24, నవంబర్ 2012, శనివారం

అభిమాన బ్లాగర్

అభిమాన రచయితలూ అభిమాన కథానాయకుల లానే మనకి నచ్చే బ్లాగర్ కూడా సహజంగానే వుంటారు వాళ్ళు ఏది రాసిన సమయం వున్నా లేకపోయినా వెసులుబాటు చేసుకుని చదవవలసిందే,.బ్లాగ్లోకం లోకి అడుగు పెట్టిన కొత్తలో దాదాపు అన్ని బ్లాగులు చదివేదాన్నికొంతమంది రచనలు మరపురాని విధంగా హార్ట్ టచింగ్ గా వుంటాయి అటువంటి కొందరు బ్లాగర్స్ ని  క్రమం తప్పక అనుసరించేదాన్ని వారిలో ఇద్దరు ముగ్గురు మిత్రులు కూడా అయ్యారు ...అసలింతకి చెప్పొచ్చేది ఏమంటే మూడు సంవత్సరాల పరిచయం తరువాతభూగోళం కి ఆవల ఉంటున్న నేను అభిమానించే బ్లాగు మిత్రుడిని కలిసాను తనకున్న టైట్ షెడ్యుల్లోవెసులుబాటు చేసుకుని మా ఊరు వచ్చి మా ఇంటికి వచ్చి కొంత సమయం మాతో స్పెండ్ చేసి వెళ్ళారు మాకుబోల్డన్ని గిఫ్ట్స్ ఇచ్చి వెళ్ళారు థాంక్స్ టూ బ్లాగు లోకం బంగారులోకం :-)..ఇంతకి నా అభిమాన బ్లాగర్ ఎవరంటారా !అది సస్పెన్స్:-)    

2, నవంబర్ 2012, శుక్రవారం

బ్లాగ్ vs ఫేస్ బుక్

బ్లాగు ల అబ్సేస్స్షన్ దాదాపు పోయినట్లే !ఒకప్పుడు బ్లాగుల్లో పడి బోల్డంత సమయం వృధా చేస్తున్ననని తెగ ఫీల్ అయ్యిన  నేను మొత్తానికి బయటికి రాగలిగాను కుదిరినప్పుడు ఏదైనా తప్పనిసరిగా జ్ఞాపకంగా రాసుకోవాల్సి వచ్చినపుడు మాత్రమే బ్లాగు రాయటం జరుగుతుంది ఆసక్తిగా వున్నాబ్లాగ్స్ చదువుతున్న కాని ఇదివరకటంత ఉధృతి మాత్రం తగ్గిందిఅలా అని చెప్పి నెట్ కి ఏమైనా దూరం వున్నన అనుకుంటే వుహు అదేమీ లేదు ఈ వెలితి కాస్త ముఖ పుస్తకం పై పడింది .వీలైనపుడు కాస్త రిలాక్స్ అవ్వలనిపిస్తే పేస్ బుక్ ఓపెన్ చేస్తున్నాను దీనికి మాత్రం అడిక్ట్ కాలేదు మనస్సు మీద నియంత్రణ బానే వుంది ,నా సమయం మాత్రం వృధా కాలేదు.బ్లాగు లవలన మంచి స్నేహితులు కలిసారు ముఖ్యంగా సాహిత్యం పట్ల అభిమానం అవగాహన వున్నా వారు బ్లాగు లోకంలో తారసపడతారు మంచి రచయిత రచయిత్రుల కధనాలను చదవవచ్చుమనం నచ్చినట్లు రాసుకోవచ్చు:) అలానే తోటి బ్లాగర్లని అవకాశం వచ్చినపుడు కించ పరిచే వారు అధికంగానే వుంటారు ఆ చిన్న ప్రపంచం లో వారికీ వారే గొప్పగా ఫీల్ అవ్వుతుంటారు అజ్నతంగానో పరోక్షంగానో ప్రక్క వారిని భాధించాలని చూస్తారు ఇవన్ని చూసి చూడనట్లు పొతే తప్పించి పట్టించు కుంటే అక్కడ మనుగడ ఉండదు .కాని పేస్ బుక్ లో ఇటువంటి సందర్భాలు ఎదురవ్వవు బహుశ ఇక్కడ ఎవరెవరో తెలుసుకుని ఆడ్ చేసుకోవడమో కొంత సభ్యత కలిగే వుంటారు .ఈ రెండిటిలో ఏది బెటర్ అని ఆలోచిస్తే పేస్ బుక్ కే నా వోట్ అనుకుంటాను ..నాకు ఇప్పటికి  అర్ధం కానిది బ్లాగులు అలా పిచ్చిగా ఎందుకు చదివానా అదొక బంగారు లోకం అని ఎందుకు ఫీల్ అయ్యానో !    
       

14, అక్టోబర్ 2012, ఆదివారం

బుజ్జులు తప్పిపోయింది .

బుజ్జులు తప్పిపోయింది .ఇంట్లో నుండి బయటికి అడుగు పెట్టదు కానీ ఎలా వెళ్లిందో మిస్టరీగా వుంది .బుజ్జులుకి పాలు పోసి కాసిని పెడిగ్రిలు వాటిలో పోసి "బుజ్జులమ్మ  బువ్వ తిందువు గాని రామ్మా "అంటూ ఎంత పిలిచినా ఉలుకు పలుకు లేదు మంచాల క్రింద  వంగి చూసి పిలిచినా జాడ కనబడలేదు ఇక శోకాలు పెట్టుకుంటూ గది గది లోను బాత్ రూం లో ఇంటి వెనుక మెట్ల క్రింద వెదికిన బుజ్జులు కనబడలేదు  మేడ పైకి పరుగులు తీసి రెండంతస్తుల ఇళ్లన్నీ గాలించాను .కాళ్ళ కి చెప్పులు కూడా లేకుండా పిచ్చిదానిలా వీధి లోని ప్రతి గడప తలుపు తట్టాను నా ఏడుపుకి కోరస్ నా చెల్లి కూతురు తోడయింది మరిది చెల్లి ఇంట్లో అద్దెకి వున్నా వాళ్ళు ఎదురు పిల్లడు ప్రక్క వీధిలో కాపురం వుండే పనమ్మాయి వాళ్ళ పిల్లలు మూడు కిలో మీటర్లు దూరం లో వున్నా మా భావగారి అబ్బాయి ,మావారు సిక్కుల కాలనీ ఫన్ టైమ్స్ భారతినగర్ బ్యాంకు కొలని బాబా గుడి రోడ్ ఆటో నగర్ స్టెల్ల వెనుక రోడ్స్ ఎనిమిదింటి నుండి పదకొండు వరకు చీకట్లో 'బుజ్జులు ' బుజ్జులు 'బంగారు తల్లి ఎక్కడ ఎక్కడమ్మా అంటూ తిరిగాము చైతన్య హాస్టల్ వాచ్ మన్లకి ,కాలనీల వాచ్ మన్లకి జాడ తెలిస్తే చెప్పమన్నాము బహుమతులు ఇస్తామని చెప్పాము ...అలిసి వరండ మెట్ల మీద కూర్చుని పొగిలి పొగిలి ఏడ్చాము ..నా కూతుర్కి నేనేమని సమాధానం చెప్పాలి పువ్వుల్లో పెట్టి చూసుకుంటాను అని మాట ఇచ్చాను నుదురు కొట్టుకుంటూ ఏడుస్తున్న మావార్ని చూస్తె ఎలా సముదాయించాలో తెలియక నేను చైతు భోరుమన్నాము .....తిరిగి ఆశ చావక వెదికిన వీదులే తలొక ప్రక్క పోయాము బాబా గుడి ముందు ఆగిన నేను బుజ్జులు ఇంటికి వస్తే నిన్ను చూస్తాను లేకుంటే జన్మలో నిన్ను చూడ అనుకుంటూ వెనక్కి తిరిగిన నాకు ఫోన్ రింగ్ వచ్చింది ...ఇంటికి వచ్చేయ్  బుజ్జు వచ్చింది  అని .......కాలనీ మూడో రోడ్ లో బుజ్జు మెడ బెల్ట్ పుచ్చుకుని ఎవరో ఇద్దరు పైకి లేపుతుంటే అదేమో కుయ్ కుయ్ అని అరిసిందట అది మా వారి కంటబడి  పరుగున అక్కడ చుస్తే బుజ్జమ్మ డాడి మీదికి దూకిందట .......అల కథ సుఖాంతం ..ఇంటికి వచ్చి పండగల స్వీట్స్  పంచుకున్నాము ...బుజ్జమ్మ పాలు త్రాగి అలసి పడుకుంది ....చెప్పకుండా ఎక్కడికి వెళ్ళవే  అంటుంటే మమ్మల్ని చుసిన ఆనందం తో గంతులు వేస్తుంది ....బుజ్జులు తిరిగి రాకపోతే మా చిన్ని కి ఇద్దరం ఏం సమాధానం చెప్పేవాలమో అసలు అది తట్టుకోగలిగేద ...అసలు ఊహే భయంకరంగా వుంది ...బాబా మాపై దయ చూపాడు . http://himabinduvulu.blogspot.in/2010/11/blog-post_13.html
http://himabinduvulu.blogspot.in/2012/04/blog-post_30.html

