైన వ్యక్తిని ఈ మద్య కాలం లో చూడటం జరిగింది.,ఇటువంటి వ్యక్తులు అరుదుగా తారసపడుతుంటారు.తనకున్న అధికార పరిధిలో సంక్షేమపధకాలనుపూర్తిస్థాయిలో అమలు పరచడం,భాధితుల కొరకు ఆలోచించి వారికి తగిన రీతి లో సహకారం అందించడంలో తానే ముందు వుంటారు.నేను మదర్ ధెరిసాను ప్రత్యక్షంగా చూడలేదు కాని ఈ అధికారి లో చూస్తున్నాను,స్వల్పకాల సాన్నిహిత్యంలో నేను నేర్చుకోవలసింది చాల వుందని అర్ధం అయ్యింది.పర్యావరణం పారిశుధ్యం ,ఆరోగ్యం సంక్షేమం పూర్తిస్థాయి అమలుకు ఆమె చేస్తున్న కృషి అభినందనీయం .ఆమె బడుగు బలహీన వర్గాలకి "అమ్మ".నిరంతరం మొక్కవోని చిరునవ్వుతో తన యంత్రాంగాన్ని ఉత్సాహ పరుస్తూ తన జిల్లాని అభివృద్ధి దిశలోకి నడిపే ఆమె ప్రతి ఒక్కరికి స్పూర్తిప్రదాత

పర్వదినాల్లో మన దేవాలయాలు అన్నీ దైవాన్ని దర్శించుకోవడానికి జనం తో కిటకిట లాడుతుంటాయి ఒక్కోసారి త్రొక్కిసలాట కూడా చూస్తుంటాం,ఈ రోజు ఉదయం క్రొత్త సంవత్సరసందర్భంగా శుభాకాంక్షలుతెలియజేయడానికి తొమ్మిదిగంటలకి వారి బంగ్లాకి వెళ్తే ఒక్కసారే షాక్ తిన్నాను,కార్ లోపలి వెళ్లడానికి పది నిమిషాలు వేచి ఉండాల్సి వచ్చింది ,ఆవరణ లోపల జనం క్రిక్కిరిసి తిరునాళ్ళని తలపిస్తూ అక్కడ ఎవ్వరోకాని మ్రొక్కుబడి గా వచ్చి వుండరు ఎంతో అభిమానం తో అధికారులు అనధికారులు జిల్లా ప్రజలు శుభాకాంక్షలు తెలియజేయడానికి వచ్చారు అంతే చిరు నవ్వుతో ప్రతి ఒక్కరికి తిరిగి శుభాకాంక్షలు తెలియజేస్తూ వారి యోగక్షేమాలు విచారిస్తున్నారు .అనక వచ్చిన పళ్ళు స్వీట్స్ అన్నీ స్వయంగా అనాధ ఆశ్రమాలకు లెప్రసీ కేంద్రాలకి హాస్పిటల్స్ కి పంచడం చేస్తారట ఈ పదకొండు సంవత్సరాల సర్వీసులో ఎంతోమందిని కలవడం జరిగింది కాని ఇంతమంది అభిమానం ని పొందిన అధికారిని చూడటం మొదటిసారి . వారి తో పాటు పనిచేయడం నాకు లభించిన మంచి అవకాశం ....నేను నేర్చుకోవలసింది చాలా వుందని ఈ క్రోత్తసంవత్సరం మొదటిరోజు తెలుసుకున్నాను .

ఆకు పచ్చని జ్ఞాపకం

2010-12-29T20:01:00.000+05:30

పచ్చదనం అంటే నాకు ప్రాణం.చిన్నతనం నుండి పచ్చని పొలాలు చెట్లు పుట్టలు పట్టుకు తిరగడం వలన కాబోలు వాటిని చుస్తే ప్రాణం లేచివస్తుందిఒక్క మాటలో చెప్పాలంటే ప్రకృతి ని పిచ్చిగా ప్రేమిస్తాను ...మాట్లాడగలను ,ఆడుకోగలను ప్రకృతిలో మమేకమై స్వప్నిస్తాను .నేను చక్కని జీవజలాల మధ్య పుట్టినందుకు అదృష్టంగా భావిస్తాను.ఇక్కడ నివసించడం కూడా అదృష్టమే అనుకుంటాను .నా అభిరుచులకి దగ్గరగా వున్నా వ్యక్తుల్నిఅంతే అభిమానిస్తాను ....అలా అభిమానించే వ్యక్తుల్లో మన 'వంశి ' ఒకరు .స్వాతిలో వచ్చిన 'పసలపూడి'కథలన్నీ చదివాను .మిత్రుల సూచన మేర 'ఆనాటి వాన చినుకులు '..'గాలికొండా పురం'..'మహల్లో కోయిల'ఇలా వంశి అనగానే ఇష్టంగా చదవడం ...పాఠకులని ఆ ప్రదేశాలకి తీసుకుని వెళ్ళే చాతుర్యం వంశి కథలకి వుంది .గోదావరి పచ్చని పరిసరాల నేపధ్యం కలిగి వున్నా కథలను కనిపిస్తే చూసి చదవక మానలేం ...సంవత్సర కాలం గా మునుపటి ఉత్సాహం వుండటం లేదు 'వంశి 'కథలు చదవాలంటే. కారణం అప్పుడెప్పుడో నా బ్లాగ్ లోనే రాసుకున్నాను.ప్రారంభం చక్కగా మొదలెట్టి హడావిడిగా ముగించేయడం కూడా కనిపిస్తుంది..,వాడే పదజాలం కొంత అభ్యంతరకరంగా చదవడానికి ఎబ్బెట్టుగా కూడా తోస్తుంది ,ఒక్కోప్పుడు చదివేది ప్రక్కన పడేసిన సందర్భాలు కూడా వున్నాయి .వంశి మనస్సు పెట్టి రాయడం లేదా అనిపిస్తుంది :-)

ఇలా అని వంశి రచనలు పూర్తిగా చదవనా అని అనుకుంటే అదేమీ కాదు మనస్సుని హత్తుకున్న కథలెన్నో మరల చదవాలి అనిపించేవి ఎన్నో.....పది రోజుల క్రితం షిర్డీ ప్రయాణం కి హడావిడిగా వుండగా నన్ను సర్ప్రైజ్ చేద్దామని చాల కాలం తరువాత చెప్పకుండా ఫ్రెండ్ వచ్చారు వస్తు వస్తు నాకోసం "ఆకుపచ్చని జ్ఞాపకం ''తెచ్చారు.నిజానికి తనే ఒక పచ్చని జ్ఞాపకం.ఆ పుస్తకం చుస్తే బోల్డంత సంతోషం వేసింది .రైలు లోనాతో ప్రయాణం చేసిందని వేరే చెప్పక్కరలేదేమో.దాదాపు అందులో వున్నముప్పైరెండు కథలు అప్పుడో ఎప్పుడో చదివేసినవే .ఇందులో నాకు బాగా బాగా నచ్చిన కథ "కాబూలోడు",ఒకప్పుడు స్వాతి వారపత్రికలో చదివాను .కాబూలోడు నన్ను చాలా కాలం వెంటాడింది.ఆ నాటి వాన చినుకులు గురించి ప్రత్యేకంగా చెప్పక్కరలేదనుకుంటాను. పుస్తకం చక్కగా "బాపు"బొమ్మలతో ముద్దుగా వుంది .ఈ ఆకుపచ్చనిజ్ఞాపకాన్ని భద్రంగా దాచుకుంటాను :-)

ఇదీ మన పరిస్థితి

2010-12-23T21:15:00.001+05:30

ప్రజల కోసం మేము అని చెప్పుకునే నాయకులు జన జీవనానికి ఇబ్బంది కలిగిస్తున్నాం అని ఎందుకు అనుకోరో! గాంధేయ మార్గం అనుసరిస్తున్నాం అని చెప్తూనే తమ స్వలాభం కోసం ఉనికిని చాటుకోవడానికి రాస్తారోకో ,రైల్ రోకో ...ఒక ప్రక్క శాంతిమార్గం లో నిరాహార దీక్ష మరో ప్రక్క ముట్టడి పేరుతో హింసాయుత మార్గం ప్చ్.

జాతీయ రహదారుల్లో ప్రయాణించే వాహనచోధకులకి తీవ్రమయిన అంతరాయం గంటలు గంటలు ...ప్రాణాల మీదకి వచ్చి మెరుగయిన వైద్యం కోసం వెళ్తున్న రోగులు సైతం జాతీయ రహదారుల్లో నిర్దాక్షిణ్యంగా పడిగాపులుపడవలసి వచ్చింది.రాజకీయ స్వార్ధలకోసం సామాన్య మానవులు మూల్యం చెల్లించాల్సివస్తుంది .

థూ వెధవ దాహం

నా షిర్డీ యాత్ర

2010-12-18T22:50:00.004+05:30

అప్పుడెప్పుడో ఉత్తుత్తి తీర్ధయాత్రనా అమరనాథ్ యాత్ర

చేసి అందర్నీ నమ్మించేసానుకాని ఈ సారి మాత్రం నిజంగానే వెళ్ళివచ్చాను .అసలే చాలామంది మిత్రులు మొత్తుకుంటున్నారు ఒంట్లో ఓపిక ఉన్నప్పుడే యాత్రలు చెయ్యాలని ముఖ్యంగా అలనాటి సుప్రసీద్ద కవి "ధూర్జటి "కూడా మొత్తుకున్నాడని:-) ఇరవయ్యి ముప్పయ్యి ఏళ్ళ మద్య విహార విజ్ఞానతీర్థయాత్రలు చేసి అలసిన నాకు తిరిగి కొంత దైవ చింతన (అప్పుడెప్పుడో దేవుళ్ళకి వున్నా నా బాకీ లుతీర్చే నెపము )కలిగి కొత్త అప్లికేషన్లు పనిలో పని పెట్టించడానికి నా ముద్దుల కూతురు నిమిత్తమై కదిలాము కుటుంబం అంతా (ముగ్గురం ).ఈ నాలుగు రోజులు నాలుగు గంటల్లా గడిచిపోయాయి .

షిర్డీ చాల చాల మారిపోయింది చాలా కాలం తరువాత వెళ్ళడం వలన (గతం లో ప్రతి యాడాది వెళ్ళేవాళ్ళం ) రూపురేఖలే మారినట్లు కనబడింది.ఒకప్పుడు బాబా వారి సమాధి అతి దగ్గరగా తాకే అవకాశం వుండేది.సునాయాస దర్శనం వుండేదిఇప్పుడు కనీసం రెండుగంటలు తప్పదురద్దీ సమయం లో ఇంకా ఎక్కువే.కళ్ళ ముందు పూరిపాకలు చిన్న ఊరు సరయిన ఆహారం వుండేది కాదుఇప్పుడు పెద్ద పెద్ద హోటల్స్ ప్రాంతాలవారి రుచులతో భోజన సదుపాయంరవాణాసదుపాయంఆ ప్రాంతాన్ని చూస్తుంటే పెద్ద నగరం లా అనిపించింది .మిగిలిన దేవాలయాల్లో వున్నట్లు ఇంకా శిర్దికి కొన్ని తాకలేదు .సామాన్యులు కి కూడా ఎన్నో సౌఖర్యాలు అందుబాటులో వున్నాయి వి.ఐ.పి దర్శనాలు కొంత ఇబ్బంది కలిగిస్తున్న మిగిలిన దేవాలయాలతో పోలిస్తే లెక్కలోనికి రాదు .భక్తులతో నిత్యం కిటకిటలాడుతున్న షిర్డీ,కనీసం రూపాయి దర్శనం టికెట్ పెట్టిన చాలా ఆదాయం సమకూరుతుంది,కాని ఇటువంటివి ఏవి లేకుండానే ఆలయం చక్కగా నిర్వహించబడుతుంది.ఎన్ని ఒత్తిడులతో వున్నా బాబా ని చూడగానే మనస్సంత ప్రశాంతం గా కొండంత అండ మనకోసం అన్నట్లు అనిపిస్తుంది.వెళ్ళిన రోజే సాయంత్రం హారతికి అందుకున్నాం.చాలా సంతోషం అనిపించింది లేకపోతె అరగంట బాబా ముందు వుండటం కుదరదు కదా ! ఒకప్పటి షిర్డీ యే నాకు బాగున్నట్లు అనిపించింది..అప్పుడు స్వేచ్చ స్వచ్చత అపారంగా ఉండేవి .

