27, ఆగస్టు 2012, సోమవారం

అయిదు రోజుల పెళ్లి- అమ్మాయి పెళ్లి-5

తెల్లవారు ఝాము మూడుగంటల నలబయ్యి నిమిషాలకి తడి ఆరని కురులతో దీపారాధనకి ముగ్గురం కూర్చున్నాము మరొక ప్రక్క వంటింట్లో చిన్నపిన్ని మామయ్యా కూతురు నైవేద్యం తయారుచేసే హడావిడి లోవుండగా  పురోహితుని వేదమంత్రాలువాద్యకారుల  సన్నాయి మేళం ఆద మరచి నిద్రపోతున్న వారందనీ మేల్కొలిపింది
 ఇక్కడ మా పంతులుగారి గురించి చెప్పాలి ,చక్కని స్వరం తో వినసొంపుగా మంత్రాలను చదువుతారు ఎంత పనులున్న మన చెవులు ఒప్పగించాలని అనిపిస్తుంది .ఇంట్లో జరిగే కార్యక్రమాలకి విధిగా వీరి చేతుల మీద నడవ వలసిందే .ప్రతి పని శ్రద్దగా చేపిస్తారు . మొట్టమొదట వీరిచే గణపతి హోమం ఇంట్లో చేయించాము వీరు కాక మరో నలుగురు కలిసి చేసారు షుమారు ఏడెనిమిది గంటలు  మాకు అలసట రాలేదు అప్పుడే ముగ్దురాల్ని అయ్యి మా అమ్మాయి పెళ్లి మీచేతుల మీదనే చేయిస్తాను అని వాగ్దానం చేశాను అనుకున్నట్లే పాప నిశ్చితార్ధం లగ్నపత్రిక అంత వీరే నిర్వహించారు .మా దీపారాధన అమ్మ వాళ్ళు మాకు వస్త్రాలు ఇవ్వడం ఆడపడుచులు హారతి ఇవ్వడం పూర్తయ్యేసరికి ఫలహారాలు తీసుకునే సమయం అయ్యింది .
బంధువులు స్నేహితులు  కాలనీ వాళ్ళు అందరిని ఉదయం  ఫలహరాలకి మధ్యాహ్నం భోజనాలకి ఇంటికే ఆహ్వానించడం జరిగింది రాత్రి పెళ్లి విందులు మాత్రం మాకు దగ్గరలోని కళ్యాణమండపం లో ఏర్పాటు చేసాము వేడివేడి కట్టేపొంగాలి గారెలు పూరీలు సాంబారు కాఫీ టీ లు రుచిగా శుచిగా వడ్డించారు,ఇంకో ప్రక్క తొమ్మిదవ నలుగు స్నానం కి హాల్ మద్యలో పీటలు వేసి అమ్మాయికి మంచి గులాభి పన్నీరు నువ్వుల నూనె వెన్నపూస కలిపి ఒంటికి నలుగు  తల పైన నూనె తో మర్దన చేసి తలస్నానం చేయించి సాంబ్రాణి తో తలకి ధూపం పట్టి మేనమామలు తెచ్చిన పట్టు చీర కట్టబెట్టి పెళ్ళికూతుర్ని చేసాము.అమ్మాయికి గాజులు ఇచ్చి మేమిద్దరం అక్షతలు వేసి పెద్దవరయిన మా అమ్మ నాన్న తో అక్షతలు వేయించి వరుసగా పెద్దలందరి దీవెనలు తీసుకున్నాము ,పాప చేత ముత్తయిదువలందరికి తాంబూలం బ్లౌసే ఇప్పించాము ...తలంబ్రాలు బియ్యం కలపడం మధ్యాహ్న బోజనంతరం మొక్కులు కాలి గోర్లు తీసే తతంగం నాలుగున్నర లోపే పెళ్ళికూతురు ఇంటి నుండి కళ్యాణ మండపం  చేరుకోవాలి  ఈలోపు వియ్యాల వారికీ పానకలతో విడిదికి ఎదురు వెళ్ళాలి ....       

6 కామెంట్‌లు:

జలతారు వెన్నెల చెప్పారు...

కాలి గోర్లు తీసే తతంగం అమ్మాయికి కూడా చేస్తారా? నేను మొన్న పెళ్ళిలో అబ్బాయికి మంగలి వచ్చి తీయడం చూసా.

మాలా కుమార్ చెప్పారు...

ఐదురోజుల పెళ్ళి చక్కగా జరిపించారండి . మా కళ్ళ ఎదురుగా కనిపిస్తోంది . అన్నట్లు నాకో ప్రామిస్ చేసి మర్చిపొయారుమీరు :)
ఇక్కడా :)

http://sahiti-mala.blogspot.in/2009/12/blog-post_11.html

Hima bindu చెప్పారు...

@జలతారువెన్నెల
ఉంటుందండీ .అమ్మాయికి దిష్టి తీసి బంధువులంత మొక్కులు వేస్తారండీ .ప్రాంతము కమ్యూనిటి బట్టి కొన్ని కొన్ని మార్పులు వుంటాయి కదండీ
@థాంక్సండీ .యెం మర్చిపోయనబ్బా! మీరు ఇచ్చిన లింక్ పేజి లేదు అని వస్తుంది ..ఇంకోసారి చెప్పండీ మేడం :)

Hima bindu చెప్పారు...

@జలతారువెన్నెల
ఉంటుందండీ .అమ్మాయికి దిష్టి తీసి బంధువులంత మొక్కులు వేస్తారండీ .ప్రాంతము కమ్యూనిటి బట్టి కొన్ని కొన్ని మార్పులు వుంటాయి కదండీ
@థాంక్సండీ .యెం మర్చిపోయనబ్బా! మీరు ఇచ్చిన లింక్ పేజి లేదు అని వస్తుంది ..ఇంకోసారి చెప్పండీ మేడం :)

Hima bindu చెప్పారు...

@మాలాకుమార్ @థాంక్సండీ .యెం మర్చిపోయనబ్బా! మీరు ఇచ్చిన లింక్ పేజి లేదు అని వస్తుంది ..ఇంకోసారి చెప్పండీ మేడం :)


మాలా కుమార్ చెప్పారు...

సరేలెండి :)))))