7, సెప్టెంబర్ 2012, శుక్రవారం

ఇదీ జీవితం

 చూడవద్దు అనుకుంటూనే కళ్ళప్పగించి టివి చూస్తుండిపోయాను .ఆ పెద్దాయనకి ఈ వయస్సులో ఎంత కష్టం వచ్చింది !సర్వం కోల్పోయి పాలుగారేవయస్సున్నమనవడి భుజంపైన కుండ ఆని ఆన్చకుండా తన హస్తాలలో ఇముడ్చుకుని    హాలాహలం లాంటి నిజాన్ని దిగమింగుతూ తన కొడుకు పార్థివదేహం చుట్టూ తిరుగుతుంటే  ఇక చూడలేక టివి ఆఫ్ చేసేసాను న్యూస్ కోసం తప్పించి నాకు టివి చూసే అలవాటు లేదు .వాళ్ళు వీళ్ళు టివి సీరియల్స్ చూస్తుంటే ఒక లుక్ వేసి అక్కడ నుంచి వెళ్ళిపోవడం తప్పించి పూర్తిగా చూసింది ఎప్పుడు లేదు .సుమన్ గురించి విన్నాను ,చదివాను బహుశ వాళ్ళ స్వగ్రామం మా స్వగ్రామం ప్రక్క ప్రక్కనే వుండటం ఒకే మండలం కావడం వలన ఒకింత ఆసక్తి .గత రెండు సంవత్సరాలుగా అతని ఆరోగ్య పరిస్థితి తెలిసి చాలా ఆశ్చర్యపోయేదాన్నిఆ మహమ్మారి ఎప్పటికైనా తనని కబళిస్తుంది అని తెలిసిన మామూలు వ్యక్తిలా తను గడిపిన జీవితం ప్రతి ఒక్కరికి స్పూర్తిదాయకం .తెలుగు పట్ల ఆ  కుటుంబం తీసుకున్న శ్రద్ద అబినందనీయం ,నిజానికి  ఈ మధ్యనే నేను ఆ పెద్దాయన నుంచి అందుకున్న" తెలుగు వెలుగు"
గురించి రాయాలనుకున్నకాని విధివశాత్తు ఆ కుటుంబానికి వచ్చిన కష్టం ప్రస్తావించాల్సి వచ్చింది.
బిడ్డను కోల్పోయిన తల్లిదండ్రులు ,భర్తను కోల్పోయిన భార్య ,తండ్రిని కోల్పోయిన పిల్లలు ,సోదరుని కోల్పోయిన సహోదరుడు ఈ తీరని దుఖం నుండి తీరుకోవాలని సుమన్ ఆత్మశాంతి కలగాలని భగవంతుని కోరుకుంటున్నాను. 

6, సెప్టెంబర్ 2012, గురువారం

నాన్న

నాన్నని రేపు  డిస్చార్జ్ చేయొచ్చు అన్న మాట చెవుల్లో అమృతం పోసినట్లుంది .పోయిన గురువారం ఇదేరోజు హైదరాబాదు కిమ్స్ లో నాన్న ఆరుగురు పిల్లలం అల్లుళ్ళు కోడళ్ళుఅమ్మ మనవళ్ళు ఆందోళనలో నాన్న చుట్టూ ఉన్నాము మరునాడు నాన్న కి జరగబోయే పిట్యుటరి గ్లాండ్ సర్జరీ గురించి ధైర్యం చెబుతూ(..రిస్క్ సర్జరీ అని అంత భయపెట్టారు )..శుక్రవారం సర్జరీ పూర్తయ్యి శనివారం స్పృహ లోకి వచ్చేవరకు అక్కడక్కడే తిరిగాము నాన్న అందర్నీ గుర్తుపట్టే వరకు ఒకింత ఆందోళన .దేవుని దయవలన (మానస్ పాణి గ్రహీ )నాన్న సర్జరీ తరువాత పూర్వపు స్థితికి వచ్చారు .మా అందరి జీవితాల్లో తిరిగి వెలుగు వచ్చింది ముఖ్యంగా అమ్మ జీవితంలో...........    