ప్రియం అయిన స్నేహం

2010-12-12T13:12:00.003+05:30

కొంతమంది తో జీవితాంతం స్నేహం నిలిచిపోతుంది .అలాంటి వాళ్ళ లిస్టు లో మా "నాగు " చేరుతుంది.నాగు అంటే నా ఎనిమిదవ తరగతి స్నేహితురాలు.నేను అక్క తో పాటు ఏలూరు తెరిసాహాస్టల్లో చేరగానే నా క్లాస్స్ వాళ్ళు పది మంది చుట్టూ చేరి ఎక్కడి నుంచిఏ స్కూలి నుండి వచ్చానో వివరాలు అడుగుతూ నన్ను ఉక్కిరి బిక్కిరి చేస్తుంటే అక్కడున్న వాళ్ళలో ఒకమ్మాయి (నాగమణి )మాత్రం స్వీట్ గా నవ్వుతు చూస్తూ నన్ను ఆకర్షించింది .అప్పట్లో కొత్తగా వచ్చిన వాళ్ళని ఒక వారం కాస్త టీజింగ్ గా చూసేవాళ్ళు (నేను తరువాత అలానే చేసాను ). కాని నాగమణి మాత్రం అస్సలు అలా చేసేది కాదు.ఎవర్ని నొప్పించడం తనకి తెలీదు.చాల మితంగా మాట్లాడేది నేను మాత్రం తనకి అపోజిట్ అయిన మా ఇద్దరికీ స్నేహం కుదిరింది .చెప్పాలంటే నేను తన వెనుకపడి మైత్రి కుదుర్చుకున్నానేమో..నాకు నచ్చితే అలానే చేస్తాను ...గుర్తు రావడం లేదు .ఎవ్వరితోనయిన అభిప్రాయ బేధాలు వస్తే మాట్లాడటం మానేదాన్నికాని 'నాగు 'తో మాత్రం సర్దుకోవడం నేర్చుకున్నానుఎందుకో తెలీదు తనకి నచ్చని పని కి (స్టడీ అవర్ లో సిస్టర్స్ చూడకుండా పుస్తకాల్లోపెట్టి నవలలు చదవడం లాంటివి ) దూరం వుండేదాన్ని.నాగు కూడా నా అల్లరిని నవ్వుతు ఎంజాయ్ చేసేది, స్కూల్లో మా ఇద్దరి సెక్షన్స్ వేరయినా హాస్టల్లో ఉన్నంతసేపు కలిసే వుండేవాళ్ళం.నాగు కి చిన్నప్పుడే నాన్న లేరు ,అది తెలిసి తానంటే ఒకరకమైన కన్సర్న్ అంతర్లీనంగా వుండేది.ఇంటర్ మొదటి సంవత్సరం వరకి తనతోనే కలిసి చదివాను ,ఆ తరువాత నేను విజయవాడ వచ్చిన మా ఇద్దరి మద్య ఏ మాత్రం దూరం పెరగలేదు ,ఎప్పుడైనా ఫోనులో పలకరింపులు (హాస్టల్లో రేస్త్రిక్షన్స్ )చాలా వరకు ఉత్తరాలు ...నేను నాలుగు రాస్తే తను ఒకటి రాసేది అందులోనే ఎన్నో కబుర్లు ....దశాబ్దాలు గడచినా అదే ప్రేమ ,అదే ఆప్యాయత.ఇప్పటికి మెరుపులా మెరుస్తుంది. నాగు ఎవరితో టచ్ లో వున్నా లేకపోయినా నాతో మాత్రం కనీసం ఆరు నెలలకి ఒకసారయిన మెయిల్ రాయడమో ,మాట్లడటమో చేస్తుంది :-) చెప్పా పెట్టకుండా ఇండియా వచ్చి మెరుపులా కనబడి మాయం అవుతుంది .నా స్నేహితులకి నాగు విశేషాలు తెలియాలంటే నన్ను అడగవల్సిందే...పదిసార్లు కాల్ చేస్తే ఒక్కసారే తిరిగి కాల్ చేస్తే ఎవరు మాత్రం ఓపిక పడతారు :-)ఎవరో నాలాంటి వాళ్ళు తప్పించి . రెండు నెలల క్రితం హటాత్తుగా ప్రొద్దున్న ప్రొద్దున్నే కాల్ చేసింది ,నేను మినిస్టర్ ప్రోగ్రాం హడావిడిలో వున్నాను,అయిన అన్నీ ప్రక్కన పెట్టి అరగంట మాట్లాడాను.అప్పుడు అర్ధం అయ్యింది తను నాకు ఎంత ముఖ్యమో....స్నేహం కాని ,ప్రేమ కాని ఇవ్వటమే కోరుకుంటుంది కాని అవతలి వారి నుంచి ఏమి కోరుకోదు అనుకుంటాను ..

నిన్న నాగు కి ఎందుకు గుర్తుకు వచ్చానో..ఒకే ఒక్క లైన్ ఎలా వున్నావు అని.రాసింది,అదే నాకు కొండంత సంభరం.రాత్రి విజ్జి కి వెంకట్ కి చెబితే ఒకటే నవ్వు ...ఆ ఒక్క లైన్ రాయడానికి దానికి ఎన్ని రోజులు పట్టిందో అంటూ ...మరి నాగు అంతే :-)

మమ్మీ డోంట్ వర్రీ

2010-11-30T22:15:00.003+05:30

వారం నుండి అనుభవిస్తున్న టెన్షన్ కి మధ్యాహ్నం తెరపడింది .నిజానికి నిన్న మధ్యాహ్నం నుండి ఎదురుచూస్తూనే వున్నాం ...ఉదయం బయటికి వెళ్తూ కూడా ఈ రోజు ఇంట్లో వుంటే బాగుండేదేమో అటు ఇటు అయిన ఎలా ..తను కూడా సమయానికి లేకపోయే అనిపించింది . ..తప్పనిసరి వెళ్ళాల్సిన పరిస్థితి .మొబైల్ మొగినప్పుడల్లా గుండె దడదడ .....అటుఇటు యేరు ...ఎగురుతున్న కొంగలు ..నీలగగన గానవిచలన.....ధరణిజ శ్ర్రేరమణ
..మధురవదన నళిననయన మనవి వినరా రామ .....(నా మొబైల్ రింగ్ టోన్) అనుకున్నట్లే హోం అని డిస్ప్లే ...మమ్మీ ...స్వీట్ గా ....డోంట్వర్రీ .
హమ్మయ్య ఈ సారి ష్యూర్ ....గట్టినమ్మకం .

దేశవాళి తిండ్లు -రేగువడియాలు

2010-11-26T17:00:00.004+05:30

ఈ రోజు ఇంకొకరకం దేశవాళి తిండి పరిచయం చేస్తున్నాను .పైన ఫోటోలోని చక్రం ఆకారం చూసి పిడక అని భ్రమ పడతున్నారేమో కానేకాదు ,దీనిని "రేగుపండు వడియం "అంటారు .ఒక సంవత్సర కాలం నిలువ వుంటాయి.ఇవి ఎక్కవగా గోదావరి జిల్లవాళ్ళు అక్కడక్కడ మావంటి కృష్ణా జిల్లా వాళ్ళు కూడా పట్టి నిలువ ఉంచుతారు .పైన చూసేది కొన్న రేగువడియం ..ఇంట్లో చేస్తే ముద్దగా ఇంకొంచెం చిన్నగా రంగు పండు మిరప కలిగి వుంటాయి .

రుచి ఎలా ఉంటుందంటే పుల్ల పుల్లగా ,కారం కారంగా కొంచెం తియ్యగా వుంటుంది .నేను అత్యంత ఇష్టపడే ఫుడ్ లో రేగువడియాలు ఒకటి .అమ్మ మాకోసం తప్పనిసరిగా సీసన్ లో తయారు చేసేది .మా చిన్న తమ్ముడు శ్రీను కి ప్రాణం ఇవి వుంటే వేరే ఫుడ్ గురించి ధ్యాస వుండదు ...వాడి కి సప్తసముద్రాల అవతల వున్నా కొరియర్ చేయడం మరిచిపోము .

రుచి చూస్తారా ?అడ్రెస్స్ ఇవ్వండీ పంపిస్తాను :-)

దేశవాళిచిరుతిండ్లు

2010-11-24T14:19:00.009+05:30

ఇక్కడ ఫోటోలలో చూస్తున్నది తేగా అంటారు .రుచి చాల బాగుంటుంది .కొత్తగా ట్రై చేసేవాల్లకి అస్సలు నచ్చదనుకొండీ .ఇవి తాటి పండు ను భూమిలో నాటితే తయారవుతాయి త్రవ్వకుండా వదిలేస్తే బుల్లి తాటిచెట్టు వచ్చేస్తుంది .దీనిని తినడం కూడా కొంచెం కష్టమే ...కాని నేను మాత్రం నేర్చేసుకున్నాను ,ఎలా అంటారా ...చిన్నప్పుడు ముత్యాలముగ్గు సినిమా చూసి తెలుసుకున్నాను :-) అన్నట్లు తెగలు అన్ని చోట్ల దొరకవండీ దొరికిన అంత రుచి వుండవు ...రుచిగల తెగలు తినాలి అనుకుంటే గోదారి జిల్లాకి అడుగు పెట్టాల్సిందే .అక్కడ కూడా ఎర్రమట్టి ఇసుకనేలలో దొరికేవి పొడి పొడిగా చాలా బాగుంటాయి ఊనగట్ల చాగల్లు ప్రాంతాల్లోవి అధిక డిమాండ్ వుంటాయి .అటు ప్రాంతం వెళ్ళడం జరిగితే నా కూడా ఇంటికి తేవడమే కాక అదేదో నేనే పండించినట్లు అందరకి పంపిస్తాను .తినాలి అనుకున్న వాళ్ళు ఒకసారి అటు వెళ్ళినపుడు ట్రై చేయండీ .

దేశవాళి తిండ్లు-జున్ను

2010-11-24T12:29:00.015+05:30

ఇక్కడ ఫోటోలో వున్నది స్వచ్చమైన దేశవాళి జున్ను .మొదటి రోజు తీసిన పాలతో నేనే స్వయంగా వండాను .ఎక్కడిదంటే మా చిన్నత్తగారు పెరట్లో బుల్లి బుజ్జాయి పుట్టింది ,అదే సమయంలో గోదారి ఒడ్డున వున్నా ఆ ఊరు పనిమీద వెళ్ళడం జరిగింది .నాకోసం జాగ్రత్తగా దాచి ఉంచింది అత్తయ్య ,కావలసినప్పుడల్లా కొన్ని పాలల్లో ఈ జున్ను పాలు కలుపుకుని ,మిరియాలు ,అల్లం ,యాలక పొడి ,బెల్లం కొంచెం పంచదార కలిపి కుక్కర్ లో పావుగంట పెడితే కమ్మటి జున్ను రెడీ ,ఫ్రిజ్ లో పెట్టుకుని తింటే ఆ రుచి అద్భుతం .
నిన్న రాసిన టపా ఎగిరిపోయింది ,అందుకే మళ్ళి రాసా కష్టపడి :-(

కార్తీకం-నా ఉపవాసపూజ

2010-11-21T22:11:00.003+05:30

ప్రతి సంవత్సరం కార్తిక పౌర్ణమి రోజు మనకి గొప్ప భక్తి శ్రద్దలు వున్నా లేకపోయినా పూర్తిగా ఆహారం మానేసి (ఒకటి రెండు సార్లు టీ) ఉదయం సాయంత్రం శివాలయ దర్శనం చేసుకుని చుక్కని చూసి ఆవేల్టికి మన భక్తి చాలించి శుభ్రంగా తినల్సినవన్నితినేయడం రివాజు .ఒకవేళ మనం మరిచి పోయిన మా భక్తి చెల్లి (పెద్దది )ముందు రోజునుండే మొదలు పెడ్తుంది "రేపు చీకటితో నాలుగ్గంటలకి గుళ్ళో ఉందామా లేక అయిదు గంటలకి సరిపోతుందా అని ...ఆవు నెయ్యి తెప్పించావ ,లేక అక్కడే కొందామ ,పెద్ద ప్రమిదలు అయితే బాగుంటాయి చిన్నవి మరీ ఇరుకు అనుకుంటా ఇలా వుంటాది ఒకప్పుడు అమ్మ చేసేది ఇంత హడావిడి ,బహుశ అమ్మ వారసత్వం పుచ్చుకుని వుంటుంది .
ఈ రోజు రెండే రెండుసార్లు టీ తాగాను మద్యలో మనకి ఫ్రిడ్జ్ లో వున్నా చాక్లెట్స్ మీద కమల (అమ్మాయి కాదు )మీద మనసు లాగినా చా ....వద్దులే అని మనసుకి సరిపెట్టుకున్నాను ...హమ్మయ్య ఈ రకంగా అయిన ఒక అరకిలో అన్న తగ్గుతానులే అనే దురాశ తో నిన్న నాతో తెచ్చుకున్న బండెడు ఫైల్స్ పైన మనస్సు లగ్నం చేసి హ్యాపీగా హోం వర్క్ పూర్తి చేసి నా కళ్ళు కాళ్ళు డైనింగ్ రూం వైపు వెళ్ళకుండా జాగ్రత్తపడి మొత్తానికి దిగ్విజయంగా కార్తికపౌర్ణమి ఉపవాస దీక్ష పూర్తిచేసాను అప్పటికి ఇంట్లో వున్నా దుష్టశక్తులు నా దీక్ష భగ్నం చేయాలనుకున్న వారి కోరిక ఫలించలేదు .గుడినుండి సరాసరి అమ్మవాల్లింటికి వెళదామనుకున్న (వాళ్ళింట్లో వెయిట్ చూసే మెషిన్ వుంది ,నా దగ్గర లేదు ) ప్రసాదం ఇద్దామని కాని అమ్మే ఎదురొచ్చింది :-(
గుడికి వెళ్ళిన నా మనసు కళ్ళు నేను చేసే పనికన్నా(పూజ ) గుడి ప్రాంగణం లో దేదీప్య మానంగా వెలుగుతున్న దీపలమీద అక్కడ మిలమిల మెరిసిపోయే అందమైన అమ్మాయిల కట్టుబొట్టు పరిశీలనతోనే సరిపోయింది .అక్కడ గంటపైన గడిపిన ప్రశాంతంగా ఓ మూల అరుగుపైన అలానే వుండి పోవాలన్పించింది .విశాలమైన ఆవరణలో రామాలయం శివాలయం ప్రక్క ప్రక్కనే కట్టారు,మా కాలనీ ప్రక్కనే వున్నా సింధిస్ కాలనీ వాళ్ళు ఏర్పాటు చేసుకున్న గుడి అది ,చుట్టుప్రక్కల కాలనీ వాళ్ళంతా ఇక్కడికే వస్తుంటారు ...మొదట్లో పలుచగా వచ్చేవారు ఇప్పుడు విపరీతమైన తాకిడి ,బహుశ ఆ గుడికి ఆదాయ వనరులు ,వితరణలు సమకూరుతున్నట్లు అక్కడి నిర్వహణ తీరు తెలుస్తుంది. గుడికి వెళ్ళినప్పుడల్లా అనుకుంటుంటాను వీలైనప్పుడల్లా కొంత సేపైనా కూర్చుని వెళ్ళాలి అని ...నా నిర్ణయం ఆ గుడి ఆవరణ దాటి ఇవతలికి రాగానే చల్లటి చలిగాలిలో కలిసిపోతుంది ప్చ్..
పూజ ముగించుకుని గుడి బయటికి వస్తూనే అక్కడ వచ్చే సాంబ్రాణి కర్పూర హారతుల సువాసనకి తోడు గుప్పుమనే మల్లెపూల పరిమళం ఆవరించింది ...ప్రక్కనే బుట్టెడు మల్లిపూలు ...నా కాళ్ళు అప్రయత్నంగా అటేసి కదిలాయి ,నా వెనుకే నా చెల్లి ,రత్నాలు ...మూర ముప్పయ్యి రూపాయలంట ! పావలా అర్ధరూపాయిలు పోయి ,రెండు రూపాయల మూర ఏకంగా ముప్పయ్యి ...కాలంకాని కాలం కదా అని సరిపెట్టుకుని కోనేసాం హ్మ్మం ఎందుకో తెలిదు ఏ కాలం పూలు ఆ కాలం లో వస్తేనే బాగుంటాయని అనిపిస్తుంది.ఈ మల్లెపూలంటే తగని పిచ్చి నిజం చెప్పాలంటేఒక పూవు అందం ఇంకో పువ్వుకి వుండదు ...మల్లెల వాసన ..వేసవి రోజులు ఊరు వెళ్ళితే చిన్నాన్నమాకోసం ప్రతిరోజు గుడివాడ నుండి తీసుకు రావడం ,నానమ్మ పర్యవేక్షణలో మాలలు కట్టడం ...మల్లెల పరిమళాలు అంటే మా ఊరి జ్ఞాపకాలు భాల్యంలో నన్ను అల్లుకున్న పరిమళం ముఖ్యం నా పుట్టినరోజు న నా జడంతా మల్లెపూలతో నిండిపోయేది .........ఏవి నాటి పరిమళాలు ......నానమ్మ ,బాబాయి ఇద్దరు లేరు ....
బంతిపూలు వాసనలకి నా భాల్యానికి బోల్డంత భంధం ...సంక్రాంతి కి నానమ్మ ఊర్లో మేము ఉండాల్సిందే ముద్దబంతులు ,ఊక బంతులు ,బియ్యపు బంతులు ,కారపుబంతి ,ఒంటిరెక్క ....అమ్మమ్మ వాళ్ళ పెరట్లో పొలాల గట్ల మీద కూడా ఉండేవి ...ఆ బంతి పూల వాసన దీర్ఘంగా ఆఘ్రానిస్తే రెక్కలోచ్చే ఊర్లో వాలిపోతాం ....వర్షా కాలం లో వచ్చే చేమంతులు ,చిట్టి చేమంతులు ,గడ్డి చేమంతులు నాన్న వాళ్ళ చెక్ పోస్ట్ నుండి గంపలు గంపలు వచ్చేవి వాటికి నా భాల్యపు వాసనలే ...ఇకపోతే శీతాకాలం లో వచ్చే లిల్లీ (నిషిగంధ ) అదొక గమ్మత్తయిన పరిమళం ..లిల్లీ పూల గుత్తులు ఇంట్లో వుంటే ఎన్నిరోజులయిన పరిమళం ఆ గదిని వీడదు ...ఎక్కడ లిల్లీ పూలను చుసిన వాటి పరిమళం నన్ను తాకిన నా పెళ్లి రోజు గుర్తొస్తుంది ...మా ఇల్లంతా లిల్లీ పూలవాసనలతో ఉండేది ....కాలం కాని కాలం లో ఇప్పట్లా అన్ని రకాల పూలు వచ్చేయి కాదు ........హ్మం కార్తిక పౌర్ణమి.....ఎక్కడ్నుంచి ఎక్కడికో పంపేసింది .