27, ఆగస్టు 2012, సోమవారం

అయిదు రోజుల పెళ్లి- అమ్మాయి పెళ్లి-6

ఆత్మీయ అతిధులంతా తీరిక చేసుకుని ఎంతో దూరం నుండి అమ్మాయిని పెళ్లి కుమార్తె  ను చేసే కార్యక్రమానికి వచ్చి దీవించి ఇంటి ముందు తాటాకు పందిరి క్రింద ఏర్పాటు చేసిన బోజనాలు చేసారు .మధ్యాహ్నం రెండు తరువాత అమ్మాయిని కూర్చుండబెట్టి ఎదురుగా పాలు పెరుగు పళ్ళెం లో నింపి పసుపు కొమ్ములు కట్టిన రెండు పెద్ద రోకళ్ల ను పళ్ళెం లో ముంచి అటుఇటుగా పాప బుజాలకి తాకించారు నాయి బ్రాహ్మడు. పెద్దలు తాతలు పెదన్నాన్నలు బాబాయిలు మేనమామలు మేనత్తలు పెద్దమ్మలు చుట్టాలు ఒక్కొక్కరుగా వచ్చి వడ్లు(బియ్యం ) దోసిట అమ్మాయికి అటునిటు పోసి వారి చిత్తం కొలది రూపాయిలు అమ్మాయి కి దిష్టి  తీసి ప్రక్కనున్న పళ్ళెం లో వేసారు ఇదొక గంటపైన సాగింది (మేళ తాళ ల తో ) మరొక ప్రక్క ముత్తైదువలు తలంబ్రాల బియ్యం కలపటం ముగించేసర్కి అమ్మాయి పెద్దలందరికి  మొక్కి ఇంటినుండి కళ్యాణ మండపంకి బయలుదేరడం చాల హడావిడిగా జరిగింది పాప వెళ్ళేప్పుడు వాళ్ళ నాన్న అమ్మమ్మ పిన్నులు అత్తలూ అంత మనసార దీవించి  వీడ్కోలు పలికారు. మరొకవైపు మా ఆడపడుచులు మా వారి బావగార్లు మా తమ్ముళ్ళు మేనమామలు చాకలిని తీసుకుని పానకాల బిందెలతో వియ్యాల వారికి స్వాగతం పలకడానికి వెళ్ళారు వారి వెనుక నేను మా వారు పెళ్లి కుమారునికి
ఆహ్వానం పలకడానికి ఎదురు వెళ్ళాము .చాకలి గుమ్మడికాయతో దిష్టి తీసిన తరువాత మా అమ్మాయికి తమ్ముడు (చెల్లి కొడుకు ) బావగారిని ఆహ్వానిస్తూమెడ లో ఉత్తరీయం కప్పాడు  మా ఆడపడుచులు ఆరతి ఇచ్చాక కాబోయే అల్లునికి ఆహ్వానపత్రిక శాస్త్రోక్తంగా కొంత నగదు పెట్టి విడిదికి ఆహ్వానించాము ఇలా........తరువాత పానకాలు అందించడం .....ఆ తరువాత ఇంటికి పోయి అన్నీసర్దుకుని కళ్యాణ మండపం  దారి పట్టాము.
మా వారికి సర్జరీ కావడం వలన ఎవర్ని ఆయన స్వయంగా  ఆహ్వానించలేదు ఫోన్ ద్వారానే పిలుపులు కార్డ్స్ పంపడం అయ్యింది అయిన ఎవ్వరు నొచ్చుకోకుండా మా ఆహ్వానాన్ని మన్నించి వచ్చారు ముహూర్తం ఎనిమిది పదమూడు కి కావడం వలన బోజనాలు ఆహ్వానం నా అక్కచేల్లిల్లు ఆడపడుచులు కజిన్స్ ముఖ్యంగా కొంతమంది స్నేహితులు నా ఆఫీసు స్టాఫ్ చూసుకున్నారు
పెళ్లి మంత్రాలను అయిదుగురు పురోహితులు సామూహికంగా ఉచ్చారణ చేస్తుండగా వివాహం మొదలయ్యింది.అమ్మాయి తో అక్కడే గౌరీపూజ అటు ప్రక్క అబ్బాయి చేత వరపూజ జరిపించి  కన్యాదాన కార్యక్రమానికి కూర్చున్నాము .వధూవరులు జీలకర్ర బెల్లం అయిన తరువాత సుమారు రెండు గంటలు పైన బంధు మిత్రులు అక్షతలు వేసే కార్యక్రమం జరిగింది మాతో పాటు మా వియ్యంకులు ఓపిగ్గా అన్ని గంటలు నిలబడి అతిధులకి నమస్కరించారు .ఎంతో దూరం నుండి వచ్చిన మిత్రులని అధికారులని బంధువులని పేరుపేరునా పలకరించి మా ఆతీధ్యం స్వీకరించి వెళ్ళమని కోరాము .మద్యలో ఒక పది నిముషాలు క్రిందికి వెళ్లి అతిదులని పలకరించి వచ్చాము .ఆ తరువాత మిగిలిన వివాహ తంతు చక్కని ఉచ్చారణతో అర్దాలను వివరిస్తూ జరిపించారు సన్నాయి బ్యాండు మేళాలు సమయానికి తగినట్లు వీనుల విందు చేసాయి .వధూవరులు అరుంధతి నక్షత్రం చుసేవరకి అక్కడే వుండి మిత్రులను భందువులను కలుసుకుని వచ్చిన వారికీ కృతజ్ఞతలు తెల్పి సెలవు తీసుకున్నాము .ప్రతి కార్యక్రమం చక్కగా పద్దతిగా చేసామని బంధుమిత్రులు అభినందనలు తెల్పారు.
   

అయిదు రోజుల పెళ్లి- అమ్మాయి పెళ్లి-5

తెల్లవారు ఝాము మూడుగంటల నలబయ్యి నిమిషాలకి తడి ఆరని కురులతో దీపారాధనకి ముగ్గురం కూర్చున్నాము మరొక ప్రక్క వంటింట్లో చిన్నపిన్ని మామయ్యా కూతురు నైవేద్యం తయారుచేసే హడావిడి లోవుండగా  పురోహితుని వేదమంత్రాలువాద్యకారుల  సన్నాయి మేళం ఆద మరచి నిద్రపోతున్న వారందనీ మేల్కొలిపింది
 ఇక్కడ మా పంతులుగారి గురించి చెప్పాలి ,చక్కని స్వరం తో వినసొంపుగా మంత్రాలను చదువుతారు ఎంత పనులున్న మన చెవులు ఒప్పగించాలని అనిపిస్తుంది .ఇంట్లో జరిగే కార్యక్రమాలకి విధిగా వీరి చేతుల మీద నడవ వలసిందే .ప్రతి పని శ్రద్దగా చేపిస్తారు . మొట్టమొదట వీరిచే గణపతి హోమం ఇంట్లో చేయించాము వీరు కాక మరో నలుగురు కలిసి చేసారు షుమారు ఏడెనిమిది గంటలు  మాకు అలసట రాలేదు అప్పుడే ముగ్దురాల్ని అయ్యి మా అమ్మాయి పెళ్లి మీచేతుల మీదనే చేయిస్తాను అని వాగ్దానం చేశాను అనుకున్నట్లే పాప నిశ్చితార్ధం లగ్నపత్రిక అంత వీరే నిర్వహించారు .మా దీపారాధన అమ్మ వాళ్ళు మాకు వస్త్రాలు ఇవ్వడం ఆడపడుచులు హారతి ఇవ్వడం పూర్తయ్యేసరికి ఫలహారాలు తీసుకునే సమయం అయ్యింది .
బంధువులు స్నేహితులు  కాలనీ వాళ్ళు అందరిని ఉదయం  ఫలహరాలకి మధ్యాహ్నం భోజనాలకి ఇంటికే ఆహ్వానించడం జరిగింది రాత్రి పెళ్లి విందులు మాత్రం మాకు దగ్గరలోని కళ్యాణమండపం లో ఏర్పాటు చేసాము వేడివేడి కట్టేపొంగాలి గారెలు పూరీలు సాంబారు కాఫీ టీ లు రుచిగా శుచిగా వడ్డించారు,ఇంకో ప్రక్క తొమ్మిదవ నలుగు స్నానం కి హాల్ మద్యలో పీటలు వేసి అమ్మాయికి మంచి గులాభి పన్నీరు నువ్వుల నూనె వెన్నపూస కలిపి ఒంటికి నలుగు  తల పైన నూనె తో మర్దన చేసి తలస్నానం చేయించి సాంబ్రాణి తో తలకి ధూపం పట్టి మేనమామలు తెచ్చిన పట్టు చీర కట్టబెట్టి పెళ్ళికూతుర్ని చేసాము.అమ్మాయికి గాజులు ఇచ్చి మేమిద్దరం అక్షతలు వేసి పెద్దవరయిన మా అమ్మ నాన్న తో అక్షతలు వేయించి వరుసగా పెద్దలందరి దీవెనలు తీసుకున్నాము ,పాప చేత ముత్తయిదువలందరికి తాంబూలం బ్లౌసే ఇప్పించాము ...తలంబ్రాలు బియ్యం కలపడం మధ్యాహ్న బోజనంతరం మొక్కులు కాలి గోర్లు తీసే తతంగం నాలుగున్నర లోపే పెళ్ళికూతురు ఇంటి నుండి కళ్యాణ మండపం  చేరుకోవాలి  ఈలోపు వియ్యాల వారికీ పానకలతో విడిదికి ఎదురు వెళ్ళాలి ....       