నచ్చిమెచ్చినవి

2010-11-21T00:14:00.005+05:30

2010-11-21T00:07:00.002+05:30

2010-11-20T23:55:00.005+05:30

బుజ్జులు దాని చెల్లి ఖయూ

2010-11-13T00:06:00.003+05:30

కొన్నాళ్ళ క్రితం బ్లాగ్ మిత్రులు జయ గారు తదితరులు బంగారం(బుజ్జులు )కబుర్లు అడిగారు ...వాళ్ళకోసం :-)

కాల చక్రం లో

2010-11-12T10:23:00.003+05:30

కాల చక్రం గిర్రున తిరగటం అంటే ఇదే కాబోలు ....నిన్నగాక మొన్న జరుపుకున్నట్లు అనిపిస్తుంది .అంతలోనే సంవత్సరం అయిపొయింది ..అనుకున్నవి జరగలేదు అనుకోని మార్పులు ఎన్నో ఎన్నెన్నో ...నిరంతర ప్రయాణంలో నిన్ను గూర్చినీవు ఇసుమంత కూడా ఆలోచించకుండా మా ఇద్దరికోసం మా ఆనందం కోసం అలుపెరగని యోధుడిలా నిరంతరం తపనపడ్తున్ననీకు మేము ఏమిచ్చిన తక్కువే ......
నిండు ఆరోగ్యంతో మొక్కవోని ఆత్మవిశ్వాసం తో జీవనయానం సాగిపోవాలని ....ఇలానే మరిన్ని జరుపుకోవాలని ......

క్షమించు (మన్నిపాయ )

2010-11-04T20:21:00.004+05:30

ఓ మన పెన్నే

2010-11-04T19:22:00.006+05:30

నమ్మకం

2010-11-01T13:19:00.001+05:30

హమ్మయ్య !నిలబడ్డాను .

AASARA

2010-10-30T23:50:00.003+05:30

"ఆసరా"

రాష్ట్ర ప్రభుత్వం నవంబర్ ఒకటవ తారికున ఈ స్కీం లాంచ్ చేస్తుంది .నిజంగానే వృద్దుల పాలిట వరమే.నానాటికి క్షీణిస్తున్న రక్త భందాలు ,పెరిగిపోతున్న వృద్దాశ్రమాలు ఒకరకంగా "నిర్లక్ష్యం "చేయబడుతున్న మన సీనియర్ సిటిజన్స్ కొరకి రూపొందించిన కార్యక్రమం .

నా అద్దాల గోల -2

2010-10-29T22:25:00.004+05:30

సంవత్సరం నుండి రీడింగ్ గ్లాస్సెస్ తో నడుపుతున్న నాకు అవి కూడా ఇబ్బంది పెట్టేస్తున్నాయి ఇక లాభం లేదని నిన్న కళ్ళడాక్టర్ దర్శనం చేసుకున్నాను ,కేవలం చదివేప్పుడే కాకుండా పెర్మనెంట్ గా వాడండీ కంఫర్ట్ ఉంటుందని సెలవిచ్చారు డాక్టర్ గారు అదనంగా ఈరోజు నుండి మనతోనే ఈ రెండు కళ్ళు .
డిగ్రీ మొదటి సంవత్సరం చదివే రోజుల్లో మా కాలేజిలో సగం పైనే కళ్ళద్దాలు పెట్టుకునేవాళ్ళు అదేంటో అలాటి వాళ్ళను చూస్తే మేధావుల్లా కనబడేవాళ్ళు(చదువుల్లో ఎంత మొద్దు వాళ్ళయిన ) గొప్ప ఆరాధనగా చూసేదాన్ని.నిజానికి అప్పట్లో ఫాషన్ కూడా :-) మా క్లాస్స్ లోను చెప్పాలంటే మా కాలేజీలోను (మారిస్ స్టెల్ల కాలేజివిజయవాడ ) గ్లాస్సెస్ వాడేవాళ్ల సంఖ్య విపరీతంగా పెరిగిపోయిందికారణం మా కాలేజికి దగ్గరలో కొత్తగా కంటి హాస్పిటల్ పెట్టారని తెలిసింది .
ఆ డాక్టర్ చాల అందంగా ఉంటారని కథలు కథలుగా చెప్పుకునేవాళ్ళు .
నేను ఇంకొంతమంది ఫ్రెండ్స్ కలిసి ఆ డాక్టర్ ని చూసి రావాలని నిర్ణయించుకుని వురకనే వెళ్తే బాగోదని కళ్ళు టెస్ట్ అనో తలనొప్పి అనో కారణం చెప్దాము అని మద్యాహ్నం లంచ్ సమయం లో నలుగురం వెళ్ళాము తీరా ఏంటి ప్రాబ్లం అని డాక్టర్ అడిగితె అందరం తలనొప్పి అని చెప్పాము (ఇప్పుడు తలుచుకుంటే నవ్వొస్తుంది )మా లలితా అయితే ఆయనేమి అడిగిన గుడ్లప్పగించి చూసింది డాక్టర్ కి మా ప్రాబ్లం అర్ధం అయినట్లుంది నవ్వుకుంటూ మా నలుగురికి గ్లాస్సెస్ రాసారు .
రెండ్రోజుల తరువాత మా నలుగురి ఫ్రెండ్స్ కి స్క్వేర్ టైపు అద్దాలు అమరాయి (నన్ను ఇంట్లో అమ్మ తిట్టింది చెప్పకుండా నా అంతట నేను ఫ్రెండ్స్ తో వెళ్ళినందుకు )...అవి కళ్ళకి పెట్టుకోవాలంటే చిరాగ్గా వుండేది అవి తీసి ఎప్పుడు తలపైన తగిలించుకునే దాన్ని...కొన్నాళ్ళు కష్టం మీద భరించానుమిగిలిన వాళ్ళ పరిస్థితి ఇదే ...నా పెళ్లినాటికి కి వున్నాయి కంటి చూపు ప్రాబ్లం ఉందేమో అని అనుకున్నారట మావారు,..తరువాతరువాత అవి తీసి అవతల పడేసాను ....ఇక ఇప్పుడు నిజంగా పెట్టుకోక తప్పడం లేదు .
ఆ డాక్టర్ చాల అందంగా వున్నాడు అప్పట్లో మా కళ్ళకి సినిమా హీరోలానే వున్నాడు ఆ క్లినిక్ పేరు గొర్రెపాటి క్లినిక్ ..కళ్ళ డాక్టర్ అనగానే మా అందరికి ఆయనే గుర్తొస్తారు తలుచుకుని నవ్వుకుంటాము .

మా గ్రీమ్స్ పేట మునిసిపాలిటి స్కూలు

2010-10-21T20:02:00.004+05:30

గత యాడాది జూలై నెలలో రెక్కలొచ్చి ఎగిరిపోయిన నా చిన్నప్పటి బహుమతి పుస్తకం గురించి వాపోతూ పోస్ట్ రాసుకున్నాను ..ఆ పుస్తకం తీసుకుని వెళ్ళిన మా టీచర్ని ఓ పాలి అడిగేస్తే అని బ్లాగ్లో అనుకోకుండా తగిలిన మైత్రివనం మిత్రులు అనేసారు ...చాలా సంతోషంగా అనిపించింది .నిజంగా బ్లాగ్స్ విడిపోయిన పరిచితుల్ని ,అస్సలే తెలియని అపరిచితుల్ని ఒక దగ్గరికి చేర్చడానికి వారధిగా సహాయపడుతున్నాయి .http://mhsgreamspet.wordpress.comబ్లాగ్ నేను చిన్నతనం లో అయిదు ఆరు తరగతులు చదివిన గ్రీమ్స్పేట మునిసిపల్ స్కూల్ పిల్లలు (ఒకప్పుడు )రాస్తున్న బ్లాగ్ .వాళ్ళ జ్ఞాపకాలు,చిన్ననాటి మిత్రులన్దర్నీ ఒక దగ్గరికి చేర్చుకునే ప్రయత్నాలు చుస్తే మనస్సు తడిఅవ్వక మానదు .ఈ బ్లాగ్ చూస్తూ నేను అత్యంత ఇష్టపడే భాల్యం లోకి వెళ్ళిపోతున్నాను.ఎన్నో జ్ఞాపకాలు ఎన్నో ఎన్నో ...
భూచక్రగడ్డ రుచి చూసింది ఆ స్కూల్ లోనే అది తింటూ అమ్మతో మూతిమీద కొట్టించుకున్నది అక్కడే "అడ్డమైన గడ్డి తింటున్నాను అని ...తాటి చెక్కలు అక్కడే చవి చూసాను ...బలే రుచిగా ఉండేయి ...పరిగిపళ్ళు అక్కడే తెలుసు ....తలుచుకుంటుంటే మళ్ళి ఆ రోజుల్లోకి వెళ్ళిపోవాలని ..............

అమ్మ కి జేజేలు

2010-10-18T22:13:00.004+05:30

ఒక్కో యాడాది గడిచే కొద్ది దిగులుగా వుంటుంది ..మరల వచ్చే యేడు ఇలానే "అమ్మ " మా అందరి సమక్షం లో తన పుట్టినరోజు జరుపుకోవాలని చాలా ఆశ .నాకు ఊహ వచ్చినప్పటినుండి చూస్తూనే వున్నాను అమ్మ పిల్లలందరికీ ఘనంగా పుట్టినరోజు పండుగ చేయడమే కాకుండా తనది కూడా శ్రద్దగా జరిపేది (నాన్న జరిపించేవారు )ప్రతినెల మా ఇంట్లో ఎవరిదోకరిది పుట్టినరోజు వుంటుంది ,మామూలు పండగకంటే వీటికే మాఇంట్లో ప్రాముఖ్యత ఇవ్వడం జరుగుతుంది .ఈ భూమి మీద సంతోషముగా ఇన్ని సంవత్సరాలు ఆత్మీయులందరి తో కలసి జీవించడం అదృష్టంగానే భావిస్తుంటాం ..ఇలాటి పుట్టినరోజులు ఎన్నో మరెన్నో రావాలని కోరుకుంటాం .

అమ్మ అరవయ్యిలో వుంది ,ఇంతమందిని పెంచిన ,తనకి ఎంత అనారోగ్యం వున్నా ముఖంలో లేశమాత్రం విసుగు చూపక నవ్వుతు కళకళ లాడుతుంది "అమ్మ" .అమ్మ ముఖం లో వార్ధాఖ్యం చాయలు తొంగి చూస్తున్నాయి ఇప్పుడిప్పుడే ముంగురులు వెండి తీగల్ల మార్పు చెందుతున్నాయి .తన ఆరోగ్యంలో చాల తేడా వచ్చింది .అమ్మ లో ఈ మార్పులు చూస్తున్నప్పుడల్లా మనస్సంతా భాద తో నిండిపోతుంది .

ఈ రోజు పూర్తిగా అమ్మ తో చెల్లి వాళ్ళందరితో పాటు గడపాలనుకున్న కాని నాకున్న భాద్యతలతో అవకాశం లేకపోయింది..చిరు జల్లుల్లో మసక చీకట్లో అందరికంటే ముందే నేనే అభినందనలు చెప్పివచ్చాను ....అమ్మకి ఎప్పుడు ఇచ్చే గులాభి గుత్తులు మాత్రం ఇవ్వలేకపోయాను ....

.సాయంత్రం .....

మనుమరాళ్ళ సమక్షంలో పిల్లలంతా హ్యాపీ బర్త్ డే పాడుతుండగా అమ్మ మా అందరి నోళ్ళు తీపి చేసింది .

కనిపించని ఆ దేవుడ్ని వేడుకుంటున్న "అమ్మ ఆరోగ్యం తో తన మనవల పెళ్ళిళ్ళు కూడా తన చేతుల మీద జరిపించాలని ,ఆ నివాసం (నా పుట్టిల్లు )ఎప్పటికి కళ కళ లాడాలని ...................