25, ఆగస్టు 2012, శనివారం

అయిదు రోజుల పెళ్లి- అమ్మాయి పెళ్లి-4

నాలుగవ రోజు నలుగు ఉదయం మొదలు మధ్యాహ్నం వరకు కొనసాగుతూనే వుంది మా అమ్మాయి బాల్య స్నేహితులు డిగ్రీ స్నేహితులు సెంట్రల్ యునివెర్సిటీ స్నేహితులు నా స్నేహితులు ఎక్కడెక్కడి వారో వచ్చారు పలు రాష్ట్రాల సమ్మేళనం ఆ నాడు మా ఇంట కానవచ్చింది .వారందరికీ తెలుగువారింట వివాహ  వ్యవహారాలు ఒకింత వింతగాను ఆసక్తిగా అనిపించి శ్రద్దగా పాల్గొన్నారు.అతిధులను ఆహ్వానిస్తూనే మరొక ప్రక్క మరుసటి రోజు వివాహానికి జరగవలసిన పనులను పర్యవేక్షిస్తూ ఇంటివారందరికి ఒక్కొక్కపని అప్పగించడం జరిగింది .  వివాహసమయం లో ఏర్పాటు చేసే   విందు  భోజన పూర్తి పర్యవేక్షణ నా స్నేహితురాలు మరికొంతమంది దగ్గరి బంధువులు బాద్యత తీసుకున్నారు (అన్నిటికంటే అతి ముఖ్యం నా ఉద్దేశం లో )
మధ్యాహ్న భోజనం తరువాత మగ పెళ్ళివారు కొంతమంది స్త్రీలు (ఆడపడుచులు అబ్బాయి మేనత్త వరుసైన వారు )తొమ్మిది మంది పెద్దలు అమ్మాయికి "ప్రధానం"తీసుకువచ్చారు .ఈప్రధానం లో అమ్మాయికి  అత్తింటి వారు పెట్టె చీరే సారెలుసూట్ కేస్ టాయిలెట్ కిట్ సహాఇంకా  పసిడి వెండి కానుకలు,లడ్డులు పూలు తమలపాకులు అరటిగేలలు ఎండుకోబ్బరిచిప్పలు కర్జురాలు రవికె పన్నాలు పసుపు కుంకం గులాము వున్నాయి.పెళ్ళికూతురు కి పట్టు చీరే కట్టబెట్టి తూర్పు సింహ ద్వారానికి అభిముఖంగా పీట మీద తోటి పెళ్ళికూతురి సహా కూర్చోబెట్టి అమ్మాయి తరుపు పెద్దలు (మగవారే )అబ్బాయి తరుపు పెద్దలు వృత్తాకారంలో క్రింద కూర్చుని తాంబూలాలు ఒకరికొకరు మార్చుకుని (నిశ్చితార్ధం రోజు వియ్యంకులు మార్చుకున్నట్లు )వారిచ్చే ప్రతి వస్తువు అక్కడ వున్నా బంధు మిత్రులకి చూపిస్తూ నచ్చలేదని (సరదాకి )ఆడపెళ్ళి వారు గోల చేస్తూ అమ్మాయి బరువుకి ఏమాత్రం తగ్గకుండా వస్తువులు తూకం వేయాలంటూ ఒక రెండు గంటలు సాగింది. మంగళ సూత్రం తాడు నల్లపూసలు తప్పించి మిగిలిన వస్తువులన్నీ పెళ్లి కుమార్తె కి అబ్బాయి తరుపు పేరంటాళ్ళు ఒక్కొక్కటిగా అలంకరించారు.అయిదుగురు పెద్దలు పట్టు ఉత్తరీయంలో సన్నని పోగులతో కూడిన పసుపు బందు పోగు గుండ్రంగా నిలబడి అమ్మాయి  మెడ లో వేసారు అది పదహారు రోజుల పండగ వరకి ఉండాల్సింది .వారు తెచ్చిన పళ్ళు పూలు తాంబూలాలు ఆ కార్యక్రమంలో వున్నా స్త్రీ లందరికి పసుపు కుంకం తో ఇచ్చారు ,పెళ్లి పెద్దలు అటుఇటు వారు బెల్లం పానకాలు మార్చుకుని త్రాగారుఆ తరువాత మగ పెళ్ళి వారు అల్పాహారం మాత్రం తీసుకుని  ఒక పెద్ద ముత్తయిదువని పెళ్లి కూతురు వద్ద వదిలి పెళ్ళికి కలుద్దామని సెలవు తీసుకున్నారు ఆ సాయంత్రం కూడా  ఎక్కడెక్కడో మిగిలి వున్నా బంధువులు నలుగు పెట్టి పసుపులు వేసారు మర్నాడు కేవలం తల్లి మాత్రమె చేయాలి కాబట్టి .ఆ రాత్రి అన్ని సర్దుకుని విశ్రాంతి తీసుకునే సరికి తెల్లారు ఝాము రెండున్నర అయ్యింది .ఎవ్వర్కి నిద్రలు లేవు ఎక్కడ చుసిన గుంపులుగా కూర్చుని కబుర్లు ఆటలు గోలలు మామిడి తోరణాలు ఉదయం దీపారాధన తరువాత కట్టడానికి తోరణాలు తయారు చేస్తూ అబ్బాయిలు ..ప్రతి ఒక్కరు భాద్యతగా తమకిచ్చిన పనులు చేస్తూ కనిపించారు .తెల్లారు ఝాము ముడున్నరకే దీపారాధన అని సన్నాయి మేళం వాళ్ళు వచ్చేశారు గంటయిన విశ్రాంతి తీసుకుందామని అప్పటికే అలసి నిద్రలో వున్నా నా చిన్ని ప్రక్కలో చేరి నిశబ్దంగా  కన్నీరు తుడుచుకుంటూదగ్గరికి తీసుకుని పోదుపుకుని నిద్రకి ఉపక్రమించాను .         