"అమ్మ రియల్లీ యూ ఆర్ గ్రేట్ "

గోప్పనిర్ణయం

2010-10-14T13:59:00.003+05:30

సరిగ్గా ఈ రోజుకి నేను ఈ జిల్లాకి వచ్చి నాలుగు నెలలు . ఎప్పుడు ఫీల్డ్ విసిట్ కి వెళ్ళిన ఒకే ఒక అంశం నా మనసు ని కలిచివేసి తిరుగు ప్రయాణం లో ఆలోచింప చేసేవి ....ఏదైనా వారు ఆ కభంద హస్తాల్లో నుంచి బయట పడాలి అంటే ఇక్కడి నుండే మార్పు రావాలి అని కృత నిశ్చయం తో ప్రతి గ్రూప్ ని ,ఫెడరేషన్ ని చైతన్య పరచడమే పనిగా పెట్టుకున్నాను,వారి అంతర్గత సమావేశాల్లో ఒక అజెండాగా పెట్టించాను .ఫీల్డ్ లెవెల్ వారిని ఒత్తిడి చేసాను ,మనం ఏదొకటి చేయాలి అన్న నా మాటలకి నా క్రింది అధికారులు నన్నొక వెర్రిదాన్ని చూసినట్లు చూసారు ,బాంక్ వారు సాధ్యమే కాదు అనేసారు అయిన గంటలు గంటలు చర్చలు పెట్టాము ....పద్దెనిమిది మంది ప్రాణాలు పోకుండా మేము మీవెంట ఉన్నాము అని ధైర్యం చెప్పి కాపాడాం.నెమ్మదిగా మార్పు జరుగుతున్నా ఈ తరుణం లో ఈ రోజు ప్రభుత్వం తీసుకుంటున్న నిర్ణయం ఎన్నో వేల వేల కుటుంబాలకి నిజమైన రక్షణ .రేపటి అందమైన జీవితం వారిదే .

కొత్త భాద్యత

2010-10-07T14:16:00.004+05:30

కొత్త ఉజ్జోగంలోకి వెళ్లి ఓనమాలు నేర్చిహమ్మయ్య చాల్లే తెలిసిన ఈ అక్షరాలతో బండి నడిపించేద్దాం అనుకుంటూ కులాసాగా బ్లాగులు బుక్కులు చదువుకుంటు గడిపేస్తున్న నాకు ఈ ప్రత్యెక అధికారం నన్ను ఉక్కిరిబిక్కి చేసేస్తుంది :-(.ఒక ప్రక్క అనుకోకుండా వచ్చిన అవకాశం అని ఆనందపడిన ఈ జవాబుదారీతనం నన్ను ఊపిరి పీల్చుకోనియడం లేదు.

ఏది ఏమైనా అన్ని పనులు ప్రక్కనపెట్టి దీనికి న్యాయం చేయాలనే .........

నా అమరనాథ్ యాత్ర

2010-09-24T21:41:00.003+05:30

"అమ్మాఅమరనాథ్ యాత్ర కి వస్తావేమో రాజిపిన్ని కనుక్కోమంది " సాయంత్రం కాస్త త్వరగా ఇల్లు చేరిన నన్ను అడిగింది నా పుత్రికారత్నం .
హు ...ఇంకా తీర్థయాత్రలు చేసే వయస్సుకి చేరలేదేమోనని నా అనుమానం రిటైర్ అయ్యాక ఆలోచిస్తాను అని చెప్పు "అని నవ్వుతూ అనేసాను ఒక ప్రక్క ఇదేవిటి ఇంత సడెన్గా అమరనాథ్ మీద ద్రుష్టి మళ్ళింది ఎందుకాఅని ఆలోచిస్తూ ...
"నువ్వు వస్తావని మేము వెళ్ళకుండా ఎదురు చూస్తున్నాం రా మమ్మీ "కొంచెం బ్రతిమాలుతూనా జూనియర్ .
"నువ్వు వెళ్తావా !"నేను .
"నీకు మన ఊర్లో ఏమి జరుగుతుందో నీకు తెలీదు కదూ,అచ్చు అమరనాథ్ యాత్ర ఫీలింగ్ కలుగుతుందట ఎగ్జిభిషన్ గ్రౌండ్ లో పెట్టారట చాల బాగుందట ఒక్క అరగంట "అమ్మాయి .
పావుగంటలో తయారయ్యి అక్కడున్నాంఎంట్రీ ఫీజ్ తో కలిపి అరవయ్యి రూపాయిలు,చక్కటి సృష్టి నిజంగా హిమాలయాల్లో ట్రెక్కింగ్ చేస్తున్న అనుభూతి కాస్త విజయవాడ వేడిగాలి తప్పించి :-) కొండల్లో జలపాతాల హోరులో వాగు నీళ్ళు దాటుకుని గుహలోని స్పటిక లింగం దర్శనం చేసుకున్నాం .అక్కడ మాత్ర ఏ.సి పెట్టారు,అక్కడ తమిళ స్వామి భక్తులకి వివరిస్తున్నారు.
తప్పక చూడండి విజయవాడలో వున్నవారు .

నాలోనే పొంగెను నర్మదా

2010-09-24T14:22:00.004+05:30

నా లోనే పొంగెను నర్మదా
నీళ్ళల్లో మురిసిన తామరా
అంతట్లో మారెను ఋతువులా
పిల్లా నీ వల్ల ...............
కంటి నిద్రే దోచుకేల్లావ్
ఆశలన్నీ జల్లి వెళ్ళావ్
నిను దాటి పోతువుంటే
వీచే గాలి దిశలు మారు
సుర్యలో పాట ఇటీవల వెంటాడుతుందిఎందుకో:-)

మీకు తెలుసా?

2010-09-21T17:24:00.000+05:30

"గోధూళివేళ "అంటే ఏమిటో ఈ మద్య చతురలో ఒక నవలలో తెలుసుకున్నాను ,అలాగే "ముసురు "పట్టడం అంటే కూడా తెలిసింది .గోధూళి అంటే గోధుమపిండిని జల్లిన్చేప్పుడు లేచే పిండి :-)
ముసురు అంటే దోమలు ముసురేసమయం అంట.:-)
ఒక టీచర్ పిల్లల్ని తెలుగులో అర్దాలు అడిగితె చెప్పిన సమాధానాలు .

బుజ్జులు మొరుగుతుంది

2010-09-19T13:11:00.004+05:30

మా బుజ్జులు (మా బుజ్జి కుక్కపిల్ల)కి దొంగల్ని పట్టుకోవడం వచ్చేసింది .నాలుగు నెలల నుండి చూస్తున్న కొత్తవార్నిచూసి కనీసం తన లక్షణం చూపడానికి అయిన మొరుగుతాదేమో అని ఎదురుచూసేదాన్నిఅబ్బే వుహు అస్సలు మొరగడం అటుంచి చాన్నాళ్ళు నుండి తెలిసినట్లు వెళ్లి వల్ల దగ్గర తన అందమైన కుచ్చు జడని ఆడిస్తూ కొత్త వాళ్ళ దగ్గర సెటిల్ అయ్యేది మనల్ని ఏమాత్రం పట్టించుకోకుండా .అబ్బ ఇది కుక్క పిల్లా లేక పిల్లిపిల్లా అని తెగ విసుక్కునే దాన్ని అలా అంటుంటే మా అమ్మాయికి చాల కోపం వచ్చేది అది పిల్లి కాదు కుక్కే అని తేల్చడానికి తాపత్రయపడేది.
మొన్న రాత్రి నిద్రలో నుండి ఉలిక్కిపడి లేచాను అప్పటికే మా శ్రీవారు,పుత్రిక హాల్ లో కిటికీ నుంచి బయటికి ఎవర్తోనో మాట్లాడుతున్నారు బుజ్జులు ఆపకుండా దాని బుల్లిగొంతు తో వువ్ వువ్ అనిరెట్టించిన ఉత్షాహం తో అరుస్తోంది.పోర్టికో లో కార్ వెనుక ఇద్దరు వ్యక్తులు నిలబడి వున్నారు గేట్స్ వేసే వున్నాయి పొరపాటు న వారి ఇల్లు అనుకుని వచ్చాము అని చెబుతున్నారు,టైం చూస్తె మూడు అవుతుంది మావారి కేకలకి చెట్ల లోకి మాయం అయ్యారు రెండు నిమిషాల్లో మా ఇంటి పైన వున్నా చెల్లి వాలింట్లో కేయూ (బుజ్జులు సిస్టర్)అరవడం వినబడింది.చెల్లికి ఫోన్ చేయడం వాళ్ళు లేవటం దొంగలు గప్చుప్ అయ్యారు .మా ప్రక్క లేన్ లో ఒక ఇంట్లో లాప్ టాప్ మనీ కొన్ని వస్తువులు పట్టుకు పోయారు.మా బుజ్జులు అలికిడికి మొరగడం మా పాపకి ముందుగా మెలకువ వచ్చి బుజ్జుకి ఏమైందో ఆని గాబరాగా వెళ్లి చూడగా అదేమో తలుపు వైపు తిరిగి అరుస్తుందట ఈలోపు ఈయన లేవడం కథ సుఖాంతం అయ్యింది .దాని బుల్లి అరుపులకి మురిసిపోయి అందరం తెగ మురుసుకున్నం.ఇప్పటికయినా అర్ధం అయ్యిందా నేనేను ఎవర్నో అన్నట్లుబుజ్జులు నా వైపు లుక్ ఇచ్చింది వాళ్ళ అక్క భుజల పై తల వాల్చి .

నటించాలని వుంది

2010-09-05T15:50:00.005+05:30

నాకు నటించాలని వుంది.కాని నిజ జీవితంలో చేతకావడం లేదు .చిన్నప్పటినుంచి చేతకానిది ఇప్పుడు నేర్చుకుందాం అనుకున్న లెక్కలు నేర్చుకున్నంత కష్టంగా వుంది .అదేంటోగాని వున్నది వున్నట్లు మాట్లడడం నా బలహీనత అలా అని ఇతరుల మనోభావాల్ని గాయపరచాలి అనుకోనుఅస్సలు ప్రయత్నించను అలాగే ఎదుటివారు అలానే వుండాలి అనుకుంటాను.అంత అంటూ వుంటారు నా ముఖం సులువుగా చదివేయోచ్చని నా స్టేట్ఆఫ్ మైండ్ తెలిసిపోతుందట.సంతోషాన్ని,భాద ని,కోపాన్ని,రంగు రంగులాగా చుపించేస్తనట.ప్చ్ ఇవ్వేమి ఎదుటివారు చదవకుండా నటించడం నేర్చుకోవాలి.ఇవ్వాళ్ళ రేపు ఉద్యోగంలో కాని సామాజిక సంభందాల్లో నటించడం చాలా అవసరం అని నెమ్మది నెమ్మదిగా అవగతం అవుతుంది ఇంత లేటు వయస్సులోనయిన కొంతయిన నేర్చుకోక తప్పదేమో .
స్కూల్లోను కాలేజీల్లో ను రంగస్థలం మీద నటించి ప్రత్యెక బహుమానాలే పొందాను నా నటన తో ప్రేక్షకుల కళ్ళలో నీళ్ళు తెప్పించిన సందర్బాలు వున్నాయి . కాని నిజజీవితంలో నటించడం రానందుకు నా మనసు తడి చూడాలి అనుకుంటారు కొందరు.అందుకే అలాటి వారికొరకైననేను 'నటించడం'నేర్చుకోవాలి.

ఈ రోజు నాదే

2010-09-01T15:19:00.003+05:30

''రేపటి సెలవు రోజు నాది కదా ''అంటూ రాబోయే ఆఫ్ ని తలచుకుంటూ ,ఆ రోజు చేయవలసిన పనులు లిస్టు చెబుతుంటే నాకు అసలు అర్ధం అయ్యేది కాదు ఇంతల సెలవురోజు కొరకు ఎదురు చూస్తారా అని .
పది ఏళ్ళు నా సమయం నా చేతి లో వుండేది నా పై కమిషనర్ భాగ్యనగరం లో వుండటం మా పై జిల్లా కలెక్టర్ కి ఎటువంటి నియంత్రణ లేకపోవడం ఒక విధంగా స్వేచ్చగా వుద్యోగం వెలిగింది.ఇప్పుడు కోరి కష్టాలు తెచ్చుకున్నట్లు నా సమయం నా చేతిలో లేకుండా పోయింది,కదలాలి అంటే పెర్మిషన్ ,జ్వరం వచ్చిన ఇష్టం వచ్చినట్లు ఇంట్లో వుండే పనిలేదు అందరికి సెలవయిన మాకు ఉంటుందో ఉండదో అని ఆలోచన ....హమ్మో సెలవు అంటే ఎంత ప్రియమో ప్రాక్టికల్గా అర్ధం అవుతుంది ...ఈ రోజు కృష్ణాష్టమి ఈ రోజు వేరే పనేమీ ,ప్రోగ్రాం కాని లేదు ..ఈ రోజు నాదే .

మా బెజవాడ అందమైన నగరం

2010-08-07T21:09:00.003+05:30

మా బెజవాడ అందమైన నగరం.సహజసిద్దంగా కొండ కొనలమద్య ఏర్పడింది.ఎంతో ప్రశాంతంగా ,ఆహ్లాదంగా సహజ సౌందర్యం తో మా నగరాన్ని చూడటానికి రెండు కళ్ళు చాలవు.ఈ జిల్లాలో పుట్టినందుకు ఈ ఊర్లో నా చదువు సంధ్యలు జరిగినందుకు నా ఊరు ఇదే అని చెప్పుకోవడానికి గర్వపడతాను.ఉదయం సాయంత్రం రాత్రుళ్ళు అలా మేడ పయికి ఎక్కి చుట్టూ ప్రకృతిని చుస్తే ................ఈ జన్మకి ఇది చాలు అన్పిస్తుంది .