అయిదు రోజుల పెళ్లి- అమ్మాయి పెళ్లి-3

మూడవ రోజు మా చిన్న మేనమామ ఇంట్లో మా కజిన్స్ ఇంక కొంతమంది దగ్గరి భంధువులు చాల ఘనంగా వేడుక చేసారు విందు భోజనాలు పెళ్లి వారిని తలదన్నినట్లు ఏర్పాటు చేసారు .ఇక్కడ ఒక విషయం చెప్పాలి సనాతనం మరియు ఆధునికం కలిపే ఈ అయిదురోజుల తతంగం సాగింది ఒక ప్రక్క పూజలు నలుగు  స్నానాలు  జానపద గీతాలు మంగళ గీతాలు శ్రద్దగా ఆచరిస్తునే మరొక ప్రక్క సంగీత్ సాయంత్రపు సమయాల్లో నిర్వహించడం, మరొక ప్రక్క గంటగంట కి ఫలహారాలు ఆత్రేయపురం నుండి పూతరేకులు మడత కాజాలు కాకినాడ నుండి కాజాలు ఒంగోలు మైసూరు పాకం నిడదవోలు నుండి లడ్డులు డ్రై  ఫ్రూట్ పూతరేకులు అరెసలు సున్నుఉండలు గంపలు గంపలు గారెలు బూరెలు గంపలనిండా పళ్ళుపూలు ఎటు చుసిన మల్లెల పరిమళం పిల్లల కోసం ఫ్రిజ్ నిండా రకరకాల చాక్లెట్స్ పళ్ళ రసాలు ఇది వుంది ఇది లేదు అని తడుముకోకుండా అందరికి అన్ని అందుబాటులో పెట్టాము
,మూడవరోజు సాయంత్రం అబ్బాయిలు ఆఖరకు మావారితో సహా ఆడి పాడారు మామయ్య కొడుకులు ఇంకా కజిన్స్ అత్యద్భుతంగా డాన్స్ చేసారు .పాప లగ్నం నక్షత్రం అనుసరించి కొన్ని పూజలు పెళ్ళికి ముందు చేయవలసినవి మూడో రోజు చేయించారు
.ఇదే రోజు భందువులందరికి నూతన వస్త్రాలు కుంకుమ బరిణ లు పిలుపుల   సమయంలో అందని వారికి బహూకరించడం జరిగింది .అమ్మాయిని పెళ్ళికూతుర్ని చేసిన సమయంలోనే అంత అక్షతలు వేసి పట్టుబట్టలు కానుకలు ఇవ్వడం జరుగుతుంది .అమ్మమ్మల నుండి అత్తలనుంచి పెద్దమ్మ పిన్నులు ఇంకా స్నేహితులు ఆత్మీయుల నుండి వెల కట్ట లేని వస్త్రాలు నగలు అందుకుంది .
.దూరం ఊర్లనుంది వచ్చిన భందువులకు వసతి ఏర్పాట్లు చేసాము కేవలం అర్ధరాత్రుళ్ళు పోయి కాసేపు విశ్రాంతి తీసుకోవడనికే ,అదీ కాక మా చుట్టూ ప్రక్కలే పది పైన  దగ్గర చుట్టాలం వున్నాము దానితో వసతి కోసం దూరం ఊరు భంధువులు ఇబ్బంది పడలేదు
.ఇల్లంతా పూల తోరణాలతో విద్యుత్ దీపాలతో శ్రద్దగా అలంకరించాము పందిరి క్రింద రంగవల్లులు చుట్టార పూల తోరణాలు ..వాకిట నుండి ఇంటిని చుస్తే కళ్ళు చాలలేదు :) (అతిశయోక్తి కాదు )
ఆ అర్ధరాత్రి కలిగింది బెంగ నా కూతుర్ని ఈ ఇంటి నుంచి పంపించేస్తున్నానని ఆ వాకిట నిలబడి  ఏడ్చాను వెక్కి వెక్కి నన్ను చూసి మా పిన్నమ్మలు చెల్లెళ్ళు స్వరం కలిపారు ........................  

23, ఆగస్టు 2012, గురువారం

అయిదు రోజుల పెళ్లి- అమ్మాయి పెళ్లి-2

పూల మాలలు అల్లుతూ 
గోరింతాకులు పెట్టించుకుంటూ పిన్ని ,మా మేనత్త అక్కలు చేల్లిల్లు మరదలు 
అమ్మలు అమ్మమ్మలు మా పిల్లలు  సంగీత్ ...సార్ వాస్తా ర్స్తార 
రెండో రోజు పూర్తిగా గోరింతాకులు పెట్టుకునే ముందు ఆడి పాడి 
                      ఇటురాయే  ఇటు రాయే నీ మీద మనసాయె  అంటూ పిల్లలు పెద్దలు                                      
 రెండో పూట ప్రక్క వీధిలో వున్నా మా అమ్మ వాళ్ళ ఇల్లు (మా అమ్మాయికి మేన మామల ఇల్లు )పెళ్లి కళ సంతరించుకుంది.అక్కడ కూడా ఇదే క్రమం లో పెళ్లి కూతుర్ని చేయడం విందు భోజనాలు ( పసుపువేసాక అమ్మాయి  ఊరి పొలిమేర దాటకుండా దగ్గరలో సంచరించ వచ్చట )మద్యాహ్నం మా ఇంట గోరింటాకు ఉత్సవం జరిపాము చుట్టాలు ఊర్లో వున్నా స్నేహితులు ఇరుగు పొరుగు వీధుల ఆడవారిని పేరంటం పిలిచాము .మధ్యాహ్నం మొదలయ్యి రాత్రి బోజనాల వేళకి పూర్తయ్యింది ,ఆ పూట పెళ్లి కూతుర్ని మా ఆడపడుచులు మరదళ్ళు చేసారు .....        

22, ఆగస్టు 2012, బుధవారం

అయిదు రోజుల పెళ్లి- అమ్మాయి పెళ్లి

అమ్మాయి పెళ్లి చేసి అప్పుడే ఆరు నెలలు పూర్తి కావొస్తుంది.సరదాగా నా బ్లాగులో నాటి  పెళ్లి వేడుకలు  షేర్ చేసుకోవాలనిపించి అలనాటి పెళ్లి సందడి పంచుకుంటున్నాను .
అసలు ఇంత త్వరగా వివాహం చేస్తాను అనుకోలేదు అప్పుడెప్పుడో మావారు హార్ట్ ప్రోబ్లం తో సిక్ కావడం తిరిగి కోలుకోవడం జరిగింది ఆరోగ్యంగా తిరుగుతున్నపుడే భాధ్యతలు  తీర్చుకోవాలని గట్టిగ నిర్ణయించుకుని  సంభంధం రావడం ఖాయం చేసుకోవడం జరిగింది లేకుంటే ఏదొక ఉద్యోగం లో స్థిరపడ్డాక చేయలనుకున్నాము.
మా అమ్మ,పిన్ని వాళ్ళంతా పూర్వంలా తొమ్మిది రోజులో లేక అయిదు రోజుల పెళ్లి చేద్దాము అని నిర్ణయించేశారు .ఇక చూడండీ మా ఇల్లంతా పెళ్ళికి పది రోజుల ముందునుండి సందడే సందడి .అయిదురోజుల పెళ్లి సందడికి ఏర్పాట్లు చేసాము.
తొమ్మిది పూట్ల పసుపు స్నానాలు అంటే పెళ్లి జరగబోయే రోజు ఉదయం తొమ్మిదో సారి పెళ్ళికూతుర్ని చేయడం అన్నమాట.
ఈ కార్యక్రమానికి ముందు వరుడి ఇంటికి పళ్ళు స్వీట్స్ కానుకలు  ఆహ్వాన పత్రిక తీసుకుని నేను మా శ్రీవారు మా మేనమామల తో కలిసి వెళ్లి ఆహ్వానించి వచ్చాము.
ఈ అయిదు రోజులు మా వారి తరుపు నా తరుపు  ఆత్మీయ బంధువు లంత కొలువులకు సెలవు పెట్టి మా సంతోషంలో భాధ్యతలను నెత్తిన పెట్టుకుని మాకు ఎటువంటి శ్రమ లేకుండా ఆద్యంతము పంచుకున్నారు .
వున్నా ఊర్లో చుట్టాలు దూరంగా వున్నా చుట్టాలు సహితం  ఇరవయి రెండు ఉదయానే వచ్చేసారు.మా పల్లె నుండి తాటి ఆకుల్ని పందిరి వేసే చుట్టాల్ని పిలిపించి పెద్ద పందిరి వేసి అందమైన ముగ్గులతో అలంకరించి   మా భంధువులు కాక ఇరుగు పొరుగుపెద్దలను ఆహ్వానించి గంధం పసుపు కుంకుమలతోమంగళ వాద్యాల తో పెళ్లి కూతుర్ని చేయడం జరిగింది.దాదాపు మూడు వందల మంది ఈ వేడుకలో పాల్గొన్నారు ...మొదటిరోజు మా  కాబోయే అల్లుడు వారి భంధువులు కూడా ఈ వేడుకలో వున్నారు.
పసుపు కార్యక్రమం ఎలా చేశామంటే ..............
ముగ్గుల మద్య పసుపు పీటలు వేసి(ఒకటి తోడి పెళ్ళికూతురికి ) వధువుని కూర్చుండబెట్టి  .
పచ్చికొమ్ముల పసుపు పెసర సున్ని  కచ్చురాలు భావంచాలు మంచి గంధం సాన మీద తీసినది గిన్నెల నిండా  తీసుకుని పెద్ద ముత్తైదువలు అమ్మలు అమ్మమ్మలు తల పై నూనె అక్షతలు వుంచి వధువు కి నలుగు పెట్టి మేలమాడుతూ నలుగు పాటలు పాడారు..వారే ఇద్దరకి నలుగు స్నానాలు కుంకుడు శికాయలతో తలకిపోసి అక్కడ కూడా పాటలు పట్టు చీరతో వధువుని అలంకరించి మంగళ హారతులు పాడి వధువు చేత తాంబూలాలు ఇప్పించి   పెద్దలంత అక్షతలతో దేవెనలు ఇవ్వడం ఖరీదైన కానుకలు వస్త్రాలు వధువుకు ఇవ్వడం విందు భోజనాలుఏర్పాటు చేయడం జరిగింది . నాది  మావారిది పెద్ద పెద్ద కుటుంభాలు కావడం వలన తొమ్మిది పసుపు స్నానాలు పూట పూట కి పంచేసుకున్నారు .మేనత్తలంత ఒక పూట పిన్నులంతా ఒకపూట అలా పెళ్లి రోజు ఉదయం వరకు సాగింది .(తరువాత). 



  

,




13, జులై 2012, శుక్రవారం

సందడి

చినుకుల అలజడికి మెలకువ వచ్చి బయటికి వచ్చి చుస్తే అద్భుతమైన దృశ్యం ..మా ఇంటి ఆవరణలో మొక్కలన్నీసందడి చేస్తూ జలకాలడుతున్నాయి   

10, జులై 2012, మంగళవారం

జీవితం

భాల్యం లో జీవితం ప్రతి క్షణం మధురం... 
కళ్ళనిండా కలలు గుండె నిండా ఆశలు... 
బ్రతుకంత అలాగే వుండి పోకుడదా!
సుఖ దుఃఖల గారడీ ఎందుకవుతుందీ....
ఎండలో వాన కురిసినట్లు !
ఇంద్రధనస్సు వచ్చినా ......అది క్షణికమేకదా!  

1, జులై 2012, ఆదివారం

దూరం తగ్గినట్లే

నిన్న ఉదయం మూడున్నర గంటల్లో  విజయవాడ నుండి హైదరాబాద్  వెళ్ళగలిగాను సరిగ్గా నాలుగుగంటలు పని చూసుకుని  తిరిగి రాత్రి ఏడున్నరకి విజయవాడ లో వున్నాను.ఇంట్లోవాళ్ళు హాచ్చార్యపోయారు అసలు నేను మీటింగ్ కి వెళ్ళకుండానే తిరిగి వచ్చేసానేమోనని :)
మనం గన్నవరం వెళ్లి విమానం ఎక్కి వెళ్ళలేదు అలాగని ఏ సూపెర్ ఫాస్ట్  ట్రైను ఎక్కి వెళ్ళలేదు సాదాసీదాగా మనం ఎప్పుడు వెళ్లినట్టు నేషనల్ హై వే లోనే వెళ్లాను .ఈ హై వే కోసం ఎంతో కాలం నుంచి ఎదురు చూస్తున్నాం హై వే ఎప్పుడొస్తుందో ?,.హై వే వస్తుంది (విజయవాడ -హైదరాబాద్ )దాదాపు ఎనభయ్యి శాతం పూర్తయ్యినట్లు కనిపించింది ఎక్కడ ట్రాఫిక్ జామ్  లేదు లేట్ అంటూ జరిగితే సిటీలోనే మిగిలిన భాగం పూర్తయితే ప్రయాణం ఎంతో సులభం ముఖ్యంగా విజయవాడ హైదరాబాదు మద్య దూరం తగ్గినట్టే (సమయం)వెధవ ప్రమాదాలు చాలావరకు నియంత్రించినట్లే .

10, జూన్ 2012, ఆదివారం

ఇన్నాళ్ళకి వచ్చావా

ఇన్ని అందాలను ఆనందాలను ఇన్నాళ్ళు ఎక్కడ దాచావమ్మ !ఇప్పుడిప్పుడే మా ఊరు రావనుకున్నాము చెప్పాపెట్టకుండా మొన్న రాత్రి నీవు చూపిన దయతో మా ఊరంతా మురిసిపోయి తడిసి ముద్దయి పోయింది తెల్లారేసర్కి నీ జాడలు మాత్రం వదిలి వెళ్లి పోయావే !అప్పటినుంచి ఒళ్లంతా కళ్ళు చేసుకుని నీ కోసం ఎదురు చూస్తున్నాను ఏమాత్రం అలికిడి అయిన  నువ్వోచ్చేసావు అనుకుంటు కిటికీ పరదాలు తీసి మన ఇంట వాకిట
ఆడుకుంటున్న  చిట్టి రెమ్మలని కొమ్మల్ని అడుగుతున్నాను . .
నీకు తెలుసా నీ కోసం మన ఇంట్లో ఎంతమంది ఎదురు చూస్తున్నారో !అదిగదిగో మనస్సున్న మరుమల్లి యెలా
వాడి పోయిందో నీవులేక ,వన్నెచిన్నెల విరజాజి పందిరిని చూసావా తన నేస్తం చంపకం చెప్పే కబుర్లు మీద దృష్టి నిలపక మొర ఎత్తి కరిమబ్బుల  లో నీ జాడలు వెదుకుతుంది చిట్టి చేమంతులు ముద్దు గులాబీలు మరువపు పొదలు
సైతం ఆత్రుతగా నీ చిరు సవ్వడి కోసం ఆలకిస్తున్నాయి .........
హమ్మయ్య ఇన్నాళ్ళకి మా పయి దయ కలిగిందా !చిరుగాలి తో మా ఊరు చూసి రమ్మని కబురు  పంపావా !నీకు స్వాగతం  పలకటానికి విరులన్నీ కొలువు తీరి ఉన్నాయమ్మావడిగా వచ్చి ఆనందపు జల్లుల్లో మమ్మల్ని ముంచెయ్యి !  

6, జూన్ 2012, బుధవారం

నాకెవ్వరు పోటీ

మామ్ ఒక్కసారి ప్లీజ్ పది నిమిషాల్లో ఇచ్చేస్తానుగా!
హ్మం !ఇప్పటి వరకు నీ దగ్గరే కదా ఎంత సేపు పేస్ బుక్ కాసేపు దానికి రెస్ట్ ఇవ్వు "నేను .
అబ్బ !నీవా బ్లాగ్స్ చూడటం మొదలెడితే ఇప్పట్లో ఇవ్వవు జల్లెడ అంటావు కాసేపు హారం కూడలి 
ఇవన్ని నీవు తిరిగి వచ్చేసర్కి నాకు నిద్ర ముంచుకు వస్తది ప్లీజ్ అమ్మా యిచ్చేస్తా "చిన్ని.
అయిన అంతసేపు లాప్టాప్లో వుంటే కళ్ళు స్ట్రెయిన్ అవ్వుతాయి "నేను. 
అబ్బా ఏమి కాదులే నీకు ఇష్టం అయిన పాట పెడతాను వింటూ వుండు ఈ లోపు ఇచ్చేస్తాను 
మొదలయ్యిందా గోల చిన్న పిల్లతో నీ పోటీ ఏంటి తోచకపోతే ఏదొకటి చదువుకోరాదు "శ్రీవారు .
మేము ఏదొకటి పడతాము నీకెందుకు "కసురుకుంటూ నేను ..
...మమ్మీ ఈ ఫోటో  చూడు ఈ పిచ్చుకలు ఎంత 
ముద్దుగా వున్నాయో "చిన్ని
అబ్బ ఎంత బాగున్నాయో ఎవరు పెట్టారు ఈ ఫొటోస్ "సంబరంగా నేను 
ఇప్పుడు ...................................................
నాకెవ్వరు జోడీ హ్మం !
ఇల్లంతా వెలితి !దుఖం గుండెల్లో నింపుకుని కన్నీరు దాచుకుంటున్న నాన్న 
అర్ధరాత్రిలో మెలకువ వచ్చి పక్కన తడిమితే నీవు లేవన్న పచ్చి నిజం గుండె 
పగిలిపోతుంది  గది గదిలో నీవున్నవనే ఆశ తో నీకోసం వెదుకుతున్న బుజ్జుల్ని 
చూస్తుంటే నా కళ్ళు నా మాట వినడం లేదు తల్లీ ....మా మూడు ప్రాణాలు నీకోసం తల్లడిల్లుతున్నాయి చిన్నీ !
ఇప్పుడు ఎవరు కన్నా నాతో పోటీ ?  
    