హై వే వస్తుంది (విజయవాడ -హైదరాబాద్ )

2010-08-07T20:28:00.006+05:30

కొన్ని నెలల క్రితం హై వే ఎప్పుడు వస్తుందో అని భాద పడిపోతూ నా బ్లాగ్ లో నా వ్యధ వెళ్ళబోసుకున్నాను.మొత్తానికి నా కోరిక నాలాటి ప్రజల కోరిక ముఖ్యంగా విజయవాడ వాసుల కోరిక తీరుతుంది.కొన్నాల్లక్రితం పని మొదలు పెట్టినట్లున్నారుజనావాసాలు లేని చోట్ల చాల పనిపూర్తయ్యిందిట్రాఫిక్ జామ్ అయ్యిన చోట్ల ప్రక్కనే వేస్తున్న గ్రావెల్ రోడ్ లోకి దిశ మార్చుకుని వాహనాలన్నీ వెళ్లి పోతున్నాయి బహుశ ఈ యాడాది చివరికల్లా ఫోర్వే ముస్తాబు అయ్యే సూచనలు కనబడుతున్నాయి.నిన్న ఉదయం వెళ్ళే ప్పుడు సాయంత్రం వచ్చేప్పుడు ఆనందంగా చూస్తువచ్చాను.ఇక ఇంట్లోవాళ్ళు టెన్షన్ పడరు బుల్లి కారు ప్రయాణం అంటే అలానే బోల్డంత సమయం కలసి వస్తుంది .
అంతా బానే వుంది కాని ఒక విషయం మనస్సు ని కలచివేసింది.ఎన్నో తరాలకి సాక్షిబూతంగా నిలబడి గుర్రాలకి,ఎడ్ల బండ్లకి,గోర్రేలకి,మేకలకి,పశువుల కాపర్లకి,పశుపక్షాదులకి సేద తీర్చి,ఆవాసమై నీడనిచ్చిన ఆ మహా వృక్షాలు అన్నీ నేలకొరిగిచిద్రమై వాటి ఆనవాళ్ళు మొదళ్ళుగత వైభవానికి సాక్షిగా ఇంకా దారిపొడవునా దర్శనం ఇచ్చాయి కొన్ని చోట్ల ప్రోక్ల్యినర్ ఆ భారికాయాల్ని లారి కి ఎత్తి పెడ్తుంటే నా కళ్ళలో అప్రయత్నంగానే నీళ్ళుమనస్సంతా భారం అయ్యింది ...కానిమానవ ప్రాణాలు మరింత నష్టపోకుండా వుండాలి అంటే ఈ హై వే తప్పదు.
అంతే కదా కొన్ని కావాలి అనుకుంటే కొన్ని వదులుకోవాలి ..................

ఆషాడం -గోరింటాకు

2010-07-26T21:34:00.003+05:30

ఆషాడం లో గోరింట పుట్టింటికి వెళ్తుందట ,అని మా నాయనమ్మ చెబుతుండేది అందుకే అడిగినంత పండుతుందట ,అందుకని తప్పనిసరిగా శాస్త్రనికయినా పెట్టుకోవాలనేది ,ఇప్పుడు ఇలా గుర్తుచేయడానికి దగ్గరుండి మా అందరికి పెట్టడానికి నాయనమ్మ లేదు కాని ఆషాడం రాగానే ఆ మాటలు పదే పదే గుర్తొస్తాయి .
మా అమ్మ కూడా అంతే తప్పనిసరిగా పెట్టుకోవాలి అంటుంది ,లేత చిగురుటాకులు తెప్పించి కాటుకలా రుబ్బించి మా అందరికి పంపిస్తుంది .చిన్నప్పుడైతే ఇష్టంగా పెట్టుకునేవాళ్ళం ,పెద్దయ్యాక ఆ ఇంటరెస్ట్ లు తగ్గిపోయాయి కాని అమ్మ మాత్రం వెంటపడి మరచిపోకుండా మా చేత గోరింటాకు పెట్టిస్తుంది .
నిన్న ఆదివారం సాయంత్రం అమ్మ గోరింటాకు పంపి మరల మేం ఎక్కడ పెట్టుకోకుండా మరచిపోతామో అని రాత్రి ఫోన్ చేసి మరీ గుర్తు చేసి మా చేత చేతికి రంగులు అద్దించింది ,ప్రొద్దున్నే నిద్రకళ్ళ తో లేచి అరచేతులు చూసుకుంటే యంత మురిపెంగా అనిపించిందో చిన్నప్పుడు నాది బాగా పండింది అంటే నాది పండింది అని పోటీలు పెద్దోల్ల దగ్గర తీర్పులు ...... ఆ పచ్చివాసనలో ఎన్నెన్నిజ్ఞాపకాలో ........

మార్పు

2010-07-08T23:37:00.000+05:30

కొన్ని నెలల క్రితం తెగ భాదపడి పోయేదాన్ని ''బ్లాగులకి "తెగ ఎడిక్ట్ అయిపోతున్నాను అని ఎలా తగ్గించాల అనికూడా ఆలోచనలు చేయడం ,వాటిని ఆచరించడానికి ప్రయత్నించడం కూడా జరిగింది .బ్లాగుల వలన నేను రెగ్యులర్ గా చదివే పుస్తకాలు ,నవలలు కూడా తగ్గాయి అలానే కొన్ని పెర్సనల్ రిలేషన్స్ మీద కూడా ప్రభావం పడింది .

ఎట్టకేలకు నా ప్రయత్నం లేకుండానే ఈ మధ్యకాలం లో బయటకి రాగలిగాను .కారణం విపరీతమైన పని ఒత్తిడి ,ఉదయం ఇంటినుండి బయట పడ్డాను అంటే ఇల్లు చేరేవరకి వేరే ధ్యాస వుండటం లేదు .ప్రయాణం లో ఒక మూడుగంటలు చదువుకోవడానికి అవకాశం కలుగుతుంది .ప్రస్తుతానికి అయితే వృత్తీపరమైన జి.ఓలు సంభందిత సమాచారం చదువుకోవడం తో గడుపుతున్నాను ,ఒక నెలపోతే ప్రయాణం లో బోల్డన్ని పుస్తకాలు చుట్టి రావచ్చు.కళ్ళ ఎదురుగా ఇంటా-బయట సిస్టం వున్నా ఓపెన్ చేసిన ఇదివరకు వలె కూడలో,హారమో ,జల్లెడో,మాలికో చూడాలని అనిపించడం లేదు .నాకు అర్ధం అయ్యింది ఏవిటంటే చేతికి ,మనసుకి తగినంత పనిలేకపోతే రకరకాల ఎడిక్షన్స్ వస్తాయని :-) అంటే ఇన్నాళ్ళు పనిపాట లేకుండా కాలక్షేపం చేసానుఅని అంతా అనుకునే ప్రమాదం వుందని తెలుసు ,బట్ అదేమికాదు ,ఇప్పుడు ఇంకా భాధ్యతలు మరింతపెరగడం మాత్రమె ఈ మార్పుకి కారణం .ఎనీ హౌ ఈ బంగారులోకం మాయ నుండి బయటకి రాగలిగాను .:-)

సొగసు చూడ తరమా !

2010-06-26T23:10:00.001+05:30

రెండ్రోజుల క్రిందట ఒక మిత్రుని వివాహం జరిగితే వాళ్ళ ఊరు వెళ్లాను .నిజంగా మరో కేరళ చూసినట్లుంది. కేరళ వెళ్ళినపుడు 'అయ్యో మనవైపు ఇంత అందంగా లేవే' అని తెగ భాద పడిపోయాం.అప్పుడప్పుడు ఈ ప్రాంతం వెళ్ళడం జరిగింది కాని ,ఎప్పుడు ఆఫీసు హడావిడి ,పని ఆలోచనలతో పూర్తిగా ఎంజాయ్ చేయలేక పోయేదాన్ని .చుట్టూ పచ్చగా కొబ్బరి తదితర చెట్లతో ,సన్నటి వర్షపు తుంపర్ల తో ఆ సౌందర్యాన్ని వర్ణించడం సాహసమే సుమా అనిపించింది . దేవుడికి ఇంత బయాస్ ఎందుకో కొన్నిటిని మాత్రమె అధ్బుతంగా సృష్టించి మరి కొన్నిటిని నిర్లక్ష్యం చేయడం ,వెళ్ళేప్పుడు మసక చీకటిలో 'గోదారి 'అందాలు వచ్చేప్పుడు కళ్ళార్పకుండా వయ్యరాలుపోతు వంపులు తిరిగి వెళ్తున్న కాలువలు ,పొలాలు వాటికి కాపలా గా క్రమశిక్షణ గల సైనికుల్ల కొబ్బరి చెట్లు .... అద్బుతమయిన కోనసీమ .అప్రయత్నంగా నా నోటినుండి ఈ పాటా ..."బలే బలే అందాలు సృష్టించావు ఇలా మురిపించావు ...................ప్రభు మాకేల నీయవూ ..

WEDDING BELLS

2010-06-22T21:35:00.001+05:30

మా అమ్మ 'బుల్లి ఫ్రెండ్ 'పెళ్లి

వెళ్తున్నాము మేము పడి పడి

అరటిపువ్వు ,పనసపొట్టు తినాలని మరీమరీ .

యేబట్టలు కట్టాల అని ఆలోచించి చించి

షాపింగులు చేస్తున్నాము విరగబడి

ప్రతి యేడు ఇలా పిలవాలి మళ్ళిమళ్ళి...

అడ్వాన్సు విషెస్ టు అవర్ బిలవేడ్ ఫ్రెండ్

chinni daughter

అడుగులో అడుగులు

2010-06-20T09:06:00.000+05:30

మీ 'అడుగులో 'అడుగులు వేస్తూ మీరు చూపిన బాటలో నడుస్తున్నాం నాన్న!

పసితనం లో మాతో వల్లే వేయించిన 'సుమతీ ,వేమన ,బాస్కర 'శతకాలకి

భాష్యం వెదుకుతూనే మా వెనుక నడిచే వారికి దిశానిర్దేశం చేస్తున్నాం నాన్న!

నానమ్మ ద్వారా మీరందిపుచ్చుకున్న 'మానవత్వం' అనే ఆస్తిని మేమందుకుని

ఇంతింతని అంత చేసి ముందు తరాలకి అందించగాలమనే మొక్కవోని విశ్వాసం తో

ముందుకు సాగుతున్నాం మేము "ఆరుగురం ".

మనసు మాట వినదే..ప్చ్

2010-06-16T21:58:00.000+05:30

ఈ పది సంవత్సరాలలో నేను పోగు చేసుకున్న ఆస్తి (డైరీలు ,జి.వో లు ,పేపర్ క్లిప్పింగ్స్ కార్డ్స్ ,డిపార్టుమెంటు పేపర్స్ ,నానాజాతి సమితి (కథలు ,కవితలు )మొత్తం సర్దితే పెద్ద అట్టపెట్టేడు అయ్యాయి ,అవసరం లేనివి చింపగా)బద్రంగా ఇంట్లోకి చేర్చాను రెండుగంటల క్రితం .నా సంస్థానం ,నా సింహాసనం వైపు చివరిచూపు చూస్తున్నపుడు మసకబారిన నా కళ్ళకి మొత్తం అలికేసినట్లు అక్కడేమో కనబడలేదు .ఇన్నాళ్ళు ఇరవయ్యినాలుగు గంటలు నన్నంటిపెట్టి వున్నా నా మొబైల్ నంబర్ వేరేవారికి ఇవ్వడానికి నా ప్రాణం విలవిల లాడింది .

.ప్రాణం లేని వాటిమీద నాకెందుకు ఈ మమకారం ఎందుకో అర్ధం కావడం లేదు

దేవుడా త్వరగా వీళ్ళందర్నీ ,ఇక్కడ వున్నా అనుబంధాలని మరచిపోయే వరమివ్వు .

ప్రయాణం

2010-06-15T07:19:00.000+05:30

పాత ప్రపంచం వదిలి కొత్త ప్రపంచంలోకి నా అడుగులు .............అన్యమనస్కంగా ................

రింగ్ టోన్స్

2010-06-12T17:44:00.004+05:30

"అందంగా లేనా అసలేమి కానా నీ ఈడు జోడుకానా అలుసైపోయన " అని నేను అనడం లేదు ..మా అమ్మాయిగారి మొబైల్ కి కాల్ చేస్తే శ్రావ్యంగా వినిపిస్తుంది .

ఈ రింగ్ టోన్స్ వున్నాయి చూడండీ ఒక్కోసారి మనల్ని మత్తులో పడేస్తుంటాయి ...ఎంతో అర్జెంటు పనిమీద కాల్ చేస్తామా అవతల మనల్ని మంత్రముగ్ధుల్ని చేసే స్వరమో ,రాగమో వినబడగానే మైమరచి వినేసి అవతలి వాళ్ళు లైన్ లోకి రాగానే ఎందుకు కాల్ చేసేమో గుర్తురాక తరువాత చేస్తాంలే అన్న సందర్భాలు ,దగ్గర వాళ్ళయితే గుర్తురావడంలేదు అయిన ఇలా పాటలు పెట్టి చంపడం ఎందుకు అని క్లాసు తీసుకోవడం (అక్కడికి నేనేదో బుద్దిమంతురాలు అయినట్లు ) తరుచు జరుగుతూనే వుంటాయి .