  

16, మే 2012, బుధవారం

చిన్ని మనస్సులో

నాలో నేను తరచి తరచి చూసుకున్న ఉహు అప్పటిజాడలేవి మాయలేదు ..నిన్న మొన్న జరిగిన రీతిన కళ్ళముందు గోచరిస్తుంటే తప్పదని తెలిసిన నా మనస్సుని బుజ్జగించడం నా వల్ల కాదని  అర్ధం అయ్యింది ఈ చిన్ని మనస్సులో  కొండంత దిగులు .

9, మే 2012, బుధవారం

సుడిగాలి పర్యటన

  భీమవరం మార్గం లో ఇలా దర్శనం

 నరసాపురం పాలకొల్లు రహదారి


 ఫోటో తీస్తున్నానని నన్ను కోపంగా చూస్తున్న సూరీడు
 నరసాపురంలో సాయంసంధ్య 
మొన్న సుడిగాలి పర్యటన చేసాను అంటే కొలువు కి సంభందించిన పని అన్నమాట :-)ఏలూరు నుంచిబయల్దేరి కైకలూరు మీదుగా ఆకివీడు ఉండి భీమవరం శివదేవుని చిక్కాల పాలకొల్లు నరసాపురం ఉల్లంపర్రు మార్టేరు అత్తిలి 
తాడేపల్లిగూడెం నుండి ఏలూరు చేరాను . పాలకొల్లు నుండి నరసాపురం వెళ్ళే రహదారి ఆ వాతావరణం నన్నెంతగానో ఆకట్టుకుంది కస్టపడి నా సెల్ ఫోన్ లో ప్రకృతిని ఇలా బంధించాను .

30, ఏప్రిల్ 2012, సోమవారం

సమాజసేవకు మేము సైతం .....


సమాజానికి మంచి చేయాలనీ ఆలోచన ఉన్నవారే సివిల్ సర్వీసెస్ కి రావాలని ఇతర ఉద్యోగాల్లో కేవలంవ్యక్తిగత  ప్రతిభకు అవకాశం వుంటే సివిల్స్ కి మాత్రం సామాజిక భాద్యత అధనంనైతిక విలువలు తప్పనిసరి అని సివిల్ సర్వీసెస్ పై నిర్వహించిన అవగాహన సదస్సులో జిల్లా కలెక్టర్ ఉద్భోధించారు.ఇది సత్యం. ఒకప్పుడు కోస్తా జిల్లాలలో ఇంజనీరింగ్ మెడిసిన్ తప్పించి వేరే ఆలోచన తల్లిదండ్రులకు వుండేది కాదు ఇప్పుడు ట్రెండ్ మారుతుంది .తమ పిల్లల్ని ఇంటర్ స్థాయి నుండే సివిల్ సర్వీసెస్ వైపు ప్రిపరషన్ సాగిస్తున్నారు పిల్లలకంటే తల్లిదండ్రులే తపన పడుతూ ఈ సదస్సుకి హాజరయ్యి తమ సందేహాలను నివృత్తి చేసుకున్నారు .గత అయిదు సంవత్సరాల తో పోల్చితే ఇంత పెద్ద ఎత్తున అభ్యర్ధులు తల్లిదండ్రులు  అవగాహనా సదస్సుకు హాజరు కావడం  భవిష్యత్తు లో మార్పు కి నాంది అని చెప్పవచ్చు .స్వాగతం పలుకుదాము . 
            

బుజ్జులు కి ఇష్టం అయిన పండు


బుజ్జులు ఆడుకునే పోజ్ ....మామిడి కనబడితే ఆటలు వదిలి ఇలా........
మామిడి పళ్ళు తినాలి అంటే  రహస్యంగా తినాల్సి వస్తుంది రహస్యం ఎందుకు డయాబిటిక్ గాని ఉందేమోనని డౌట్ పడగలరు  .. ఈ పరిస్థితి నా ఒక్కదానికే కాదు మా ఇంట్లో వున్నా వారందరిది.చిన్నరసాలు సీజన్ ఉన్నంత కాలం మన ఇంట్లో ఉండాల్సిందే వచ్చిన బంధువులకి తినిపించడమే కాకుండా పాక్ చేసి వాళ్ళ కూడా పంపిస్తాము




 .అసలు విషయానికి వస్తే మాతో తినడానికి పోటీగా బుజ్జులు కూడా తయారయ్యింది దానికి పళ్ళంటే చాలా ఇష్టం మరి మామిడి పళ్ళంటే మహా ప్రాణం తియ్యగా వుంటాయి కాబట్టి వాటికి పెట్టొద్దు అని తెలిసిన ఇరుగమ్మ పోరుగమ్మ  చెబితే బుజ్జులుకి మామిడి పళ్ళు ఇవ్వడం మానేశాము .అసలే అంతంత మాత్రం జుట్టు తీపి తింటే వున్నది ఊడిపోతుంది అనేసర్కి బుజ్జులు అందం తగ్గుతుందేమోననే భయం తో పూర్తిగా పెట్టడం మానేశాము .దాని ముందు పండు తినాలి అంటే దాని చూపుల్ని తట్టుకోలేము అదేదో సినిమాలో బ్రహ్మానందం చూసినట్లు చూడటమే కాకుండా పిచ్చి తిట్లు దాని చేతులు పెట్టి అందినంతవరకు మమ్మల్ని కొట్టడం చేస్తుంది ,అందుకే బుజ్జులు ముందు సాధ్యం అయినంత వరకి తినడం తగ్గించాము తినాలి అంటే బుజ్జులు మేడ పైకి షికారుకి వెళ్ళే సమయం చూసుకోవాల్సిందే .మా అమ్మాయి జాలి పడి రసం మొత్తం తీసేసిన టెంకె ఇచ్చి దానిని బుజ్జగిస్తుంటది .బుజ్జులు నిద్రపోయేప్పుడు తింటున్న వాసనలు పసిగట్టి వచ్చి గోలగోల చేసేస్తుంది .ఈ మామిడి పళ్ళ పిచ్చిలో పడి పాలు అన్నం తినడం మానేసి స్లిమ్ గా తయారయ్యింది .అమ్మ వాళ్ళింటికి తీసుకెళ్ళిన పైన చెల్లి వాళ్ళింటికి వెళ్ళిన ఫ్రిజ్  డైనింగ్ టేబుల్ చుట్టూనే తిరుగుతుంది అక్కడ  మామిడి పళ్ళ వాసన లు పసిగట్టి ..పండు పట్టుకుంటే తెల్లగా పీల్చి పిప్పి చేసి మరి తింటుంది .ఏమైనా ఇలా రహస్యంగా తినే బదులు అసలు తినకపోవడమే బెటర్ అనిపించేలా చేస్తుంది ఈ బుజ్జులు.ఇంతక్రితమే మా అమ్మాయి రసం తీసేసి ఇచ్చిన పండు ఎంత పరవశం తో తింటుందో చూడండీ ..

13, ఏప్రిల్ 2012, శుక్రవారం

ఆ ఇద్దరు లేరు

కష్టాలు వస్తే ఒకదాని తరువాత ఒకటి చెట్టపట్టాలు వేసుకువస్తాయని నాయనమ్మ చెబుతుండేది సంతోషం అయిన అంతేనంటా.నాయనమ్మ ఎన్ని సామెతలు చెప్పేదో ఆలోచిస్తే జీవితానుభవం లోంచి వచ్చినవె .గత సంవత్సరం మధ్య నుండి కష్టాలే ఊహించనివి .,సరదాగా హెల్త్ చెకప్ అని వెళ్ళిన శ్రీవార్కి మేజర్ హార్ట్ సర్జరీ అయ్యి దేవుని దయవలన రిస్క్ నుండి కొంత సేవ్ చేయబడ్డారు కాని చిన్ని రాసే మెయిన్ ఎక్జమ్స్ మీదపడి తను సర్వీసు కోల్పోయిందిఇవన్ని నాన్న కంటే ఎక్కువ కాదులే అని సరిపెట్టుకుంది .సర్జరీ అయ్యి పూర్తిస్థాయిలో రెస్ట్ తీసుకుంటున్న శ్రీవార్ని చూసుకోవడానికి కూడా సెలవలు లేని వైనం చేసే ఉద్యోగం పై విరక్తి కలిగి నా మాతృ శాఖకి వచ్చేసేలా పురిగొల్పింది ఇంటాబయట మనస్సుకి శరీరాన్కి విశ్రాంతి లేక పూర్తి అయోమయం లో పడిపోయాను ....దగ్గరలో అమ్మాయి పెళ్లి వుంది ఇలాంటి స్థితిలో ఎలా చేస్తామా అని సందిగ్ధం ..
తమ్ముడి స్థితి చూసి ఖంగారు పడ్డ అన్న (శ్రీవారి అన్న )హార్ట్ చెకప్ చేసుకుని తనకంత మంచిగా వుందని ఊపిరి పీల్చుకున్న ఆనందం నెలరోజుల్లో ఆవిరి అయిపోయింది అర్ధరాత్రి హార్ట్ అటాక్ రూపంలో కబళించింది ఊహించని ఈ అవాంతరం చూసి మతి చెదిరి కుప్పకూలి పోయింది మా "బాపుబొమ్మ "(..క్రిటికల్ కేర్ లో 'బాపుబొమ్మ').స్మశాన వైరాగ్యం నుండి బయటపడి తెచ్చిపెట్టుకున్న ఆనందం తో పెళ్లి పనులు ఒక్కటొక్కటిగా మొదలు పెడదాము అనుకునే తరుణం లో తన భర్త ని విడిచి ఉండలేని మా తోడికోడలు ఒక ఉదయాన తన ముగ్గురు పిల్లల్ని మాకప్పగించి ఈ లోకం నుండి శాశ్వతంగా సెలవు తీసుకుంది .చివరివరకి చిన్ని పెళ్ళికోసం ఎదురు చూసిన ఆ ఇద్దరు లేకుండానే పెళ్ళయిపోయింది బహుశా మేము కూడా అంతలా ఎదురు చూడలేదు అమ్మాయి పెళ్లి కోసం హ్మం ...దేవుడు అడుగడుగునా నాకు కష్టాలు పెడుతూనే వున్నాడు కొలువులో తీవ్రమైన ఒత్తిడి అన్ని విషయాలు యెరిగి కూడా మానవత్వం చూపని అధికారులు ఉద్యోగం అంటే యేహ్యత ఏర్పడింది .ఇన్ని ఇబ్బందుల్లోను నా పయి పెట్టిన భాద్యతను ఆత్మియులైన స్నేహితులు తోబుట్టువుల సహకారం తో నేరవేర్చాను ఒక్కటి మాత్రం మనస్సులో తోలుస్తునేవుంది ఆ ఇద్దరు లేనిలోటు ..

11, ఏప్రిల్ 2012, బుధవారం

మా ఇంట్లో భూకంపం

మా విజయవాడకి భూకంపం వచ్చింది .ఇప్పుడే పైన వుండే వాళ్ళు పరుగులు తీసుకుంటూ వచ్చారు మమ్మల్ని చూసి తీరికగా కూర్చున్నరేంటి ఇల్లంతా కదిలిపోతుంటే అని ...బయటికి వచ్చాం కొంత సేపు చూడాలి యెం జరుగుతుందో ...

7, ఏప్రిల్ 2012, శనివారం

లక్ష్యం

అడుగులు ఎటు వెయ్యాలి? ఇంకా నాకేం కావాలి ?చేసే ఈ పనిలో నిజమైన తృప్తీ ఉందా?కొనసాగాలా లేక కొంత కాలం బ్రేక్ తీసుకోవాలా ఉహు మనస్సు మాట వినదే !నాలుగు రోజులు ఇంట్లో విశ్రాంతిగా కూర్చుందామని అనుకున్న కూర్చోలేని నా మనస్తత్వం పై బోల్డంత కోపం వస్తుంది .ఒక్కసారే వచ్చిపడిన విరామం లా వుంది .నా పరిస్థితినాలుగు రోడ్ల కూడలిలో ఉన్నట్లుంది.ఒక్కోసారి అమ్మ అమ్మమ్మ వాళ్ళలా ఇంట్లో చక్కగా వండుకుంటూ వార్చుకుంటూ ఇరుగమ్మ పోరుగమ్మ తో ముచ్చట్లేసుకుంట జీవితం గడిపేస్తే పోలా అని మరొక వైపు సమ సమాజం కోసం జీవితం అంకితం చేసేద్దాం :)అని ఆశ. మరింకోవైపు రాజకీయాల్లో కి పోయి దేశాన్ని మనం కూడా ఉద్దరించేయోచుగా అని కోరిక ఇవేవి కాదనుకుంటే నోర్ముసుకుని వున్నా ఉద్యోగాన్ని సక్రమంగా ఓపిక వున్నంతవరకి చేస్కోవాల హ్మం ప్రస్తుతం ఏంచేయాలో అర్ధం కావడం లేదు .

1, ఏప్రిల్ 2012, ఆదివారం

love @ golconda - Song

moch

2, మార్చి 2012, శుక్రవారం

గూడు చిన్నబోయింది

రెక్కలొచ్చిన చిట్టితల్లి గూటిని తను చుట్టూ అల్లుకున్న మమకారాలను కష్టం మీద చేదించి జంట గువ్వ తో ఎగిరిపోయింది .....గూడు వెలవెలబోయింది .

18, ఫిబ్రవరి 2012, శనివారం

ఒక ఆహ్వానం ఆప్యాయంగా ....

నా ఏకైక ప్రియ గారాల పుత్రిక చిన్నారి చిన్ని కి వారం రోజుల్లో అంటే వచ్చే ఆదివారం అనురాగాల పందిరిలో ఆత్మీయుల సమక్షం లో వివాహం జరగబోతుంది .......ప్రేమ నాదం చిగురించి జీవన గానం ఆలపించే శుభ వేళలో ఆప్తులైన మిత్రులు విచ్చేసి చిన్నారులను ఆశిర్వదించ కోరుతున్నాను.....సమ్మతము తెల్పిన మిత్రులకు వివరాలు తెలియచేయగలను......

7, జనవరి 2012, శనివారం