అసలు ఈ రింగ్ టోన్స్ అందుబాటులోకి వచ్చిన క్రొత్తలో మా పిల్లకాయలు వాటి మీద ప్రయోగాలు చేసేవారు.నాకు వాటి మీద అవగాహనా నిల్ అన్నమాట (ఉదా ;బ్లాగ్స్ చాటింగ్ లా )

ఒకసారి ఏమి జరిగిందంటే ..జిల్లాలోకి క్రొత్తగా వచ్చిన సబ్ కలెక్టర్ కి ,నాకు ,జాయింట్ కలెక్టర్ కి కలిపి ఒక పనిని అప్పటి కలెక్టర్ గారు అస్సిగ్న్మేంట్ ఇచ్చారు .ఆ పని నిమిత్తం సబ్ కలెక్టర్ నాతో చర్చించడానికి కాల్ చేసారు ,ఉదయంపూట ,నేను వంట హడావిడి లో వుండి ఆన్సర్ చేయలేదు తీరికగా తరువాత చుస్తే ఆయన నుండి పది పైన మిస్సేడ్ కాల్స్ వున్నాయి ...కంగారుపడి ఆయనకీ కాల్ బాక్ చేస్తే ...సీరియస్ టోన్ తో "రండి ఆఫీసు కి "అన్నారు .కాస్త తేడాగా అనిపించినా హడావిడిలో పట్టించుకోకుండా పావుగంటలో అక్కడ వున్నాను ..అప్పటికే మాతో పాటు పనిచేసే ఇంకొక డిపార్టుమెంటు అధికారి వున్నాడు ...నన్ను చూడగానే "అదేవిటి మేడం ఫోన్ ఆన్సర్ చేయరు పైగా ఆ పాటలు "అన్నాడు ...అర్ధం కాని లుక్ అతనికేసి ఇచ్చి సబ్ గారి చాంబర్ లోకి వెళ్లాను .నన్ను చూడగానే ముఖం అదోలా పెట్టేసుకుని "ఏమిటండి మీరొక భాద్యత గల అధికారి గా బిహేవ్ చేయండి "అన్నాడు ..నేనేమో తాపిగా అదేంటి సర్ అలా అంటారు ప్రయర్ గా చెబితే టైం కి వచ్చేదాన్నిగా అయినా ఈ రోజు లోకల్ గా వున్నాను నిజానికి క్యాంప్ లో ఉండాల్సింది "అని అంతే సీరియస్ అన్నాను (కొత్తవాడు పయిగా పిల్ల వాడు ;-))" మీతో ఎంతో మంది సీనియర్ అధికారులు పెద్దవాళ్ళు మాట్లాడుతుంటారు ఫోన్ లో ఇలాటి రింగ్ టోన్స్ పెట్టుకోవడం మర్యాద ఉందా ?"అని ముఖం అదోలా పెట్టుకుని ....నాకు అస్సలు అర్ధం కాలేదు..."ఏంటి సర్ మీరు అంటున్నది "అయోమయంగా నేను ."మీ మొబైల్ ఫోన్ కి వున్నా రింగ్ టోన్ గురించి నేను మాట్లాడుతున్నాను "అని తను .ఒక్కసారే నా బుర్ర తిరిగిపోయింది ...అప్పుడు వెలిగింది ,నా కూతురు ఏదో ప్రయోగం చేసింది అని .ఇక నా నోట మాట లేదు ....అవమానం మనసులో వంద ఆలోచనలు ...ఏం పాట పెట్టి ఉంటుందా అని ...ఆయన సమాదానం కోసం కూడా చూడకుండా వస్తాను సర్ అని విసురుగా బయటికి వచ్చేసాను వెళ్ళిన పని వదిలేసి .ఇంటికి వచ్చి లాండ్ లైన్ నుండి నా మొబైల్ కి రింగ్ ఇచ్చి విన్నాను ....హింది పాట లవ్ సాంగ్ విరహం తో ఆలపిస్తాడు(గుర్తురావడం లేదు ).ఇక చూడండీ ఇల్లు రణరంగం చేసేసాను మా అమ్మాయిని పిచ్చి పిచ్చిగా తిట్టేసాను కనీసం నాకు చెప్పి చేయొచ్చుగా అని ఎలా పెట్టావో అలానే పీకేయమని దానిని తీయడం రాదనీ తను ...మొత్తానికి నా ఎయిర్టెల్ ఫ్రెండ్ ద్వారా స్టాప్ చేయించాను .

కొన్నాళ్ళ తరువాత నీ -నా బేదం లేకుండా రింగ్ టోన్స్ వాడకం విరివిగా మొదలయ్యింది .నాకు తప్పు అని క్లాస్స్ తీసుకున్న సదరు ఆఫీసర్ కూడా తక్కువేం తినలేదు ..

దాదాపు రెండేళ్ళు నా ఆఫీసు మొబైల్ కి నార్మల్ రింగ్ వుండేది ...తరువాత తరువాత నచ్చిన పాటలు పెడుతూ వచ్చాను .నచ్చితే బాగుంది అంటారు లేకపోతె ఏంది తల్లి ఆ పాటలు అనేవాళ్ళు వున్నారు పాట సెలెక్షన్ జాగ్రత్తగా చేస్తుంటాను అయిన మా అమ్మాయి అప్పుడప్పుడు తనకి నచ్చినవి మారుస్తున్టది..నన్ను టీజ్ చేయడానికి .

ఈ మద్య మా కజిన్ ఒకడు ఇలా అన్నాడు "అవతలి వాళ్ళ కోసం మనం నచ్చిన పాటలు ఎందుకు సెట్ట్చేయాలి , మనం వింటామాపెడతామా ?మన కోసం కాల్ చేసే వాళ్ళ కోసం నెలకి ముప్పయి రూపాయిలు కట్టి మరి వినిపించాల,మనం వినేది వుండదు దండగ కదా అందుకనే ఇంతవరకి నేను వాటి జోలికి వెళ్ళను"అన్నాడు నవ్వుతు ..నిజమే కదా ఎవ్వరో వినడానికి మనం నెల నెల ముప్పయ్యి రూపాయలు పాటకి పదిహేను రూపాయలు .హమ్మ వెధవ ఆలోచించే మాట అన్నాడే అనుకున్నాను .అయిన మనం మార్చామా !ఉహూ ..."పెదవే పలికిన మాటల్లో తియ్యని మాటే అమ్మ " అని వినొచ్చు నాకు ఎవరయినా కాల్ చేస్తే :-):-).

ఇదీ అసలు కథ

2010-06-03T23:14:00.000+05:30

ట్రింగ్ ట్రింగ్ ...ట్రింగ్ ట్రింగ్ అంటూ ల్యాండ్ ఫోన్ ఒకటే గగ్గోలు ..చేతిలో చదువుతున్న పుస్తకం తీసి ప్రక్కన పడేసి టైం చూసాను ఇంచుమించు చిన్న ముల్లు పెద్దముల్లుపన్నెండు దగ్గర కలుసుకుంటున్నాయి...ఈ టైం లో ఎవరు చేస్తారా అనుకుంటూ ఫోన్ వైపు కదిలి నంబర్ డిస్ప్లే వైపు చూసాను .....రెండు వీదులవతల వున్నా అమ్మ నుంచో లేక ఇంటి పైన ఉంటున్న చెల్లి ఇంటి నుండో అని ఊహిస్తూ ..నా ఊహ నిజం చేస్తూ అమ్మ నుండే ...ఏంటమ్మా ఈ టైములో ఒకింత కంగారుగా అడిగాను .సాయంత్రం మొదలైన తలనొప్పి ఇప్పటివరకు తగ్గలేదని ,బి.పి టాబ్లెట్ వేసుకున్న అలానే వుందని , క్రోసిన్ టాబ్లెట్ పడితేనే తగ్గోచ్చని ,వేసుకుందాం అంటే ఇంట్లో లేవని కాస్త ఇంట్లో వుంటే పంపమని సారాంశం .గబగబా మందుల డబ్బా వెదికి క్రోసిన్ షీట్ దొరకబుచ్చుకుని ఈయన గాని మెలకువగా వుంటే పంపిద్దాం అని బెడ్రూం తలుపు తెరచి చూసాను గాడంగా నిద్రపోతున్న తనని చుస్తే లేపాలి అనిపించక స్టాండ్ మీదున్న చున్ని తీసి బుజాలపై పడేసుకుని మెయిన్ డోర్ తీసి లాక్ చేసి అమ్మ వాళ్ళింటి వైపు కదిలాను .

బజారు నిర్మానుష్యంగా వుంది .మా వీది కి అటు ఇటు పెద్ద పెద్ద చెట్లు ,అమ్మ వాళ్ళ ఇల్లు రెండు వీధులు దాటితే వస్తుంది ఆ కాలనీ అంతా చెట్లతో వీధిలో వున్నా దీపాల కాంతికూడా సరిగ్గా పడదు ,కొంచెం దూరం నడిచానో లేదో పక్క బజార్ నుండి ఒక అమ్మాయి గాజులు గలగలా లాడించుకుంటూ నా ముందు నడుస్తూ వెళ్తుంది.హమ్మయ్య నాకు ఒక తోడున్నారు కదా అనుకుంటూ కాలికి అడ్డం పడుతున్న నెయిటితో అవస్థపడుతూ కాస్త వేగంగా నడిచే ప్రయత్నం చేస్తూ ముందు వెళ్తున్న అమ్మాయి వైపు చూసాను నడక వింతగా అనిపించింది భూమి మీద కాళ్ళు ఆని ఆననట్లు వున్నాయి ....తేరిపార చూద్దును కదా కాళ్ళు వెనక్కి తిరిగి వున్నాయి ...అంతే గుండె జల్లుమని గొంతులో కేక గొంతులోనే వుండగా ఆమెను దాటుకుని వేగంగా పరుగు పెట్టాను..నా వెనుక కొంత దూరం వస్తున్నట్లు గాజుల సవ్వడి ఎక్కడిలేని ధైర్యం తో అమ్మ వాళ్ళ గేటు లో అడుగు పెట్టాను .ఇంటిముందున్న లాన్ ని దాటుకుంటూ గుమ్మం వైపు చూడగా గుమ్మంలో అమ్మ నాకోసం ఎదురుచూస్తూ ......

అయ్యో నువ్వు వచ్చావేంటి తల్లి అబ్బాయి లేడా.....అయిన ఏవిటా చెమటలు అంత కంగారుగా వున్నవేంటి అంటూనే నా చేతిలో టాబ్లెట్స్ తీసుకుంది ,నేను ఒగురుస్తూ దారిలో జరిగిన విషయం చెప్పాను వీధిలోకి చూస్తూ ...."అమ్మఆ అమ్మాయి కాళ్ళు వెనక్కి తిరిగి వున్నాయి ,దేయ్యలకేగా అలా వుండేది "అన్నాను .

అమ్మ నా వైపు తేరిపార చూస్తూ ......అవునా ఎలా ఉన్నాయమ్మ ...ఇలా ఉన్నాయా అంటూ చీర కుచ్చిళ్ళు కొంచెం పైకి జరిపింది .....

ఒక్కసారే కెవ్వున కేక వేసి వెనక్కి పరుగు తీశాను వెనక్కి తిరిగి వున్నా ఆ పాదాలను చూసి ......నా కేకలకి చెళ్ళుమని బుజం ఒక్కదెబ్బ వేసి లేపెసారు మావారు ...త్రుళ్ళి పడి లేచి చుట్టూ చూసాను .....మంచం మీద వున్నాను ....మంచి నీళ్ళు త్రాగి పడుకో పీడకల వచ్చినట్లుందని నీళ్ళ సీస చేతికిచ్చారు .........(ఇదండి మనం చుసిన దయ్యం ....పిచ్చి కథలు విని ఇలా కలవరపడటం అలవాటే )

వీడుకోలే -వీడలేని స్నేహమైన

2010-06-01T11:06:00.002+05:30

"సాయంకాలం" తో మొదలయిన మన ప్రయాణం నిన్నటి" హిమబిందు" దగ్గర సేద తీర్చుకుంది .

ఈ అయిదు సంవత్సరాల గమనం లో ఎన్నో మలుపులు సరదాలు సంతోషాలు ,అలకలు అల్లర్లు

వేదాంతం ,విషాదం ఎన్నని చెప్పగలను ,నన్ను నేను మరచిపోయిన నాకు జీవితం ఇది అని చూపించి

బ్రతుకు ప్రయాణం లో గమ్యం వెదుక్కుంటూ తరలిపోతున్న స్నేహమా నిన్ను మరువగాలనా !

"పాదమెటు పోతున్నా పయనం ఎందాకయినా

అడుగు తడబడుతున్న తోడు రానా

ఓ మై ఫ్రెండ్ తడి కన్నులని తుడిచిన నేస్తామా

ఓ మై ఫ్రెండ్ ఒడిదుడుకులలో నిలిచినా స్నేహమా "

WHO WILL CRYWHEN YOU DIE?

2010-05-28T20:03:00.001+05:30

నిజంగా నా కోసం వీళ్ళంతా ...వీళ్ళుఅంతా నా వాళ్ళేనా ! ఇంతమందిని బాధ పెడుతుందా నా ఎడబాటు ...నాకోసం ఇంతమంది ...ఇంకా డైజస్ట్ కావడంలేదు ఎప్పటికైనా ఇటువంటి సందర్భం వస్తుందని తెలుసు కాని దానిని ఇలా ఎదుర్కుంటాను అని ఊహించలేదు.మనకి ఏదైనా జరిగిన ,ఎడబాటు కలిగిన మన కుటుంబ సభ్యులు ,బంధువులు ,ఆప్తమిత్రులు కన్నీరుపర్య్వంతం అవడమే తెలుసు ...కాని ఇంతలా ఏమి కాని నాకోసం వెక్కిళ్ళు పెట్టి కళ్ళన్నీ కెంపులు చేసుకుని బెంగగా ,జాలిగా చూస్తున్న ఈ అమ్మాయిలూ ,.ఈ అబ్బాయిలు మాత్రం ...వీళ్ళ మొహం లో ఇంత వేదన ,నైరాశ్యం మునుపు ఎన్నడు చూడలేదే.!.ఎవరు వీళ్ళు .యేమవుతానని నాకోసం ఇంత దిగులు .ఇంకా ఎవరికోసం మేం పని చేయాలనీ అంటున్నారు పిచ్చివాళ్ళు నేనే అంటే నాకంటే సెంటిమెంట్ ఫూల్స్ లా వున్నారు .చెదిరిన నా మనసుకి సూటిగా వారి వైపు చూడలేని నా కళ్ళు ,మూగబోయిన నా గొంతు చెప్పకనే చెప్పాయి వీళ్ళు అందరు ఎప్పటికి నావాళ్ళేనని . .

ఆదివారం అబిడ్స్ లో వెయిటింగ్

2010-05-25T00:55:00.003+05:30

చాలా సంవత్సరాల తరువాత పని పాట లేకుండా వచ్చేపోయే జంటలని ,జనాన్ని ,బస్సుల్నిచూస్తూ అభాగ్యనగరం లో అబిడ్స్ సెంటర్ లో ఉదయం తొమ్మిది నుండి సాయంత్రం నాలుగున్నర వరకి గడిపాను.ఉదయం ఇంటి దగ్గర నుండి బయలుదేరేప్పుడే చదువుతానికి ఏమైనా పుస్తకాలు పెట్టుకోమని ఇంట్లో వాళ్ళు చెప్పిన నా మనస్సు పుస్తకం మీద చచ్చిన లగ్నం కాదని ముందే తెలిసి ఒక్క న్యూస్ పేపర్ మాత్రం వెంట తెచ్చుకున్నాను .మా పాప రాసే ఒక పరీక్ష కి మనం ఎస్కార్ట్ అన్నమాట .ఉదయం రెండుగంటలు మద్యాహ్నం రెండుగంటలు జరిగే ఈ పరీక్ష మద్యలో మూడుగంటలు విరామం .ఇంటికి వెళ్లి రావడానికి ముప్పావుగంట సమయం వృధా అందుకే పూర్తి సమయం అక్కడే గడపడానికి నిర్ణయించుకుని మావాళ్ళని పంపించేసాను సాయంత్రం వచ్చి పిక్ అప్ చేసుకోమని ఒక ఆర్డర్ పడేసాను నన్ను చూసి మా పిన్ని కొడుకు ఇంటర్ చదివేవాడు నాతో ఉంటానని ఆగిపోయాడు .

.పరీక్ష హాల్లోకి తొమ్మిది గంటలకే అంతా పరుగులు తీసారు .క్యాంపస్ లో చెట్టు కిందో లేక వరండాలోనో కూర్చుందామని ప్లాన్ చేసుకున్నాను ..ఈ లోపు అక్కడికి సెక్యురిటి కి వచ్చిన పోలీసు అధికార్లు హింది ఉర్దుల్లో ఏమేమో మాట్లడేసుకుంటున్నారు ..మనకి కొంచెం కొంచెం మాత్రమె అర్ధం అవుతాదాయే (ఇదర్ ఆయియే లాటివన్నమాట ) పేరెంట్స్ ని ఇతరులను పంపించేద్దాం అని అనుకుంటున్నట్లు అనిపించి వెళ్లి అడిగాను" మేము ఇక్కడే కూర్చుంటాం "అని ."ఎగ్జం ఇస్టాట్ అయ్యింది మీరు ఉరుకున్ద్రి "అని నా వైపు జాలిగా చుస్తూపక్కనే వున్నా ఒక సెక్యురిటి హెచ్చరించాడు .ఓహో మనం పరీక్షలు రాసేవాళ్ళ కనబడుతున్నామా అని కాసింత మనసులో మురిసిపోయి (మా బంగారం పుణ్యానా దాని వెనుక పరుగులు తీస్తూ నెల రోజుల్లో నాలుగు కేజీలు తగ్గిపోయానయ్యే) అబ్బే నేను రాయడం లేదు మా వాళ్ళు లోపలి వెళ్ళారు ఇక్కడ వెయిట్ చేస్తాము అని ,నాలాటి వాళ్ళు చాలా మంది చేరారు ,కాని కాంపస్ లో ఉండటానికి వీలు లేదనేసారు.

.ఉస్సృమంటూ నిట్టూర్చి నా కూడా వున్నా మా కజిన్ తో రోడ్ ఎక్కాను .ఎదురుగా mcdonald's వుంది కాని అది పదకొండు గంటలకి ఓపెన్ చేస్తారాయే ,ఏ ఇంటికి పోవాలన్నా చాలా దూరం ...కాలేజి బయటనున్న బస్సు స్టాపులో కూర్చున్నాం వచ్చేపోయే బస్సుల్ని చూడొచ్చని...అలా కూర్చున్నామో లేదో బస్సులు ఆగే ప్రదేశం అంతా మురుగు కాల్వ ఒక్కసారే ఏరులా పొంగి ప్రవాహం ....అదే నీళ్ళలో దిగి ప్రయాణికులు బస్సు ఎక్కడం దిగటం ...భయంకరమైన దుర్గంధం నీళ్ళు చిమ్మి పైకి మా మీద పడేంత ,అక్కడినుండి లేచి కొంచెం ప్రక్కకి నడిచేసరికి జార్జ్ చర్చి అని పూరాతన భవనం కనబడింది జనం లోపలి కి బయటికి తిరుగుతున్నారు అప్పుడే వాళ్ళ ప్రార్ధనలు అయ్యినట్లున్నాయి ..లోపలికి పోయి ఏదొక చెట్టుకింద కూర్చోవచ్చులేమ్మని ఇద్దరం లోపలి కి వెళ్లి ఆ ప్రాంగణం లో వాళ్ళ కోసం వేసివున్న ప్లాస్టిక్ చైర్స్ లో కూర్చున్నాం .నేను సీరియస్ గా సాక్షి పేపర్ తో ,వాడేమో వాడి మొబైల్ లో గేమ్స్ ఆడుతూ ....వాళ్ళేమో ప్రార్ధనలు అయ్యి ఆడవాళ్ళు గుంపులుగా కబుర్లు గోల గోల ...పది దాటేక ఓపిక నశించి మరల రోడ్ మీదికి వచ్చేసరికి ఎదురుగా macdonald's తెరచి వుంది ..హమ్మయ్య ఏ.సి లో కూర్చోవచ్చని రోడ్ కస్టపడి దాటి (మనకి అసలే భయం )లోపలి కి వెళ్లేసరికి ..ఇంకా సర్విస్ స్టార్ట్ కాలేదు వెయిట్ చేస్తామంటే కూర్చోండిఅని నమ్రతగా......అదే మాకు కావాల్సింది అంటూ ఆనందంగా సెటిల్ అయ్యి ....ఇక చూడండి టి.వి లో వచ్చే మాధవన్ సినిమా సఖి చూస్తూ వాళ్ళ స్పీకర్ల హోరులో నుండి వచ్చే పాశ్చాత్య సంగీతం వింటూ ఇటు సినిమా డైలాగులు వినబడక ...చీమల దండులా నెమ్మదిగా జంటలుగా వస్తున్న టీనేజి పిల్లల్ని చూస్తూ ...బురకాల్లో వచ్చిన హిందూ గాళ్స్ ని చూస్తూ .....చేసే పనిని ఆ మాత్రం దైర్యం లేక తెగువ చూపిస్తున్న అమ్మాయిల్ని చూసి మెచ్చుకోవాలో నోచ్చుకోవాలో అర్ధం కాని పరిస్థితి ...మొత్తం ఫ్లోటింగ్ ఈ వయస్సు వారిదే ....అసలు వీళ్ళు ఖర్చు పెట్టడానికి ఇంతింత డబ్బులు ఎలా వస్తున్నాయో ,పేరెంట్స్ ఎందుకు ఇంతింత ఇస్తున్నారో ...ఏ మాత్రంఆ పిల్లలు కష్టపడకుండా వచ్చిన డబ్బు ఇలా దుర్వినియోగం....ఆ అమ్మాయిలూ మరల లేచి బయటికి వెళ్ళే ముందు నల్లటి ముసుగులు తగిలించుకుని వెళ్తుంటే నాకు సంభంధం లేకపోయినా మనస్సు చివుక్కుమంది .ఈ మాటలు నా డాటర్ తో అంటుంటే అయ్యో మమ్మీ ఇక్కడ ఇది చాల సహజం చాలామంది ఇలానే చేస్తారు ...ముస్లిమ్స్ వాడే పరదాలు మన వాళ్లకి ఇలా పనికివస్తాయి అంది .పూర్వం యవనులు అరబ్బులు ,టర్కిష్ వారినుండి మన స్త్రీలను కాపాడుకొవాడానికి వాడిన పరదా నేటి ఆధునిక యుగం లో ఇంకొకరకంగా............ఇలా..ప్చ్...

సాయంత్రం వరకి మాకు వేదికగా ఉపయోగపడిన రెస్టారెంటుకి ఒక వెయ్యిరూపాయలు మూల్యం చెల్లించి (నానా గడ్డి తిన్నందుకు :-)) బయటపడ్డాం.

....-0-.........

...

నేను చేసిన తప్పేవిటి? -బంగారు

2010-05-12T21:38:00.003+05:30

ఈ రోజు నేను ఏమి చేసిన అమ్మ( చిన్ని) తప్పులు పడుతుంది ...హ్మం ...ఏంచేయాలి :-(

నేను ఏమి చేసిన ముద్దు ముద్దుగా గారం చేస్తూ నన్ను చూడ వచ్చిన వారందరికీ

నేను చేసే పనులు గొప్పగా చెప్తూ నన్ను వాళ్ళ ముందు ప్రదర్శనలు ఇమ్మని బ్రతిమాలి

లాలిచ్చి నాతో పనులు చేయించుకుని ఇప్పుడేమో హు...అయిన నేను గమ్మున వుంటానా!

అమ్మ కి ఘాట్టిగా ఇచ్చాను ...నాకు సపోర్టుఅక్క ( చిన్ని వాళ్ళమ్మాయి) డాడీ వచ్చారు ...అయిన

లెక్కచేయలేదు ,వాళ్ళని నోరుమూసుకోమంది..వాళ్ళని వాళ్ళ పని చూసుకోమంది ,నా పని ఆవిడ

చూస్తోందట...యెం చూస్తుందో నేను చూస్తాను .

అసలు నేను చేసిన తప్పేమిటో చెప్పండి .....

తనని పని చేసుకోనివ్వకుండా కాళ్ళ కి అడ్డం పడుతున్ననట .ఒక్కర్తే పని చేసుకుంటుంది అని జత వెళ్ళడం

తప్పా!అమ్మకన్నా ముందు నడవాలని పోటి పడ్తు ముందుకి వెళ్ళడం తప్పేమిటో .....ముందు వెళ్ళాను అనే

ఆనందం తో కాళ్ళ దగ్గర అందిన చీర కుచ్చిళ్ళ తో ఆడుకున్నాను ...అది తప్పట .మరి తను నాకు అందేట్లు

ఎందుకు కట్టాలో..హ్మం ....తిట్టిన ఏమనకుండా తనకి తోడుగా పనయ్యేదాకా వున్నానా ...అస్సలు కృతజ్ఞత

లేదు.

అమ్మ ఎక్కడుందో కాలి మువ్వలు మనకి పట్టించేస్తాయి .ఏదో పుస్తకం చదువుతుంది కదా తనని డిస్టర్బ్ చేయడం ఎందుకని

తన కుర్చీ పక్కనే కాళ్ళ దగ్గర కూర్చున్నాను ,నా కళ్ళు మువ్వల మీద పడ్డాయి భలే వున్నాయని చూద్దామని ఒకటి పీకాను

అమ్మ పుస్తకం లో వుండి నన్నేమి గమనించలేదు సరికాద ఇంకోటి తీద్దామనుకుని కాలిపట్టి లాగబోయి కాలు కొరికాను

అది తప్పంటా...ఇంకా నయం గట్టిగ కొరకలేదు .అప్పుడు చూసింది నేను ముందు తీసిన మువ్వని ...నేను నేల మీద పడిన

మువ్వని తీద్దాం అనుకునే లోపు తనే తీసేసుకుని నా చెంప మీద ఒక్కటిచ్చింది ,చిన్నదాన్ని అని కూడా చూడకుండా :-(

మువ్వ తింటే నేను చచ్చిపోతానంటా...అంటే ఏంటో ?

అలిగేసి హాల్లోకి వచ్చి డాడీ కాళ్ళ దగ్గర కూర్చుని నా దారిన నేను టి.వి లో క్రికెట్ వస్తుంటే డాడీ తో పాటు చూస్తూ కూర్చున్నాను .

ఇంతలోనే అమ్మ వచ్చేసి "నీకు కూడా ఆ పిచ్చి పట్టిందా,మంచి అలవాట్లు నేర్చుకో "అని నన్ను అక్కడి నుంచి లేపేసింది ,డాడీ వంక

చుర చుర చూస్తూ ...మా ఇద్దర్ని కలిపే తిట్టిందని నా అనుమానం .

అమ్మ అసలే కోపంగా వుందని అక్కడనుంచి లేచి వెళ్లి

అక్క చదువు కుంటుంటే ప్రక్కనే కూర్చున్నాను ,అక్క కి నేనంటే ఎంతో ప్రేమ ,పరీక్షలయ్యాక నాతోనే ఆడతానని చెప్పిందిలే .

అక్క లా చదువుదామని అక్కతో గొంతు కలిపాను,అమ్మ చుస్తే మురిసిపోతదని .. ....అంతే "అసలు నీకు బుద్దివుందా ?అక్కని చదుకోనియవా

ఎందుకు గోల చేస్తున్నావ్ "అంటూ కోప్పడింది .నాకొకటి అర్ధం అయ్యింది అమ్మకి కొంచెం తిక్క వుందని ...

నేనేమి చేసిన తప్పేనా...?...ఏమి చేయలబ్బా :-(

సెంటి -మెంటల్

2010-05-10T22:42:00.000+05:30

ఈ వారం అంతా "గులాబి "రంగు దుస్తులే ధరించాలి అనుకున్నాను ...ప్చ్ సందిగ్ధం లో పడ్డాను .ఇలా గులాబి రంగు వాడమని ఎవరు చెప్పారు అంటే నిన్న ఆదివారం" ఫన్ డే "లో రాసి వుంది .అసలు సాక్షి ఆదివారం పేపర్ పొరపాటున మిస్ కాను చివరి ఆ రెండు పేజీలు చదివి మనకి అనుకూలంగా రాసి వుంటే ఇక మనల్ని పట్టలేమో ...ఏమైనా తేడాగా రాసుంటే" అసలు నమ్మాలో వద్దో కూడా అర్ధం కావడం లేదు" అనేస్తాను :-)

ఇంతకి ఏవిటా పేజి ఏమా కథ అని చదివే వారికీ సందేహం రావచ్చు .,అవి "టారో, రాశి ఫలం .అదేంటో నా నక్షత్ర ప్రకారం ,అలానే పుట్టిన తేది ఒకటే రాశి ని సూచిస్తాయి .ఇలా హరోస్కోప్ చదవడం ఇండియన్ ఎక్స్ప్రెస్ లో పీటర్ విడాల్ చదవడం తో అలవాటయ్యాయి ,తరువాత లిండాగుడ్ మాన్ పుస్తకాలు అలా సరదాను పెంచాయి .జ్యోతి ,ఆంధ్రభూమి వార పత్రికల్లో వార ఫలాలు చదవడం అలవాటు అయ్యాయి .అసలు కథలోకి వెళితే

టారో లో ప్రతి వారం మనకి కలిసి వచ్చే రంగు సూచిస్తారు .ఆ రంగులు మనం ధరిస్తే మనపై గ్రహ ప్రభావం అనుకూలంగా ఉంటాయని నమ్మకం .అట్లా ఆ వారం మనం వాడాల్సిన రంగులు గుర్తుపెట్టుకుని పూలు (ఫ్లవర్వాజ్ లోకి )ఆ రంగుకు దగ్గర ఉండేట్లు చూసుకోవడం చేస్తుంటాను .ఒక్కోసారి వరుసగా ఒకే రంగు సూచిన్చొచ్చు .అప్పుడు వుంటాది నా పని :-) ఆ మద్య వరుసగా కలసి వచ్చే రంగు తెలుపు అని రాస్తే రెండు మూడు వారాలు ధవళ వస్త్రాలు ధరించడం జరిగింది ,ఏదో ముఖ్యమైన ఫంక్షన్ కి ఫ్యామిలీ తో వెళ్తూ పార్టీవేర్ తెలుపులో తీయగానే ...అసలీ రంగు వదలవా ఏమైంది నీకు అని క్లాసు చెప్పించుకున్నాను ....అయిన మనం నోరు మెదపలేదు చెప్తే "ఫూల్"అనిపించుకోవాలని .అలానే కాషాయం వరుసగా రెండు సార్లు ....హబ్బ ఆ రంగులో ఎక్కువ చీరలు లేక భలే కష్టపడ్డాను దగ్గర గా వుండేవి కట్టి నడిపెసాను.

నిన్న రాసిన దాన్లో గులాబి రంగు కలిసి వచ్చేది అని చదివాక తీరికగా బౌల్స్ లో గులాబి పూలు వేసి అక్కడక్కడ సర్ది వర్డ్రోబ్ లో వారం కి సరిపోయే పింక్ సారిస్ తీసి వేరేగా సర్దుకున్నాను .నిన్న గులాభి రంగు చీర కట్టిన కాసేపటికి మా అమ్మ తో కాసేపు ఫోన్ లో ఫైటింగ్ పెట్టుకున్నాను .మద్యాహ్నం మా తమ్ముడు వస్తే వాడి తో సరదాగా కబుర్లు చెబుతూనే వాడిని ఫటమని తిట్టేసాను .సాయంత్రం మా పార్వతిని(పని ) పిలిచిమరి పని ఎలా శుబ్రంగా చేయాలో ఘాట్టిగా క్లాస్స్ తీసుకున్నాను .మా అమ్మాయి చదువుకుంటుంటే మద్య మద్యలో తను చదవలేనప్పుడు ప్రక్కనే కూర్చుని చదివి పెడతాను మద్య మద్యలో ప్రశ్నలు వేస్తాను ....నిన్న తను వెంటనే కొన్నిటికి జవాబులు ఇవ్వలేదని నీవల్ల కాదులే అని అనవసరంగా తిట్టేసాను .ఇక చివరిగా మా ఇంటాయనతో (శ్రీవారు)తో కూడా గొడవ అయ్యింది ..ఎప్పుడు అస్సలు బాక్ రిప్లై ఇవ్వను ...తీక్షణంగా ఒక లుక్ లుక్కి ప్రక్కకి వెళ్ళిపోయే నేను ఎదురు నిలబడి మాటకి మాట అన్నాను ....బహుశ డైజస్ట్ అయ్యుండదు :-) నాకేమైనా బ్లడ్ ప్రేస్సర్ షూట్ అయ్యిందేమోనని డౌట్ కాని ఆ చాయలేమి మనల్ని ఇంకా చేరలేదు .

నాకు నేను ఆలోచించుకున్నాను ..ఎందుకింత రెబిలియాస్ గా ప్రవర్తిస్తున్నానో అని ......నో డౌట్ గులాబి రంగు ప్రభావం అని అనుకున్న ....సరయితే రెండో రోజు కూడా చూద్దాం అనిపించింది .ఆఫీసు కి సమయం కంటే రెండుగంటలు ఆలస్యంగా వెళ్లాను .,ఇంటి నుండి ఆఫీసుకి వెళ్ళేదారిలో మా లేన్ నుండి కార్ మెయిన్ రోడ్ ఎక్కుతున్నప్పుడు ఆర్ .టి .సి . సిటీ బస్సు వాయు వేగం తో వచ్చి నూలుప్రోగంత దూరం లో ఆగింది ,ఇక అయిపోయాను అనుకుంటూ తల త్రిప్పెసుకున్నాను ...కాని ఏదో అదృష్టం ఘోరప్రమాదాన్ని తప్పించింది .అది తప్పినా అయిదు నిమిషాల్లో మా ఆఫీసు ప్రాంగణం లో హెయిర్ పిన్ బెండ్ లాటిది వుంటాది ,అక్కడ వాటర్ కాన్స్ తో ఆటో వస్తు కార్ ని కొట్టాల్సింది సడెన్ బ్రేక్ తో ఆపుకున్నాడు .ఆఫీసు రూం లో నా టేబుల్ పైనున్న ఫోటో ఫ్రేం (నా ఫోటో వుంటుంది )గంట క్రితం పడి పగిలిపోయింది ...తీసి గాజుపెంకులు క్లీన్ చేస్తున్నారు .నాకు చాలా భాద అన్పించింది సుమారు అయిదేళ్ళ నుండి వుంది ,ఉద్యోగాసోపానం ఇయర్ బుక్ , ఎగ్జిబిషన్లో నాచేత రిలీజ్ చేయిన్చినపుడు సురేష్ గారు ప్రెజెంట్ చేసింది ,మంచి కొటేషన్స్ తో వుండే ఫ్రేం అది. కొన్ని నచ్చి మనం అపురూపంగా చుసుకున్టున్నప్పుడు ఏమైనా జరిగితే భరించలేము ఇలా ఎందుకు జరుగుతుది అని కాసేపు ఆలోచించగా నాకు హటాత్తుగా 'గులాబి ' గుర్హోచ్చింది .ఆఫీసు లో ఎక్కువ సేపు గడపకుండా ఇంటికి వచ్చేసి ఆహ్లాదమైన నీలం లోకి మారిపోయాకగాని నా మనస్సు శాంతించలేదు .ఈ వారం పొరపాటున గులాభి రంగు బట్టలు కాని గులాభి రంగులోని పూలు కాని అంటరాదని ఘట్టిగా తీర్మానించేసుకున్నా ......ఏం చేద్దాం నేనో "సెంటి -మెంటల్ "............

సతుల్,సుతుల్ ,హితుల్ పోనీ !

2010-05-07T23:48:00.000+05:30

పోనీ ,పోనీ ,

పొతే పోనీ !

సతుల్,సుతుల్ ,హితుల్ పోనీ !

పొతే పోనీ !

రానీ, రానీ

వస్తే రానీ !

కష్టాల్ ,నష్టాల్ ,

కోపాల్ ,తాపాల్ ,శాపాల్ రానీ !

వస్తే రానీ !

తిట్లూ ,రాట్లూ, పాట్లూ,రానీ !

రానీ , రానీ

కానీ,కానీ !

గానం ,ధ్యానం !

హాసం ,లాస్యం !

కానీ ,కానీ !

కళా రవీ!పవీ!కవీ!

(నా చేత శ్రీ శ్రీ ఇదంతా రాయించాడు ..)

నిద్ర కరువయ్యింది

2010-05-02T00:03:00.003+05:30

గత పదిరోజులనుండి మా ఇంట్లో వాళ్లకి కంటిమీద కునుకు వుండటం లేదు .దీనికంతటికి కారణం మా ఇంట్లోకి వచ్చిన కొత్త ప్రాణి .అది చేసే అల్లరి అంత ఇంత కాదు .వయస్సు చూస్తేనేమో నిండా మూడు వారాలు కూడా లేవు ఎన్నాళ్ళ నుంచో పాప గొడవ చేస్తున్న ఇంట్లో చూసేవాళ్ళు లేరు కష్టం అని వాయిదా వేస్తూ వచ్చాను అదీ కాక దానికి ఏదైనా అయితే తట్టుకునే శక్తి లేదని (మా చిన్నప్పటినుండి మాతో పాటు ఎన్నో పెరిగి కళ్ళ ముందు పోయాయి )నచ్చ చెప్పుకుంటూ వచ్చాను ..కాని అనుకోకుండా ఒక రోజు చెల్లి రెండిటిని వాళ్ళ ఫ్రెండ్ ఇచ్చిందని తీసుకువచ్చి తానొకటి మాకు ఒకటి ఇచ్చింది.బుజ్జిది రోజులపిల్ల అల్లరి చేయదేమోననుకున్న ..హమ్మ మమ్మల్ని నిన్చోనియదు ,కూర్చోనీయదు మేము ,ఎక్కడుంటే అది అక్కడే ...హాల్లో ఒక మూల అమ్మగారికి పడక ఏర్పాటు చేసాను ..ఉహు ...నిద్రపోతున్నట్లే వుండి గంటకోసారి కుయ్యో కుయ్యోమని అరుపులు ..తీసుకొచ్చి గదిలో పడుకోబెట్టాలి ,దానికేమో మద్యలో చలివేసి మళ్లీ అరుపులు మనం అపుడు తీసికెళ్ళి హాల్లో పడుకోబెట్టి అది నిద్రపోయేవరకు ఉండి చప్పుడు చేయకుండా వచ్చి నిద్రపోవాలి ,మరల అరగంటలో దానికి మెలకువ మల్లిపోయి బుజ్జగించి మన గదిలోకి తెచ్చి నిద్రపుచ్చాలి కాసేపటికి దానికి చలి ....అట్టాతెల్లారిపోయి ఇంకేం నిద్రపోతాం అని అమ్మాయిని వరండ లోకి తీసుకొచ్చి ఆడుకుంటూ దాన్ని ఏమార్చి పోయి టి తయారుచేసుకోవాలి ....మన చీర కుచ్చిళ్లో ,పైటకొంగు తోనో అది నోట కరచిమనల్ని కవ్విస్తూ ఆడుతుంటే మనం చచ్చినట్టు ఒంతమ్మ బంగాలు వదులమ్మ అని ముద్దుగా బతిమాలుకోవాల్సిందే ..లేకపోతె మా అమ్మాయితో పడలేము తనతో పాటు సమానంగా చూడట్లేదు ..అది "కుక్క "ని చీప్గా చూస్తున్నారు అంటుంది ..వచ్చిన పది రోజుల్లోనే మా ముగ్గురి మనసు దోచేసింది .ఈ "బంగారాని కి" ఇంకా పేరు స్థిరపడలేదు ..ఎవరికి నచ్చినట్లు వాళ్ళు పిలుస్తున్నాం ...

నా అభిరుచులు

2010-04-29T22:32:00.004+05:30

తరుచు మనం అటు ఇటు తిరిగే క్యాంపు ల ఉద్యోగం కావడంతో ఆయ ఊర్లలో ప్రశస్తమైన పండ్లు ,పూలు అలాగే స్వీట్స్ ఏంటో కనుక్కుని నచ్చిన వాటిని తిరిగి వచ్చేప్పుడు తీసుకోస్తుంటాను..మరచిపోతానేమోనని ముందే ఎవరికైన చెప్తాను వెళ్ళేప్పుడు గుర్తుచేయమని .పూలు విషయం కి వస్తే విశాఖపట్నం లో "సింహాచల సంపెంగ "పూలు లేకుండా తిరుగు ప్రయాణం చేయాలంటే నా మనసొప్పదు .ఎక్కువగా రైల్వే స్టేషన్ లో దొరుకుతాయి ,బయట మార్కెట్ లోను దొరుకుతాయి .బోల్డన్ని గుత్తులు కొని తెచ్చుకుంటాను .తెలుపు పసుపు రంగుల్లో వుండే ఈ పూలు తరగని సువాసననిస్తాయి .సింహాచలం లో మొక్కలు కూడా అమ్ముతారు మనం మొక్క కూడా పెట్టాం కాని ఇంతవరకు పూయలేదు చెట్టు పెరగనే లేదు . మచిలీపట్టణం లో మంగినపూడి బీచ్ దారిలో అమ్మే మొగలిపోత్తుల కొరకు ఆరాటపడతాను . నెల్లూరు వెళ్ళినపుడు పినాకిని లో ప్రయాణం చేస్తే చెన్నయి నుండి తెచ్చి అమ్మే 'చెంబెలిపూలు 'తప్పకుండా కొంటాను ,అరటి నార తో మాలలు కట్టి అమ్ముతారు ..అలానే చెట్టు సంపెంగ పూలు తో పినాకిని పరిమళాలు వెదజల్లుతది,పెదవడ్లపూడి వచ్చేసరికి గంపలు గంపలు మల్లెలు విరజాజులు చేరతాయి ...ఇవన్ని పిచ్చపిచ్చగా కొనిస్తానని వేరేచేప్పక్కరలేదు

. పండ్ల విషయానికి వస్తే ఏలూరులో దొరికే జామకాయ ఇంకెక్కడా దొరకదేమో అనిపిస్తుంది ,అక్కడి కాయలు తిని ఇంకెక్కడా తినాలన్పించదు.అలానే తేగలు నిడదవోలు ,చాగల్లు లోరుచి ఇంకోటి కనిపించదు.అలానే రేగుపళ్ళు గోదావరి జిల్లాలోనే బాగుంటాయి .సీతాఫలాలు తప్పకుండా రాజమండ్రి ,జంగారెడ్డిగూడెం నల్లజర్ల పరిసర ప్రాంతాల్లోనే బాగుంటాయి ,ఒక బుట్టడు మనతో ప్రయాణం చేయాల్సిందే .

చక్కెరకేళి లు రావులపాలెం లో చాలా బాగుంటాయి ..మామిడిపళ్ళు మా జిల్లా లోనే కాకుండా ప్రకాశం జిల్లా లో 'ఉలవపాడు ' అనే ప్రాంతం కాయలు చాల స్వీట్ గా బాగుంటాయి,ఒంగోలు వెళ్ళినపుడు తోటకి పంపించి మరి తెచ్చుకుంటాను .సీసన్ అయ్యాక మార్కెట్ లో ఎక్కువ దొరికేయి ఉలవపాడు కాయలే .

ఇక స్వీట్ విషయానికి వస్తే మచిలీపట్టణం వెళ్తే 'హల్వా ''లడ్డు ''తిరుగు ప్రయాణం లో ఉండాల్సిందే .చాల ప్రసిద్ది తాతారావు స్వీట్స్ అంటే .కాకినాడ వెళ్లి వచ్చేప్పుడు మన కూడా 'కోటయ్యకాజ", తాపేశ్వరం కాజాలు ,ఆత్రేయపురం పూతరేకులు వస్తాయి ..

ఈ రోజు ఒంగోలు వెళ్లాను .ఆఫీసు పనికన్నా ముందు అల్లురయ్య మైసూర్ పాక్ కి ఆర్డర్ పంపాను .అక్కడ ఆర్డర్ చేస్తేనే మనకి దొరుకుతుంది .ఒంగోలులో చాల ప్రసిద్ధిగల స్వీట్ అది .పది యేళ్ళ క్రితం మొదటిసారి అరటిఆకులో నెయ్యోడ్తూ పొట్లం కట్టారు ,ఇప్పుడు మామూలు స్వీట్ డబ్బాలో పెడుతున్నారు ,కొంచెం క్వాలిటీ తగ్గిందనుకోవచ్చు ..ఇలా ఊరుకో స్వీట్ తెచ్చుకుని నేనే మొత్తం తింటాను అనుకుంటున్నారా !మా పాప నేను కొంచం మాత్రం తీసుకుని మా బందుమిత్రులకి తినిపిస్తాను :-)